قراند ماركيز موديل 2000 ،،، كم تسوى ؟؟

يعطيكم العافية جميعا

صديقي صرف النظر عن شرائها
لا زال يبحث ويسأل ومن صالة لصالة ومعرض لمعرض

اعاننا الله واياه

VVVVVVVVVVVVVVV

أخوي هذي أسعار 97 و 96

فل كامل

أتكلم عن الصالات المعارض ممكن تحصل بأقل

وبالتوفيق ,,,

معقوووووووووووووووووووول بهالسعر بالرياض انا طاق لي واحد 98 استاندر 30 الف ريال

سعرها مناسب ولكن حط في بالك الممشى إذا كان قليل يفرق بالسعر وإذا كانت ماشيه كثير

يطيح السعر وخذ هالكلام من مجرب

واللي يقول 26 الف موديل 2000 فل كامل وبالذات الماركيز

إذا لقيت هالسعر اللي كتبته 26 ألف موديل 2000 فل كامل ماركيز تعال انا أشتريها :)

بشرط تكون من صاله ومضمونه


بالنسبه للصالات هذي أسعار موديل 98 وتحت وممكن مش فل كامل نصف فل

مستحيل تلقى جراند ماركيز فل أوبشن موديل 2000 بأقل من 30 ألف ريال

وإذا لقيت فهو بيكون مضروب وياما درت الصالات والمعارض تلقى موديلات جديده

ورخيصه لكنها مصدومه ودائما الرخيص ........؟

وبالتوفيق ,,,

أخوي هذا سعرها إذا كانت فل كامل ومن صالة...

انا برأيي يا خوي انك تقول لخويك ياخذ السيارة للوكالة ويفحصونها بعد ما تطلع شهادة الفحص ياخذها للمعارض ويشوف سعرها هذا اذا سمح راعيها اما اذا لم يسمح في هذي الحالة برايي شاور واحد له خبره بذا المجال ووره السيارة يمكن يكون افضل لان بصراحه هاليومين اشوف سيارات في المعارض تشوفها نظيفه بس تلقا قطع الغيار تجارية قل لخويك لا يستعجل ولا الموتر شكله حلو ومعليش على الاطاله وترا خبرتي مهيب ذاك الزود بالمواتر

وعليكم السلام ورحمة الله

اخوي سعر السيارة بالكثير وان ضربت الحمى 32000 اذا كان فل اوبشين وطبلون الكتروني ونظيفة بالحيل

يا شباب انا ابي وحدة يعني انتظر بعد اجازة الصيف ابي كراون فكتوريا 2000 بحدود 25000

سلااام

والله انا احسه غالي شويه

توه واحد من الشباب شاري 2002 نص فل ب 40 الف (بالشرقيه)

وانا مثل خويك ادور 99 او 2000 بس يكون نظيف وحدود 25 الف يزود شوي ينقص شوي

سلااام

ياخوي ترى النظيف غالي وهذا شي معروف في عالم السيارات المستعملة بغض النظر عن الوقت اللي تنباع فيه السيارة
أنا متابع اسعار القراند ماركيز من تقريبا 10 اشهر والنظيف جدا دائما غالي ويزيد سعره عن العادي بحوالي 2000 الى 4000 ريال

قبل يمكن 3 شهور انباع 2002 بنفس المواصفات بـ 48000 ريال على كلام واحد من زملائي يعرف اللي شراه لاننا دايما انا واياه نتكلم بموضوع السيارات وكان يقول لي زميلي بعد ما شافه : ودياعرف وين كان هذا الموتر متخبي للدلالة على نظافته
فزي ما اقول لك اذا الموتر نظيف جدا والاخ الشاري محتاج سيارة لايفوتها والمعوض الله احسن من انه ياخذ واحد مش ولابد والسعر ليس بعيدا عن سعر السيارة اللي تتكلم عنها
يعني اقل حوالي 2000 او 3000 ريال هذا مايعتبر توفير

قول لخويك ترى راحة البال تشترى

طبعا الكلام هذا كله في حالة انه الموتر نظيف فعلا بعد الكشف والفحص والتدقيق كما ذكر لك .....وعليه ضمان 3 سنوات , يا سلام

صباح الخير
بحكم بحثي الفترة الماضيه عن كراون فكتوريااا او ماركيز نفس الموديل ما حصلت باقل من 35000 الف ريال في الصالات ومعارض الاستعمال الامريكي طبعاً هذا الكلام قبل شهرين تقريباً واللحين زي ماتفضل احد الاخوان الاسعار يمكن ترتفع علشان كذا خل خويك يصبر شوي
وبالتوفيق لك ولخويك

السعر عالي شوي

في الريااااااااااض تحصل نفس المواصفات مابين 26000 الى 28000 ريال سعودي