وش رايكم باللون الأسود على الازيرا

ان شاءالله مو بس اصورها

راح اسوي تقرير كامل بالصور عن المواصفات اللي فيها


بس خلها تطلع :)

انا بالشرقيه

وبصراحه ما اقدر اروح للوكالات الثانيه مشوار وغير كذا عندي دوام

وانا الحين بين أمرين

الاول اني اتوكل على الله وآخذ البنفسجي

الثاني اني اصبر لـ رمضان واخذ اللون اللي ابيه وموديل 2008 ويكون الجو تعدل مو مثل الحين حر وعج وغبار


والله يكتب اللي فيه الخيره

إذا أخذت السيارة لاتنسى تصورها لنا

تحياتي :)

إقتراح بسيط

ليش ما تمر الوكالات الثانية ( المجدوعي ـ الناغي )

صح إنه مشوار للشرقية أو الغربية

لكن صدقني .. الأزيرا ( أسود ـ لؤلؤي ) تستاهل أكثر

انفنتي << هلافيك اخوي وان شاءالله باخذ الازيرا

فيصل << هلا والله فيصل والمشوره لابد منها وانا خوك وشورك اني ابعد عن البنفسجي

والله لو اللؤلؤي موجود او الاسود ما افكر اخذ البنفسجي بس المشكله هو افضل لون متوفر حاليا

وخوفي والله انه مع الايام يكون ممل ويكرهني السياره بكبرها

والله يكتب اللي فيه الخيره

ومشكور على مرورك


جذاب << افضل لون بالنسبه لي هو اللؤلؤي مع صبغ الزوائد طبعاً ومن بعده الاسود

والمشكله كلهم راحو ومابقى الا فضي وذهبي وبنفسجي غامق

عموماً اللون ترى غامق مرره يعني هو اسود وفيه شوية بنفسجي واحسه مش بطال وافضل من الفضي والذهبي



ومشكورين على المرور

وموعدنا السبت بعد ما اروح للوكاله

نصيحه لاتاخذا بنفسجي لانه شهر وتمل من اللون البنفسجي وبصراحة لي تحفظ على البنفسجي



خذ يااسود يالؤلؤي وطع شوري بلا حدود لاتاخذ بنفسجي

الأزيرا أفضل من الأكورد ومن فئة أعلى
والأكورد لا تعطي هيبة أو تميز بالاضافة إلى أنه شكلها حيتغير بعد كم شهر

هلا فيك اخوي

انا والله ارتفع ضغطي من الوكاله وعدم توفر الالوان

والقرار الاخير ازيرا مدري وش اللي خلاني اقول الاكورد بس ان شاءالله راح اخذ الازيرا

المهم وش رايكم باللون البنفسجي

انا عاجبني بصراحه الا شوي

وعندي احساس اني راح اطفش من هاللون بسرعه وخصوصاً اذا شفت لي لؤلؤي << يدوخ مع اللؤلؤي :)

ما اقول غير الله يكتب اللي فيه الخيره

ماعاد فيني صبر

ويوم السبت بروح لهم وبطفشهم باللؤلؤي عساهم يطلعون لي وحده منا ولا منا ,, واذا مافيه الظاهر والله العالم اني باخذ البنفسجي الغامق

تحياتي

واللله يا اخوي الالوان مسأله ذوق ..
لكن دايما كل ما غمق اللون يعطي قيمه للسياره اكثر ...

اتوقع الازيرا احلى من الاكورد بكثير خصوصا بالمواصفات اللي ذكرتها ماشاءالله روووعه الصراحه ..

والله يوفقك انشالله

مشكورين على مروركم يا اخواني


اللون الاسود حلو مرره بس مشكلته مع الغسيل


المهم رحت اليوم باخذها وللأسف الشديد راحت السوداء وكانت آخر ازيرا باللون الاسود

سدو نفسي الوكاله

قالو مافيه الا فضي وذهبي وبنفسجي غامق

طلعت من عندهم ورحت لـ هوندا عشان الأكورد ولقيت لؤلؤي ولقيت اسود فل كامل 6 سلندر بـ 92 الف كاش

كنت باخذ اسود الا اني ترددت شوي وقلت اخذ وقت كافي للتفكير

وبعد التفكير قررت اني ما اخذ الا ازيرا مع ان عندي ميلان للأكورد للتغيير وللأسم العريق

