الأحد 19 أبريل 2026
الرئيسية أخبار السيارات مواضيع اليوم
روابط قد تهمك : السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | قناة السيارات
عاجل
بدأت شركة GWM بطرح سيارة هافال V7 بلس للبيع المسبق بمدى كهربائي يصل إلى 255 كيلومترًا، بسعر يبدأ من 27,800 دولار أمريكي في الصين | تويوتا GR MR2 الجديدة بتصميم جديد كلياً وتحديث شامل مجهزة بمحرك من الجيل الجديد! تم تقديم طلب تسجيل العلامة التجارية!" ستُطرح للبيع في عام 2027 | مدى سرعة تطور الشركات المصنعة الصينية | شركة فورد تستدعي 1.4 مليون شاحنة بسبب عيوب في ناقل الحركة | راديتر كابريس
الرئيسية المنتديات الرئيسية نادي سيارات ال SUV و العائلية والنقل استفسار هام عن يوكن-يوكن دينالي 2002

استفسار هام عن يوكن-يوكن دينالي 2002

نادي سيارات ال SUV و العائلية والنقل مغلق
10 رد 20,570 مشاهدة 6 مشارك الأقدم أولاً
A
A V L A R S @user_30418 · 28-05-2007
[COLOR=DarkOrange]بسم الله الرحمن الرحيم

أخواني الأعضاء بغيت أسألكم أسئة مهمة عن اليوكن واليوكن دينالي 2002-2003 والفروق اللي بيناتهم :

1- المكينة طبعاً أكيد في فرق بس السؤال هنا من أقوى فيهم من ناحية التحمل وقلة الخرابات ؟؟؟

2- الكهرباء الأفضل بينهم من؟ وهل الدينالي تكثر خرابات الكهرب فيه؟

3- من ناحية الدبل ... طبعاً بعد سؤال كم شخص قالوا لي أن الدينالي يخرب كثير على الشارع عشان فيه دبل -- طيب اليوكن SLE فيه دبل وش معنى؟؟|10|
هل عشانه يعني دبل مستمر (دفع رباعي مستمر) ولا وش بالضبط ؟:confused:
. . . . .
وأخيرا ً تنصحوني بأيش لأني صراحة ناوي على واحد مستعمل في الصيفية (ضروري -الجديد ما أقدر علية) ... وتوضوحون لي الفروق البارزة من ناكية الصيانة وقطع الغيار ..مع ميلي للدينالي أكثر ..:)

والله يجزاكم خير ويعافيكم .[/COLOR]
s
shark334 @user_27909 · 31-05-2007
أخوي حبيت أشارك بالموضوع ومشاركتي بخصوص السيارات الأمريكية المستعملة
طبعا هذة السيارات صنعت للأستخدام في أجواء باردة مو مثل جونا هنا فلذلك يحتاج
منك إنك أول ما تأخذ السيارة تفحص الأديتر كم حجمه (صفة) وبعدين عندك مثلا الفورد
يحتاج إلى تغير الثلاجة حقت المكينة لأنها تكون مصنوعة من البلاستك مو مثل السيارات
المصنعة للاستخدام الخليجي من أجل تكلفة الصنع وبعدين في حاجة أسمها كنداسة
الحرارة وهذي تكون موجودة في أغلب السيارات الأمريكية المستعملة فلابد أنك تلاحظ هاالشي



والله يوفقك أستخر قبل كل شيء
A
A V L A R S @user_30418 صاحب الموضوع · 31-05-2007
الله يستر ... بأحاول قد ما أقدر أحصل واحد نظيف من داخل |5|

طبعا ً مع فني "^^

وبما أن الدينالي دفع رباعي مستمر (يعني فيه دبل) ... هل صحيح أن الدبل حقه يعلق أحياناً ولا يتصلح الا بـ 3000 ريال؟! :confused:
A
A L H A M O O R @user_17724 · 30-05-2007
أخوي فيه ناس كثير شرت أمريكي وتبهذلوا منه !!الوالد شاري كاديلاك من صالات ( الموتر ) وقعد معنا 6 شهوروبدا يسخن وترتفع حرارته وبهذلنا وما لقينا ورشه تعرف له وبعناه !!هذا كاديلاك طبعا والجمس ( الأمريكي ) ما أدري هل فيه حراره أو لا !!لكن احتياطا وأأمن لك لا تشتري امريكيولا اذا لقيت أمريكي نظيف وعلى الشرط وعليه ضمان استخر ربك وتوكل على الله ...ونسيت أقولك أن الكاديلاك كان مسمكر من الجوانب والصدامات وما درينا الا بعدين يوم تقشعت البويه !!
A
A V L A R S @user_30418 صاحب الموضوع · 30-05-2007
الله يجزاك ألف خير أخوي AMER ويجعلها في ميزان حسناتك ... فعلا ً أفدتني .

