كل ما تريد أن تعرفه وأكثر عن التيما 2008 الخليجية بالتفصيل .

العفو عزيزي... وشرفني مرورك عالموضوع

تقبل تحياتي

السلام عليكم




أهلين أخوي

الأكيد إنها ما راح تنزل 2008

لكن ممكن 2009 أو 2010

ممكن

وما فيه نستغربه على الوكاله ..

تحيتي

الله يعافيك وماقصرت على الموضوع
بصراحة تطور وتستاهل النيسان مني كل الاحترام
ورجع وقول الله يعطيك العافية


ملحوظة / المكسيما نازله ولا

مــاشاء الله علييييك يا مبدع





تحياتي

يا سلااااااااااااام السيارة مرة حلوة و أكيد راح يفسح الطريق بقوة يا سلام على الأضافات بالمحرك و القير

و الشكل و كل حاجة

شكرا على الموضوع التحفة |1|

السلام عليكم

اهلين أخوي


فعلاً معك حق حبيب قلبي

أيضاً هنالك مواضيع عن مشاكل البي أم

ومواضيع عن مشاكل الماجنا والانسر والأكورد والكامري وحتى الكرولا والصني

فطبيعي تجد من كل عشر سيارات مشكله في واحد أو واحده ونص

بس تلقى من أربعه أربعه مشاكل فهذي صعبه وصعبه جداً عن أي وكاله

وحتى لو كانت تشيري أو تاتا

تحيتي

بسم الله
والسلام عليكم ...بداية اشكر الاخوان (لبو تركي والتيما ) على الرد واتمنى ان ينتفع به بقية الاخوان
وبصراحة انا مابغيت ارد عليهم لان كلامي كان عن مشكلة حصلت معي شخصيا او مع من اعرفهم واخذنا قناعات خاصة بنا ، وكان قصدي من طرح المشكلة ان يستفيد منها بقية الاخوان وايضا سماع وجهات النظر.......
ولكن فجأة وانا اتصفح المواضيع لفت انتباهي موضوعا بعنوان (خطر خطر خطر ؟؟؟وكالة نيسان الحمراني) للاخ (الحيران) في الصفحة الخامسة... ولما قرأته وجدته هو وأغلب الردود يؤيد كلامي مع الزيادة عليه من حيث الاعطال والخدمة وغيرها وكأن هناك اتفاق بين الوكيلين في البلدين ..
وأتمنى قراءة الموضوع للزيادة والاستفادة ...كما ألاجوا من الله القدير ان يبارك في سيارات الاخوان وان لايروا فيها عيبا او مكروها ...
وعلى فكرة انا مازلت مقتنع بالالتيما كسيارة استعمال يومي اذا الله رحمك من العيوب والوكيل!!!
وشكراااااااااااااااا

السلام عليكم





فعلاً أخوي أبو تركي معاه حق

أنا ما شاء الله تبارك الله معاي ألتيما 2005

ما أقولك أخوي ولا صاحبي ( أنا )

وشريتها في شهر 1/2005 ( واستخدام تكسير ورجلي حاره على السياره والله )

تدري أول ما شريتها وش قلت (إذا كملت معاي 3 سنين من دون عيوب تذكر فهي السياره )

طبعاً على كرفي وسفرياتي الصعبه ولأماكن صعبه وتغييري للزيت بعد ما تتعدى الـ 7 آلاف

(كذا مره ) وإستعمال لشخصين أنا واخوي الحمدالله السياره ما شاء الله أوكي ...

لكن بيني وبينك الله يعينك تصير ترى بس إن سالفه ربعك 3 علق القير معاهم

فإسمح لي لو أنها سياره صينيه ما صار كذا أبد ( بهارات كعاده الاعضاء )

وبالنسبه لقطع العيار مثل ما قالك أخوي ابو تركي

روح لهوندا + شيفروليت +متسوبيشي = راح تشوف الفرق بام عينك

تحيتي

^^^الله يعينك بس هذي أول قصة أسمعها عن الالتيما كل العالم معهم التيما من 2005ولامرة سمعت ان فيه واحد مشتكي من قير ولا مكينة طبعا اول موديل كانت فيه مشاكل والوكالة يصلحونها لك ببلاش
وسعر قطع نيسان عادية جدا وشلون حكمت انها غالية صحيح انها اغلى من تويوتا لكن قارتها بهوندا وبميتسوبيشي وبشفر وبتعرف كلامي

