هل تمتلك سيارة يابانيه؟ مانوعها؟ وماهو انطباعك عنها؟ دعوة للمشاركة

^^^

مقارنة بالمنافسين اراها ممتازة ..

لا والله ماعندي بس ناوي اشتري وابي رايكم شرايكم اشتري ال جي تي ار 2014؟؟ ولا ماتستاهل السعر الي حاطينه نيسان ب 400الف ابي اراكم باسرع وقت ممكن

كامري 2002 GLI غلطة عمري اني بعتها واستبدلتها بكامري 2005 XLI مطور :c0038:

بالنسبه للأولى رائعه وغنية عن التعريف,,,,

اما الثانية صحيح انها ماتطلب كثير والقطعه الوحيده غير القطع الاستهلاكية اللي غيرتها هي كمبروسر

بس بصراحه بهذلتني بنقص الزيت واصوات الهواء بعد 120

كان عندنا جيب gx-r 2001
6سلندر نوعه عادي

من ناحية التحمل فماشاء الله انا اشهدله بالتحمل
شريناه عام 2006 وكان مع شايب
شريناه بقيمة 90 الف وكان ماشي [COLOR=Navy]32 الف فقط
من 2006 إلى 2013

ماشاء الله لم يطلب سوى زيت وقماشات وبطاريات
ومره وحده غيرنا السلف فقط

مشكلته كان الزيت يسود على طول ما ادري ليه
صح ان الجيب ثقيل لاكن عزمه ماعليه وبالنفود ضعيف اول مايشم الطعس يطيح عزمه
صرفية البنزين عاليه شوي

بما انه قير عادي يكون محشور شوي يعني فيه حنه على 120
لاكن الأوتو نمرته طويله ماتسمعله حنه الا يمكن من بعد 160

المكيف ماشاء الله تبارك الله بارد جداً
الداخليه كأنك راكب هيلوكس بصراحه
دركسون ثلاثي ولا فيه ايرباقات والمسجل نص اسود

بعناه بعد كد 7 سنوات وكان ماشي 157 وفيه باب السواق مغير بخسارة خمس الاف فقط ههههههه

والله يعطي الي شراه خيره ويكفيه شره[/COLOR]

السلام عليكم اخوي صالح اشكرك على الموضوع المميز الي كلنا استفدنا منه واسف لان ردي خارج موضوعك انا ناوي ان شاء الله اخذ لي سيارة هيونداي i20 ابي رايكم فيها اخواني واسسف يا اخ صالح

التيما 2005 اربعه سلندر ماشي 300000 صراحه سياره عمليه من افضل مايكون
ثمان سنوات ابدل زيت وقماشات بس

السلام عليكم
اشكركم جميعاً على طرح تجاربكم وفي انتظار المزيد من التجارب الفريدة والمفيدة
ويعطيكم العافية

مازدا 6 2014

سياره رائعه بمعنى الكلمه
اكثر شي اعجبني فيها المكيف بارد جدا جدا + اقتصاديه في البنزين جدا جدا + راسيه جدا جدا + دركسونها خفيف جدا جدا

عندي مجنا 2003 VR-X مميزه

سياره قويه جدا و تتحمل كثير لكن قطعها نار جدا بسبب احتكار الوكيل للقطع و عدم توفرها في المحلات

كامري 2004

قير عادي

الحمدلله ما اذكرقد اشتكيت منها ابدا

مع اني ماخذها من عمي وعمي ماخذها من واحد

وعزمها طيب جدا ماتعطيها 4 سلندر مشاءالله طبعا يطيح العزم بعد ال100 بسبب عدد السلندرات

افكر ابيعها واشتري كابرس بعد سنه او حولها بذن الله

كآإمـري 2005

ومشاء اموتر جدا رائع ما يخذلك باذن الله

طبعا 4 سنردل بس العزم حلو <3

يعني لو تمرن الموتر بخطوط وكذا يمديك تشد مع افلون !!

وقير عآإدي

السـلام عليكم ...
و بعــد عشر سنوات من القياده
استخدمت خلالها الألماني و الأمريكي والكوري فقط
حان الوقـت لأعطي فرصة ً لليـاباني وعندما أقول ياباني فأنا أعني الصناعة اليابانيه الحقيقيه


بعد ثلاث ايام استلم ان شاء الله مـازدا 6 2014
السـياره كما بحثت عنها هنا والمواقع الاجنبيه تعتبر أفضل سياره متوسطه هذا العام

أنا ما أملك سيارة (طالب ثانوي إن شاء الله قريب بستلم مفتاح ^_^)
عالعموم تعلمت على سيارتين وراح أقولكم إنطباعي عنهم

الأولى إيسوزو تروبر 2003

أول سيارة تعلمت عليها ممتازة للخطوط إقتصادية نوعا ما ، مشكلتها مقاعدها غير مريحة لكن عملية وتعيش معك فترة طويلة (السيارة باعها أبوي لأحد أصدقائه)

الثانية اللي تعلمت عليها صح ! جيب لكزس 2005

بعد الإيسوزو شرى أبوي يوكن 2008 الشكل الجديد ولكن بحكم إن أخوي صار عنده سيارة و رخصة فباعها أبوي وشرى لكزس 2005 صراحة شي قمة في الروعة السيارة هادية جدا و ما تحس بالمطبات ووسيعة ومقاعدها مريحة وتمسك و تصلح للخطوط الله يبارك لنا فيها و قيادتها جميلة ما شاء الله (السيارة للحين موجودة عند الوالد)

وإن شاء الله قريب أشتري سيارة وراح أعطيكم إنطباعي عنها ^_^

السلام عليكم ..

سيارات سوبارو أكثر من رائعة على الطريق من ناحية الثبات والتحكم بها وهي سيارة عملية ويمكنك الاعتماد عليها بكل المناطق و بجميع الظروف وهي اقتصادية جدا" من ناحية الاستهلاك البنزين والقطعة وغيرها ...:xyxthumbs:


تحياتي

سوبارو xv

سيارة اعتمادية

عملية

حق كرف

ماتصرف

اقتصادية

ليجاسي 2006 H6 صراحه من افضل السيارات اليابانية اللي سقتها ولحد الان استمتع بقيادتها خصوصا مع المنعطفات احس برساوة السيارة



ولكن اقول تبا لوكيل السوبارو

بسم الله الرحمن الرحيم
هذه اول مشاركة لي
معاي سوبارو امبريزا 2.0 2007
السيارة استهلاك في الوقود جدا رائع بسبب تصميم الاتش
السيارة مزودة بمحرك يولد 160 حصان بعزم 186 نيوتن
وتسارعها جدا رائع
https://www.youtube.com/watch?v=vhvuSvRiZD4
طبعا ما عدلت فيها هذه مو سيارتي لكن نفس موديلها
الحمد لله السيارة ثابته بشكل ممتاز والسوبارو معروفة في مجال الثبات وخاصة بالدفع الرباعي المنتظم
لعنت خيره لكن الحمد لله ما قد اشتكت من شيء
ذلك تعلقت بالسوبارو وما افكر في شراء غيرها

كان عندي مازدا 6 موديل 2004 .. بعتها قبل 3 شهور تقريبا
السيارة قوية ما عليها كلام .. ثبات على الخط .. شكلها جميل .. واسعة من الداخل
بس دائما كانت تواجهني مشاكل في المكيف .. وصوت المكينة مزعج إذا تعديت 140
لم أندم على شرائها أبدا .. وإذا فكرت بشراء سيارة جديدة مستقبلا ستكون مازدا بالتأكيد