[CENTER]السلام عليكم ورحمه الله و بركاته
من اسبوع تقريبا رحت ورشه الوكاله عشان التشييك. حطيت السياره (هوندا اكورد2006) عند الموظف قلته متى بتخلص؟ قالي اجلس وبنخلصها في ساعتين. قلت تمام جلست عندهم في الاستقبال وكذا و بعد ساعه تقريبا مليت فرحت اتمشى في الوكاله فدخلت الورشه ورحت اشوفهم ايش يسوون في السياره. يوم قربت من سيارتي لقيت كبوت (بونيت) سيارتي مفتوح ولقيت الميكانيكي مطلع انبوب طويل (ماسوره) نصها المينيوم ونصها مطاط (زي الاسفنج كذا) وقلتله حق ايش هذا الانبوب؟ قالي هذا مال الاستيرج باور!! وقلتله ليش مطلعه !! قالي ان شركه هوندا الام في اليابان نبهت عليهم انهم يغيرون هذي الانابيب لانها ما تتحمل الضغط حق الباور استيرنج (يعني عيب من المصنع) فبدلوها مجانا وهذا التنبيه جاء على موديلات 2005 و 2006 و2007 فأرجو من الاخوه الذين يملكون اكورد او يعرفون احد عنده اكورد ينبهونه عشان اذا استمرت الحاله كذا بيخرب الباور استيرنج لان البيب اللي نازل على هذي الموديلات يهرب بعد فتره والتغير مجانا ... وممكن البعض غيروا لهم هذا الانبوب في التشييك بدون ما يعرفون فمن الافضل انك تروح الورشه وتسالهم للاحتياط
ملاحظه مهمه: سيارتي موديل 2006 ودخلتها تشيك 45000 كم وهي اربعه سلندر ومكان الوكاله في الامارات واسمها( المشروعات التجاريه) وهذا الخلل موجود في جميع السيارات المذكور موديلاتها في الاعلى و في جميع سيارات الاكورد الخليج العربي على حد علمي
وهذي الصور تبين الانبوب من وين طالع والى وين رايح
والرابط لمن لم تظهر له الصوره
والرابط لمن لم تظهر له الصوره
والله يعافينا و يبعدنا عن اخطاء المصانع
[/CENTER] 
