شارك بصوتك......ارسى سيارة دفع رباعي في النعطفات الاسفلتية عند السرعات العالية.

السلام عليكم ...

موضوع مميز جداً،، ويستحق التفكير.
صعبه جداً العدل بأمر مثل هذا، لأنك فعلاً يالطيب ما حددت أي فئة، واذا بنقارن بين كل الفئات نحتاج مجلدات..
عن تجربة شخصية: أستغرب من اللي يمدحوا اللاند كروزر، وكيف نسوا الباترووول نيساااان..
مع العلم أني سايق نيسان 99 وما شاء الله سواء منعطفات أو الموتر بنفسه ما عليه غبار، والمنعطفات ما عليه الجيج لو ما ينام على 120 ما يرتاح قلبي.. والكلوزر بعطيكم موقف صار معاي. كنت جاي على سرعة بالبلاد والغيار كان الرابع، وقابلني دوار، قلت ألف الدوار بهالغيار مع ترييح المكينه ومن دون ما تكسل فاستمريت عالخمسين، بعدني ما كملت نصف لفه ولا أشوف الموتر يشاوح معاي حاولت أجيبه، ما قدرت، لكن ولله الحمد بعد المعاناه البسيطة، بريك وهاند بريك والستيرينج طلعت سليم من الموضوع ورجعت البيت وانا بخير..
وانا شخصياً معاي إكسبديشن 2007 واتمنى بس لو تشوفون منعطفات بلادنا شلون قايله، لأننا ساكنين بمدينة تفصلنا عن الإمارات جبال وطريق جبلي لكن معبد ومنعطفات كثير لو تعرفوا الجغرافيا ( مضيق هرمز )...
وما شاء الله مرتاح بالفورد.. واذكر بمرة كنت منزل الجيج عالــ160 ومنعطفات حادة نوعاً ما.. وللتوضيح أكثر، خط الفجيرة، وانت جاي من الخطم..
وآخر مرة كان هيونداي سوناتا ( سيدان ) قدامي، ولما شفته قلت بلحقه لآني اعرفه،، وظليت وراه لين الحدود ومثل ما قلت لكم الطريق كله منعطفات..!
المهم ياخوي اسمحني طلعت عن إطار الموضوع كثير، بس هذي كتجربه شخصيه للفور ويل،، وانا من طلعت ما رحت مكان ألا حظي هالفور ويل.. سقت سيارات سيدان بس ما كثير وعادية جداً ما هي بذيك السيارات اللي ممكن...
وطبعاً السيارات الألمانية معروفة ومتفوقة على أغلب السيارات تقريباً وخاصة من ناحية التقنية والكمبيوتر والتجهيزات للأمان..
والأمريكي من ناحية الرساوه أفضل من الياباني من دون منازع.. ولكن هناك بعض المواتر اليابانية تتفوق بقليل على الأمريكي..
وهذي نظرة شخصية، أتمنى أن ماحد ياخذ فيها كمعيار..!