السلام عليكم ورحمة الله وبركاته،،،
استكمالا لمشاركة زميلنا العزيز تميم بخصوص هذه السيارة الرائعة (الهونداي فيركوزا الجديدة) حبيت اني اشارككم بهذه الصور لسيارة ولد خالي اللي لسه شاريها (الله يبارك له فيها ويبعده عن عين الحساد) -----> راغب علامه هذا مو ولد خالك .
السيارة تتواجد في وكيلها بالبحرين بفئتين، الفل اوبشن وسعرها في حدود 13 الف دينار. والفئة الثانية اللي راح نتكلم عنها في موضوعنا وسعرها في حدود 10 آلاف دينار بحريني.
المهم اخذت الكاميرا ورحت على بيت خالي، الساعة 3 الظهر وانا اسبح في العرق بثيابي .. بس اكيد يهون لاجل عيون هالمنتدى الجميل وشبابه الحلوين.
ما ابغي اطول عليكم وهذي الصور.
..
..
..
ما ابغي اطول عليكم وهذي الصور.
..
..
..
هذي الصورة لمقدمة السيارة .. بصراحة ابدعت هيونداي بتصاميمها في السنوات الاخيرة بعد ما كنا نفضل عليها السيارات اليابانية (تيوتا وربعها) وكأن الهونداي تقول لنا (صبركم علي شوي وانا افرجكم) .. وصدقو الكوريين بكلامهم.
هذي صورة ثانية لجهة الامامية للسيارة وحبيت انكم تشوفون شكل المصباح الامامي بالعدسة الكبيرة .. طبعا في الفل اوبشن تجي مصابيحها الامامية زينون ابيض، كشافات الضباب التحتية بعد عدسات وشكلها في منتهى الجمال وتلاحظون بعد انوار الانعطاف المركبة على المرايا الجانبية للسيارة.
وهذي صورة للجهة الخلفية .. شكل جميل خصوصا الاكزوزات العوادم المزدوجة تعطي السيارة شكل رياضي مميز، المصابيح الخلفية هنا عادية بس في الفل تجي ال اي دي وشكلها قمة في الابداع وانا اقترحت على ولد خالي انه يغير المصابيح الخلفية بعد ما ترد روحة ويجمع له كم فلس.
الباب الخامس (الخلفي) للسيارة يعمل بشكل الكتروني حيث يمكن وبضغطة زر واحد فتح واغلاق هذا الباب .. وتتواجد هذه الازرار في الريموت الخاص للسيارة، وزر بجانب عجلة القيادة بالاضافة للزر الموجود في الباب الخلفي كما تشاهدون في الصورة.
صورة جانبية للسيارة تبين مقابض الابواب المطلية بالكروم.
..
..
..
يتبع
..
..
..
يتبع