بغيت أسأل كم القى اليوكن دينالي في معارض جدة مستعمل نظيف (مو XL عادي ) 2002 ؟
.
A
AMER @user_3995 · 30-05-2007
اخي الحبيب انقل تجربتي هذه لعلها تفيدك ...
اشتريت يوكن موديل 2001 واظن مافيه ذاك الفرق بس صراحة مبسوط منه لأبعد الحدود ولعلمك انه استخدام امريكي وانا اسكن في منطقة فيها مرتفعات شديدة في مكة والطرق سيئة ولكن مع المحافظة والصيانة المستمرة لا توجد اي مشاكل ..

فيه مشكلة واجهتني على الطرق الطويلة وهي اني اشعر دائما بالنعاس من شدة راحته وهدوئه على الخط ولعلمك فيه فاصل قبل 160 كيلومتر

وانا مستغرب من الدينالي انه خيارات الدفع الرباعي أقل من اليوكن ولكن الدبل يتحول تلقائي في الدينالي على حسب طبيعة الطرق ويتحول على الـ 4L تلقائيا عند الطرق شديدة الوعورة ... والشيء الوحيد الذي لايملكه الدينالي هو انك لا تستطيع ان تحول الدفع للعجلتين الخلفية ...

في اثناء بحثك عن الدنالي او اليوكن يجب عليك عمل فحص بالكمبيوتر على المكينة وغيرها وتأكد من خلوها من الصدأ من اسفل السيارة لأنها تكون اغلبها مرشوش باللون الأسود فوق الصدا من الأسفل وقبل ذلك كله خذ رقم الشاسيه واذهب لموقع CARFAX لكي يعطيك تاريخ السيارة من يوم اخرجت من الوكالة الي يوم شحنها الى السعودية وتخبرك كم شخص قادها و الأعطال التي مرت بها أو السرقة أو الحوادث ... الخ في حال انك اشتريت استخدام امريكي وذلك مقابل اقل من 100 ريال ولا تنسى الإستخارة وبالتوفيق ..

اتمنى اني افتدك ولو بشيء بسيط
A
A V L A R S @user_30418 صاحب الموضوع · 29-05-2007
عموما أنا اقول ابعد عن الاستعمال الأمريكي وخذ من الجميح أو العيسى أو المعارض جديد 2006 ولو تدور راح تحصل وسعره رخيص شوي ================================ طيب اخوي الهامور وش فيه الاستعمال الامريكي ما يمشي عندنا في السعودية ... واذا يمشي وش التعديلات اللي اسويها عشان يكون مثل غيره >> السعودي "^^ والسعر كم بيكون سعره .... حوالي كم ؟؟ ويليت تجاوبوني على أسئلتي الموجودة بالأعلى.. . . . . ^^
A
A L H A M O O R @user_17724 · 29-05-2007
أخوي الدينالي ( اليوكون ) ما نزل الا موديل 2005 و 2006 فقط

ثم نزل الشكل الجديد 2007 ..

يبدو انك راح تاخذ استعمال أمريكي ؟؟

عموما أنا اقول ابعد عن الاستعمال الأمريكي

وخذ من الجميح أو العيسى أو المعارض جديد 2006 ولو تدور راح تحصل وسعره رخيص شوي

وعلى فكره مثل ما قال أخوي فورتيك فيه شاشة لمس و شاشة DVD

ويكفيك صوت مكينته :)
V
VORTEC 6.0 @user_47270 · 29-05-2007
يارجال حنا عندنا واحد 2006 ماشاء الله صوت مكينته طرب كنك مركب دبة ويفز فزه حلوة ويصلح للمقاومات والكشخة والتطعيس وكل شي وصرفيته اقل من الفورد اللي معي والفرامل ماشاء الله قوية وحتى وهو ثقيل بعد وفيه شاشة ملاحة باللمس

يعني بالعربي موتر معجبن بس ودي الوالد يبدل معي!:(
A
A V L A R S @user_30418 صاحب الموضوع · 29-05-2007
شكراً أخوي JEDDAHBOY على الرد ... طيب بما أالدينالي لايناسب الطرق شديدة الوعورة وتجاوز العقبات يعني ما يصلح للجبال والطلعات القوية ...
يعني هو حق شوارع ... طيب ليه الناس تقول انه كثير خرابات في الشوارع ولا يصلح الا للجبال؟؟

ويليت تجاوبوني على أسئلتي الموجودة بالأعلى..
.
.
.
.
^^
C
C300-SRT8 @user_24687 · 28-05-2007
اخوي A V L A R S
الفرق بينها من غير المحرك طبعا الدبل عيب دبل الدينالي والاسكاليد انه دفع رباعي مستمر "شغالة الاربع عجلات على طول " وهذ لايناسب الطرق شديدة الوعورة وتجاوز العقبات لانه يفقد خاصية ال L4 في الدبل العادي
اما اليوكون العادي الدبل فلك الاختيار بين الدفع بالعجلتين الخلفيتين او بالاربع عجلات متا ما شئت وهو مهئي للظرورف الحرجه باحتوائه على خيارات الدبل المعتاده H4 و L4