السلام عليكم ورحمة الله وبركاته
أرجو من الاخوة مساعدتي بإدلاء ملاحظاتهم ورأيهم في الهوندا الأوديسي
مميزاتها وعيوبها
وهل هي الأفضل أم اليوكون القصير أو الاكسبدشن القصير
الرجاء مشاركة جميع من لديهم معلومات
مع الشكر الجزيل مقدماً
والله الهوندا أوديسي سيارة كرف بمعنى الكلمة، سيارة لا يعلى عليها كسيارة عائلية، وإللي ما يبغى جيب أحسن شيء ياخذ واحدة منها. ممكن تمشيك 300،000 كيلو من غير مشاكل. والجديد محركه قوي جداً، ما تقول راكب فان. نفس محرك الهوندا MRV الجيب، ونفس القير.
الاكسبدشن واليوكون، إذا بتاخذ دفع خلفي، ما يسوى سعره وحرام فيه. صرفيته أضعاف صرفية الهوندا وما فيه ذاك الفرق في القوة ولا يقارن به في الراحة. ميزته الوحيدة ارتفاعه عن الأرض، وربما أيضاً نظرة الناس لك إنك راكب جيب، أما الفان معظم الناس ينظرون لسائقه إنه سواق.
كان هناك مشاكل في القيربوكس حق الاوديسي من موديل 2001-2004 وتم تغيير وضعية القير في الموديلات اللاحقة ,اعتقد أن المشكلة أنتهت. وكانت السيارة تواجه مشاكل في القير بعد 100.000 كم
في السعودية دائما ما ترى الأوديسي مع السووايق فأذا كان عندك سواق فتوكل على الله أما أذا كنت أنت من يقود السيارة فأعتقد أن غيرها أكثر رسمية
اعرف اثنين عندهم اوديسي الاولى موديل 2000 والثانية 2004 وكلهم ماشيين تمام ومافيهم مشاكل قير بوكس ..
اخي الكريم اذا اردت سيارة للعائلة ولايهمك الطرقات الوعرة والبر وغيرهم فلا تشتري سيارة دفع رباعي ابدا .. سيارات الدفع الرباعي مرتفعة عن الارض واكثر عرضة للانقلاب مما يجعلها غير آمنة .. فاذا لم تكن تريد ان تستخدمها لما صنعت له فلا تشتريها ..
الاوديسي سيارة عائلية ممتازة .. بل هي تعد افضل السيارات العائلية بالعالم ..
في النهاية لاتنسى الاستخارة ..
الله يهديك يا اخوي صراحه فررررق كبير بين الهوندا الاوديسي و اليوكون و الاكسبديشن وش جاب لجاب اليوكون و الاكسبديشن افضل سيارات كبيره حاليا في السوق و قطعها ارخص بكثير من قطع الاوديسي
أخي الخل الوفي
أنا ما يهمني اختلاف الفئات ( واعترفلك إني غشيم في السيارات )
ولكن فكرتي أبغى سيارة لعائلة تتكون من سبعة أشخاص ( أفضل لو أكثر )
ما يهمني داخل البلد وفي السفر على الطرق السريعة
لا أعتقد أني أحتاج سيارة لبر مثلا
والهوندا أعرف أكثر من شخص حصلت معه مشاكل في الجربكس ( 2000 ) وبعده أيضاً في أكثر من موديل
والاكسبدشن قوي وما يحتاج ( بس أخوك يخاف من السيارات المرتفعة ) مع أني سمعت من أحد الزملاء الذي يملك اكسبدشن بأنه مريح في السفر ولا يشعر الشخص أنه يسوق سيارة مرتفعة ( بل كأنها سيدان ) ومدح فيها بشكل كبير ، وأنه لو فكر في تغيير سيارته سيشتري اكسبدشن أيضاً
أرجو إرشادي وإعطائي معلومات فنية أكثر عن الهوندا وجربكسها
مع خالص الشكر
الهوندا أوديسي ربما يكون أفضل ميني فان في السوق بدون منازع، خصوصاً بمحركها القوي ذو الست سلندر 3.5 لتر. فعلاً قوية. وأفضل ميزة فيها هو استهلاكها للوقود. استهلاكها خرافي، وأفضل ربما من سيارات 4 سلندر. أشوف إنه خيار أفضل من يوكون دفع خلفي. لكنه حتماً لا يغني عن الجيب. عيبه إنه منخفض جداً، أكثر من اللازم، يحك بكل سهولة.