المهم وش رايك حبايبي اخذ ازيرا لون بنفسجي غامق او اكورد اسود

كلهم فل اوبشن الا الازيرا بدون نافيقيشن

والازيرا محسوبه بـ 88 الف ( نزلو لي يوم شافو اني بتركهم ) والاكورد بـ 92 الف

فرق 4 الاف



ارائكم

اللون السود قمة الروعة على الأزيرا

وأتذكر زمان قبل لا أعرف سيارة اسمها أزيرا

شفت سيارة فخمة سودة وماني عارف اش هيا وبصراحة لفتت نظري وجلست اتتبعها

ووقتها عرفت الأزيرا

بصراحة اللون الأسود عليها لون ملكي

أنا من وجهة نظري أن اللون الأسود على الأزيرا مثل اللون الأزرق للسماء واللون الأخضر للشجر واللون الأصفر للرمال .

باختصار صممت أزيرا للون الأسود ، فاللون الأسود والغامق بشكل عام يظهر النياكل في السيارة بشكل ممتاز ( الأزياق ، مساكات الأبواب ، الشبك ، العوادم أو الشكمانات ، ........ ) حتى مع الجنوط ، فاللون الأسود مع النيكل أنا أعتبره شي ثاني ، مثل الألماس للذهب ومثل الزركون للفضة , .................... . عزاي إني مهما تحدثت عن الأزيرا بشكل عام وعن الأزيرا السوداء فلن أوفيها حقها ، ولن تكفي كافة مساحات هذا المنتدى للتعبير عن بعض الإعجاب .

أنا اليوم كنت على طريق الملك فهد الرئيسي ، وكانت أزيرا سوداء واقفة في طريق الخدمة عند أحد الصرافات الآلية ، فقلت ما شاء الله ، ولم أبعد ناظري عنها إلا عندما أحسست بقرب السيارة التي أمامي وفكني الله من حادث بسبة هذه التحفة والحمد لله .

يظل اختيار اللون مسألة شخصية وذوق خاص ، ولولا إختلاف الأذواق لبارت السلع .

( أزيرا سيارة لا تشتريها ، بل تقتنيها ) .

الصراحة الأسود فتاااااااااااك على الأزيرا

صحيح إن اللؤلؤي حلو عليها لكن الأسود بعد منافس قوي للؤلؤي << قلبها تنافس :D


شف لو العيب هذا مهوب موجود في الأسود ( تغسيل السيارة يومياً) فحتما يكون أفضل من اللؤلؤي


وأخيراً أهم نقطة مثل ما ذكروا الأخوان لا تختار إلا وأنت مقتنع

وأعتبر الأراء مجرد إقتراحات |1|

انا اشوف الاسود وبعده العنابي

وانت لا تاخذ شي مو مقتنع فيه وترا يمكن بعد ماتاخذه يحلى بعينك يعني انا كنت ابي fxاسود يوم مالقيته نفس حالتك تحطمت

بس لما اخذت البني حلو بعيني هههههههههههههه

وانا اقول توكل على الله وخذ والاسود ولا تعطل روحك عشان لون

هلا فيك اخوي

الناغي بالغربيه وانا بالشرقيه ولا ادري عن مواصفات الناغي بصراحه يمكن تفرق عن المجدوعي

ونفسي بالؤلؤي بصراحه , وانا صبرت 4 شهور بس الحين ماعاد فيني صبر بصراحه

وبالنسبه للمستعمل مالي خاطر فيه , الجديد غيييير وربي ولو افكر بالمستعمل ماراح اخذ ازيرا بشوف لي سياره لها اسم عريق مثل لكزس او مرسيدس


ومشكور على ردك

انا سألت عند الناغي قالو موجود جميع الألوان|3| |3|

بالنسبه لي اشوف افضل لون بعد اللؤلؤي

اللون العودي ونصيحه خذ اللون اللي تبيه واللي عاجبك عشان لاتتندم واللي صبرك اربعة اشهر يصبرك اللين تلقى اللون اللي تبيه

وشوف المعارض يمكن تلقى

اذكر فيه واحد من الأخوان عارض وحده في منتدى السيارات المستعلمه ب80الف على الزيرو رح لقسم السيارات المستعمله

ودور عليها ترى نفس المواصفات والله يوفقك

هلا فيك اخوي فيصل

اللون الاسود ملك الالوان ولكن بالنسبه لي مو افضل من الؤلؤي بصراحه

مشكور على مرورك وإبداء رأيك