وش رايكم بهاللاندكروزر .. ها!! نبارك ونشتريها؟؟

اليوم رحت شفت الباترول عشان أشوفها على رأيكم

والله بصراحة جربت القير العادي دواسة الكلتش ثقييييلة ومتعبة للرجل

التماتيك النص فل مابتوصل قبل 4 شهور

والتاهو الجديد مارتحت له

وأبشركم حصلت جكس آر 4 بنفس السعر وماشي أقل كمان اللون أرزق وشاشة ملاحة وكراسي كهربا وبلوتوث

وش رايكم؟؟

الله يالغالي مع احتراماتي مضحوك عليك ,,

ولا مين الصاحي بيدفع بجي اكس آر 125 ألف ولا بعد جكس آر جي ..

اللي اكسسواراته صينية !

بالنسبة للتحمل فيه سيارات كثيرة تتحمل تحمل غير طبيعي ,,

لكنك تسمع الآراء من مصادر غير موثوقة بصراحة !!

ولا وش قصة ارامكو مع الجمس ومقصات البلاستك !!

والحمراني مغيرين لخويك مساعدات الباترول :D

بصراحة شي يحير !! وان صارت مرة فانها ما راح تصير مرة ثانية !!

حنا جربنا سيارات كثيرة منها الباترول والجمس ,,

بصراحة مواتر تنحط عالجرح يبرى ,,

قوة ومواصفات وآداء ,, خصوصا اليوكن الجديد او التاهو ,,

128 الف اشتري لي يوكن جديد على يدي اللون اللي ابيه ومواصفات ومحرك ولا بالخيال !

او تاهو بـ 120 ألف بس !!

عموما اذا عاجبك الموتر الجكس آر خذه وتوكل على الله ,,

لكن مثل ما قلنا لك موتر ( ما يسوووووووووى )

والراي رايك D

عندنا بي إم ... وقفت 4 سنوات بعد الوقفة لقينا أشياء متعطلة كثيرة وأولها القير قرب يخبط مع إنه كان سلييييييم قبل الوقفة..

فقلت الله أعلم وش داخلة السيارة الواقفة :confused:

إيه، لكن أنت ما تاخذها بكم كان سعرها، إنت تاخذها بحسب الأسعار الحالية. هذه خسارة صاحبها، وأنت المستفيد.

يا جماعة حبيت أوضح للكل وخاصة الأخ الكريم Yoda إن اللاندكروزرات الموديلات الـ2004 وتحت كانت رخيصة يعني الوكالة سعرها 140 ألف فقط

بدأت تغلى اللاندكروزرات في سنة 2005 حيث الجكس آر السياحي صار بسعر الفكس آر الفل أبشن والسبب إرتفاع سعر الين

وهالسنة بدأت ترخص سعرها مرة ثانية لكن مو برخص أول .. الحين الـGXR4 أو كراسي كهربا وشاشة ملاحة بـ160 ألف

تحياتي

أما أنا فاكتب تجربتي الحقيقة
و ما عندي شيء من برا


شكرا

أنا مشغل شريط؟ أبد، أنا ما أكتب إلا الجديد :D

أنت مسجل بتاريخ 24-03-2007
مشاركاتك 595 بمعدل 8.13 مشاركة في اليوم

أنا مسجل بتاريخ 04-11-2006
مشاركاتي 219 بمعدل 1.03 مشاركة في اليوم

إذا أنا توني مشغل شريطي , أنت الظاهر مشغل شريطك من شهر 3 الي فات
:D

هذا الحكي.

ياساتر !!!!!
عزيزي الجديد الآن سعره 140 الف !!! كيف تشتري مستعمل اغلى من الجديد ؟

بعدين انا موتري في اكس ار موديل 2004 نظيف جدا مسيوم بـ 130 الف !!

جدا غالي سعره

الله يقطع بليسك
ذبحتني من الضحك
:D

نسناس شغل شريطه.

