عطوني رأيكم في السيارات المستعملة

يا مال العافية والله وما قصرتم

تسلم يا أبو فيصل على ردك


ولي عودة للموضوع بحول الله إذا إستجدت أمور


بس كم تتوقعون سعر سيارتي الـ فورد لو ببيعها

موديل 96
لون عشبي
ما فيها ولا خراب أبداً

هالكلام طبعاً بعد ما أسوي تشييك كامل للسيارة

وأنا ما عندي إلا إن كان اللهم الشنبر وصبغ دهان من جديد

اولا الف مبروك والله يرزقك الذرية الصالحة
وبالنسبة للسيارات المستعملة في منها الجيد وفي منها الممتاز وفي منها الردئ وكل شي على حسب سعرة وبالنسبة للاخوان اللي يقولون مافي سيارات مستعملة ممتازة بصراحة انا اخالفهم الرأي في شي معروف وهو كل شي بسعرة يعني مثلا سيارة قيمتها في احد المعارض 60000 ريال وفي معرض اخر تحصل مثلها ونفس الموديل 55000ريال وهكذا والسبب في تفاوت الاسعار هو :
1- موديل السيارة .
2- ممشى السيارة كل ما كان ممشى السيارة بسيط كان السعر اعلى .
3- صدمات السيارة وحالات السمكرة .
4- السيارة كانت مستخدمة للخطوط والسفر ام لاستخدام المدينة.
5- والاهم //// بالنسبة للاشخاص محدودين الدخل سأضرب مثل بسيط وانشالله ينفعك (( مثلا اذا اردت ان تشتري فورد كراون فيكتوريا وهذا مثل وليس اقتراح ونحن نعلم ان الكراون فيكتوريا يبدأ الشكل الموجود الان من موديل1998 الى 2007 وانا سمعت ان 2008 ما تغير نفس الشكل .
المهم // يعني شوف الفكتوريا عندك من1998 الى 2008 والاسعار تتفاوت والشكل واحد والاختلاف بالكماليات والداخلية .
ولو انا منك اخذ موديل 2001 او 2002 وسعرها بيكون بسيط وتؤدي الغرض لان الظروف اقوى وبعدين اذا الله سهل ورزق وبعد الزواج بعدين فكر بسيارة جديدة والله يسهل عليك ويوفقك في حياتك الدينية والدنيوية.
واسف على الاطالة
وتحياتي لك
بوفيصل

باعطيك اياها من الاخير //// كامري\\\\\ وبس ولا تنسى الفحص بالكمبيوتر

أهم شي أخوي بس اتفكر تشتري سيارة موديل 2003 أو 2002 يعني السيارة ماشية صار لها 4 سنين يعني قول كل سنه ماشيه 20000 - 35000 يعني لازم يكون العداد ماشي 80000 - 120000 بس اذا كان أكثر ما أنصحك تاخذ ودايما خذ الي ماشيه أقل ووديها لفحص كمبيوتر (ضروري) وحتى اذا اخذو عليك 150 ريال ، أهم شي انك تتأكد ان المكينه والقير بحاله ممتازة وانت خذ دورة (جولة) في السيارة وشوف كيف مشيتها واذا ماعجبتك لا تاخذها، وخلي الميكانيكي يفحصلك أسفل السيارة حتى يشوفلك اذا كانت نظيفة يعني السسبنشن مالها بحالة ممتازة والا فابعد عنها لان اسفل السيارة يخبرك عن راعيها السابق اذا كان يمشيها مثل الناس :) ولا لا. بعدين شوف انبعاثات العادم ( الشكمان ) اذا فيه دخان أبيض أو أزرق فإذا تبين لك ذلك فبعد عنها، وبالاخير لايغرك مظهر السيارة لانك لاتعلم ما يخفى عنك، والقرار الاخير يعود لك، يعطيكم العافية...

مبروك مقدما

1)الزبدة مافي ولا معرض مضمون في السعودية كلها
2)ابحث عن السيارة ذات الإستخدام الأجنبي و ليس السعودي !!(انت عارف و انا عارف)
3)أهم شي ترفع السيارة و تشوفها من تحت أي طعجة في أي جهة يعني حححح دقوووف
4)شيك على البور و كراسي المكينة و المساعدات و لا يكثر...
5)ركز على الأجنبي لو كان قديم.
6)ابعد عن السعودي لو كان جديد.

من رأيي السيارات المستعملة يجب الحذر منها ولو إنه فيه نظيف

لكن 80 بالمية ماتنباع إلا عشان وراها مصيبة والله لايبلانا من هالمصايب

إذا تبي نظيف عن تجربة شخصية خذلك من معارض الرياض لانها أرخص وأنظف

حراج جدة ماتنفع نهائيا

سلام

الفورد حلوة وما عليها كلام

بس سيارة خط يعني لا تقربها يم المطبات ولا الشوارع المكسرة ولا تنزلها للبر لأنها ما تصلح لـ هالأمور أبداً

ودي والله بـ فورد موديل فوق بس مصاريف الزواج حتى الآن مجهولة عندي عجزت أحسبها بدقة تماماً حتى أعرف أقدر آخذ فورد موديل جديد ولا لا


علشان كذا أقول شوفوا لنا أي سيارة آسيوية ولا أمريكية ولا كورية مو مهم


المهم ما فيها مشاكل ومريحة وتصلح حق متزوج