أخوي محب الشاص
حلوة سبق صحفي
وأنا أوافقك الرأي أن فعلا داخليته حلوة وأفضل من الكبسولة بمراحل
ولا تخاف أخوي محب الشاص ترى قبل لا أقتنع فيه قناعة تامه شفت له أكثر من صور في المشي بالرمال وصدقني يبيض الوجه وزيادة |1| ويعجبك في الخط بعد وتقدر تقول تراه أصرف من وأقوى من GXR في كل شيء طعوس وشوارع.
سؤال يبطح نفسه . ما تعتقد انه بتضرب الكبسولة خاصة إذا نزلت بنفس سعره او قريبة منه؟
شوف حسب معلوماتي أن الكبسولة راح يكون له عشاقه وراح أيضا تجد منهم الي ما يداني هذا الموتر ويكرهه كره شديد وشفت بصراحة كثيرين ولو تسأله ليش تكره قال الشكل بس ولو تسأله عن المواصفات ما يدري عن شيء ولا يفكر يستغني عن الكبسولة ابد مخ مجيم هههههه
الكبسولة ترى فيه ميزات أفضل من الأف جي كروزر وهي الخفة لا تنس هذا الشيء وفي الترهيم أعتقد أفضل لأن نظامه شوي قديم EFI بينما الأف جي كروزر VVT-I
ولا تنس صلابة الكبسولة هذي الميزات الي أشوفه ولا الباقي سياحي على الأخر
بس ميزات الأف جي كروزر بغض النظر عن المواصفات لو تناظر شكله تشوف أن أبعاد السيارة تدلك أنه ما ينقلب بسرعة زي الكبسولة وهذي بصراحة ميزة عاجبتني مرة الكبسولة طويل ونحيف بينما الأف جي كروزر تقريبا العكس الطول أقل والعرض أكثر.
أخوي الخل الوفي
وأنا بعد متشوق أكثر من أني أشوفه لأني أن شاء الله بشتريه
وبصراحة دخلت في مزاجي السيارة أكثر يا الخل الوفي رغم أني مليت من المعلومات الي أخذها عن السيارة أجل أفضل من البرادو ياسلاااام هذا المهم عندي سيارة حق البران
على فكرة أي وحدة الي فيها المساعدات الي تتكلم عنها أولد مان إميو أكيد الأصفر ولا
وبصراحة أن شاء الله أن شريته تعديل واحد فقط بسويه فيه وبعده ماراح أسوي فيه أي تعديل إلا يمكن مع الوقت وهو هذا Bull Bars by ARB
الي هو الصدام الأمامي بالدعامات مغطيه الوجهية مع ونش أمامي
علشان نفتك شوي من القشعات البسيطة ونستفيد من الونش وندف الناس على كيفي :D <<< الأخ ما يمزح في السواقه
حتى بحاول قبل لا يكمل الموتر 5000 كيلو أنه يكون مركب ونفتك من المشاكل.
أخوي LAMBADA
السيارة أصبحت انتاج قديم على ما أظن !
نازلة من موديلات 2004 بالخارج .. ولا انا غلطان ؟
عموما محركها متواضع للأسف .. وسعرها بيكون نار !!
يظل الهمر الـ H3 الموديل القادم بمحرك 8 سلندرات أفضل وأجمل من وجهة نظري ..
حلوة أصبحت أنتاج قديم :D وين عايش أنت ياقديم هههه معليش
السيارة طلعت كونسيبت في عام 2003
تاريخ الأنتاج الفعلي في منتصف 2006 وتم تسويقها في أواخر عام 2006 كموديل 2007
وش جاب 2004 في الموضوع؟
جدد معلومات يبو
والمحرك ليس متواضعا أبدا القوة 239 حصان على 6 سلندر بسعة 4 لتر وتسارع 7.8 ثانية كيف متواضع بالله عليك!!!
وعلى فكرة روح شوف كم سعر الهامر H3 الخمسة سلندر ثم قارنة بالأف جي كروزر
جاي تقولي 8 سلندر أكييييد فوق 180 ألف
والسعر أكيد بيكون أغلى من الأسواق الخارجية شيء طبيعي فيه شيء رخيص أصلا عندنا؟ شوف سعر الأكسنت أول شيء والأفالون هنا وفي أمريكا ووو ألخ
يمكن الهامر أجمل خارجيا بس داخلي أسمحلي أن الهامر عادي جدا وضيق أكثر من الأف جي
السعر أخوي الشريطي أجزم لك على معرفتي أنه بيكون أغلى من الفل كامل الكبسولة لأقل المواصفات لكن حسب معلوماتي أن أصلا السيارة مواصفاتها خصوصا مواصفات الكماليات والسلامة أساسية بنسبة ضخمة جدا وهذا الي خلاني أفكر بالسيارة إلا أذا خربط أبوجميل فيها |5|
السعر حسب معلوماتي أنه بيكون في 110 ألاف ريال لنفس الي بالصورة بالمواصفات الأساسية.
أخوكم أبــــــــــوأســــــــــد|3|