مع أن الموضوع عن اللاندكروزر وليس البرادو لذلك حبيت أبدي رأيي
هذا الكلام غير صحيح أخ حمود
لأنه هناك الكثير من الأعضاء يشتكون من كثرة الأعطال بالبرادو
هناك من يشتكي من الحرارة
و هناك من يشتكي من التصميم
و هناك الكثيرين ممن يشتكي من كثرة أعطال الفرامل
و هناك الكثيرين ممن يشتكي من كثرة أعطال التكييف
و هناك من يشتكي من التصميم الداخلي و ضيق السيارة من الداخل
البرادو خيار سيء جدا
و أنصح الأخوان بعدم أقتناء البرادو نظرا لكثرة مشاكلة أولا و لغلاء سعره على الفاضي

أما بالنسبة للاندكروزر فهي سيارة تاريخيا أثبتت و جودها بالعالم كله
قليلة الأعطال
موديل الفي أكس آر أفضل بكثير
من غير المنطقي مقارنة سيارة عريقة مثل اللاندكروزر بسيارة جديدة و كثيرة المشاكل و الكثير يشتكي من كثرة أعطالها مثل البرادو

الخيار الآخر المنافس و القوي و الغني بالمميزات و القوي بسمعته و ذو سعر عادل و معقول هو [SIZE="6"]اليوكن و التاهو
أما البرادو أخي الكريم فهو في القائمة السفلى من ضمن الخيارات السيئة أيضا
هذا هو رأيي أقوله عن تجربة فعلية للبرادو كثير المشاكل و لكي يستفيد الأخوان و بأن لا يقعوا بأخطاء إرتكبها الآخرون

تحياتي
[/SIZE]

لكن يا خوي جدييدة، وبهذا السعر! يعني أنت مخدوع تماماً في السعر. الجديد وش بيخرب فيه من الوقفة؟ الكفرات والزيت فقط، وإذا فيها بنزين لازم يتغير. وهذه ما تكلف شيء أبدا تغييرها. وبعدين سيارات المعارض تتحرك كل فترة وفترة لتغيير مواقعها، وتتشغل كل فترة وفترة عشان الزبون يشوفها، يعني ما هي واقفة راكدة.

يا جماعة تراكم مرة مخدوعين بالسيارات الجديدة

الباترول سيارة يشهد الله إنها قوية لكن غسلت يدي نهائيا لما الوكيل عند الصيانة الدورية غيروا لواحد مساعدات قديمة!!

والجمس مقصات بلاستيك حسب كلام ارامكو للمواصفات والمقاييس..بصراحة ماقدر أجازف!!

والباجيرو شكله ماعجبني..

مادري عنكم لكن في نظري هاذي لاندكروزر تستاهل ولو هي بـ200 ألف المهم سيارة لها يشهد عليها الجميع بالتحمل!!

وإتفقنا أنا وصاحب السيارة بـ125 ألف هل لايزال غالي؟؟



صراحة السيارة رخيصة ..ولكن... السيارة وقفت 3 سنين وهالمدة من الوقفة تدمر السيارة .. والصوف تنشف عليه ..وأشياء أخرى

تحياتي

اخوي انا بالطائف عند عبد اللطيف جميل لاندكروزر 2004 GX-R J جديد عداد اصفار مخزن 114000ريال وفتحه كمان واللون عودي

كلام زي العسل وانا بقول نفس الكلام

أشكرك على الاطراء، وأشكر كذلك الأخ HMOD. وأأويد كلام الأخ/ HMOD بنسبة 99%

وصحيح أنا شكل البرادو من الخلف، وكذلك من الأمام، مو عاجبني. لكني أضحي بالشكل مقابل المواصفات والإمكانات.
وجميع الجيوب مصندقة :)

اسمح لي أصحح معلوماتك. اللاند كروزر GXR إلى موديل 2005 كان دفع رباعي مؤقت وليس مستمر، لكن موديل GXR2 أو 3، غير متأكد، تشغيل الدفع الرباعي فيه بزر، وذراع الدبل يستخدم فقط لتشغيل الدبل الثقيل (أبو ثلاث تعشيقات).

أما موديلات 2006 وطالع، فهي دفع رباعي مستمر. وأنا شبه جازم أن الـ GXR-J ما نزلت بعد 2005، يعني هذي حتماً 2005 ونازل.

وفيه طريقة تتأكد، من الرسمة إللي على الزر. إذا كانت الرسمة لمحاور السيارة ودائرة على المحور الخلفي والأمامي، فهذا دفع رباعي مؤقت، كما في الرسمة التالية:

\---0---\
|
|
|---0---|


أما إذا كانت الرسمة محاور السيارة وعلامة × في المحور الوسطي، فهذا يعني إنه دفع رباعي مستمر، كما في الرسمة التالية:
\---+---\
|
×
|
|---+---|

المحور الوسطي المفروض يكون في المنتصف، لكن المنتدى يحذف المسافات، لكن أظن الصورة وصلت.