السلام عليكم
احب اقولكم في البداية انا كنت من عشاق الالتيما لمدة سنة فقط .......اما الآن فأنا من أشد المبغضين لها ولوكيلها (النصاب) ....للأن السيارة مهما كانت جيدة والوكيل رايح فيها فالسيارة لك عليها ..
بدأت معاناتي مع التيما 2005 بعد مااشتريتها بسنة وكانت ماشية تقريبا 25000 يعني استعمال حشمه وتقدير...طبعا لان عندي سيارة ثانية والحمدلله ... المهم ضربت عندي الشيالات والهيئة الامامية وديتها للوكالة طبعا لانها تحت الكفالة وبعد 3اسابيع عطونياها ورديت استعملها وبعد شهرين(4000كم) تقريبا ضربت مرة ثانية ورجعتها للوكالة وخلوها عندهم اسبوع (طبعا ماكو سيارة بديلة مع ان العيب مصنعي ) المهم طلعتها وقالولي OK وبعد شهر ضرب مرة ثالثة .!!!!!
مااطول عليكم والكلام اللي صار بيننا والمشاكل ويتصل علي مسؤول من الشركة لخدمة العملاء بعد البيع بعد مااعمل السيرفس (على فكرة السيارة الى الآن ماشية 65000 والسيرفس منتظم بالوكالة مع اني اشتريتها 7/2004 ) قلت لكم استعمال حشمه...
المهم بعد ماتصل علي يتطمن شلون خدمة الوكالة معاك ؟ قلتله بصراحة (زفت) باللفظ الصريح ،وشرحت المشكلة قال مايصير خاطرك الاطيب ...مضى 10شهور وانا مازلت انتظر طيب الخاطر!!!ولكن مامن مجيب ....
المهم طبعا انا اللي فهمته انهم يماطلون الى ان تنتهي مدة الكفالة واشربها يامغفل ...
طبعا سألتهم عن السعر للشيالات والمعاونات قالولي 300 دينار كويتي!!!! بالله لوانها شنو...
وللفايدة انا عندي شفر افلانش حجم 2500 HD صلحت هيئته وشيالاته بالوكالة ب120 د.ك
لكن انا ولله الحمد الله يسر لي كراج اعطاني حل للمشكلة ، ومن بعدها اي واحد يبي يشتري سيارة من نيسان انا كنت من اشد الناصحين له بالابتعاد وان يبحث عن وكيل افضل وقطع غيار ارخص ...مع العلم ان قطع غيار نيسان هي الاغلى في فئتها والاقل جودة وهذي نظرتي ومقارنتي انا ...
طولت عليكم ادري لكن معلومة اخيرة...
اعرف ثلاثة من الشباب عندهم التيما كلهم علق الجير معاهم ...وانا شخصيا علق معي مرتين يعني احطه D مايمشي بس انا الحمدلله اخليه فترة بعدين من حاله يضبط لكن الثانين أكلوها ....الله يعينهم
وسلامتكم

أول شي اشكرك عالموضوع الجميل والشامل جدا ..

وجزاك الله الف خير ..

بس يا ليت اخوي توضح لي الفرق بالمواصفات بين الاربعة سلندر والستة سلندر بغض النظر عن المحرك ...

هل الاربعة سلندر فل اوبشن يأتي ببلوتوث ونظام تشغيل بزر ودخول ذكي ونظام صوتي بوس ؟

بصراحة اشك بذلك !! وأتوقع ان اغلب المميزات التي ذكرتها تأتي بالستة سلندر وهذا ما يفسر سعرها المرتفع .. !

السلام عليكم



هل بالإمكان تعدد مزايا الأفالون

وتقرنها مع الألتيما ؟؟؟

بعد إذنك حابين نستفيد

تحيتي

السلام عليكم




أخي أنزل إلى السوق وقارن السيارات المباعه مثلاً كامري وألتيما وأكورد

لكن

أنظر كم أخذت الكامري وكاله والأكورد وكاله والألتيما وكاله

وكم ستُباع

وقتها ستغير وجهة نطرك

لان هناك أناس كثير حين يسألون مثلاً عن قيمه ألتيما 4 سلندر سياحي 2005 ومستعمله

يجدونها بـ 39 فيضنون أنها طاح سعرها كثير

ولكن لم ينظرون أنها في الوكاله بقيمه 59 تقريباً

مفاهيم كثيره تعشش في رؤوسنا

تحيتي

تطور ملحوظ ورائع لجميع موديلات نيسان ..
الف شكر لك اخوي على الموضوع .. من زمان ما قرينا مواضيع شاملة زي كذا بالمنتدى ..
مجهود رائع الله يعطيك العافية ..

بصراحــة مع اني متابع موضوع نيسان التيما 2008 منذ ان جربت ركوبها في بداية 2007، الى اني ما عرفت هالكم من المعلومات
موضوع متعوب عليه

الالتيما، موجودة فعلاً في الامارات
و تنزل للبيع رسمياً في بداية شهر اكتوبر
السعر يبدأ من 75 الف درهم (4 سلندر) و حتى 115 الف (6 سلندر)

اشوفها كثير عليها 115 الف، اذا ما قارناها بالافالون

السيارة روعة ومواصفات روعة ومكينة قوية يعني بتهز السوق بس ان شاء الله الوكيل يتعدل
ومشكور على الموضوع اخوي

الالتيما سياره حلوة وقويه ورجعت رجعه قويه
وواضح هذا من انتشارها بالخليج

تسلم يمناك يامبدع
ولاتحرمنا من جديدك

مشكور اخوي على الموضوع الرائع للألتيما الرائعة ...

وبالنسبة للي يقولون بتكسر سوق منافسيها فهذا شي شبه مستحيل لأن الناس صعب تغير مفاهيمها
يعني مثلاً لا زالت سيارات نيسان تضل من السيارات اللي تطيح قيمتها عند إعادة البيع.

لذلك اعتقد أنه لن يتغير ترتيب قوة المبيعات لهذه الفئة يعني الكامري أولا ثم الأكور دثانيا ثم تأتي السيارت الأخرى السوناتا والألتيما وغيرها.

جزاك الله خير كفيت ووفيت
سؤال : كم نوع 6 سلندر قير عادي ؟ مع مواصفات كل نوع؟