ليش هالجيب ماله شعبيه بالخليج مع انه جيب اوروبي وجميل جداً..تعالو نشوفه

ببساطة سيارة ممتازة
و وكيل سيء

pnrb


والله مصيبه الوكيل ياخذ القير ويوديه للكراجات وياخذ فلوس!!!!!!!!!!!!!!

مصيبه كبيره وحرامي بصراحه :confused:

أمير الأشباح

شكل وكيلكم مضبوط احسن من الي عندنا ماشاء الله

شكراً على مروركم |3|

و الله عندنا في البحرين ماشي سوقه بس مو ذاك الزود .. أعتقد الوكيل له هو كانو حاليا نفس وكيل التويوتا و عمري ما سمعت أحد أشتكى من الصيانة عنده

لو ينزل سعر الفولفو شوي أعتقد الناس راح تقبل عليه

جات فترة عندنا بالكويت انتشرت فيه الفولفو بشكل رهيب. ماكنت تمر بشارع إلا وتشوفها. استمر الحال لمدة سنتين أو ثلاث وبعدها فجأة اختفت من الشوارع :)

السبب هو الوكيل. تخيل وكيل مايعرف يصلح السيارة!!! واحد من عيال عمى كان عنده فولفو وخرب عنده الجير. وداها الوكالة وقالولة مانقدر نصلح الجير ولازم نفكه ونرسله الى السويد يصلحونه هناك !!! تخيل، جير ينفك وينشحن للسويد عشان يتصلح !!! طبعا طلبوا منه مبلغ خيالى.

الرجال خلاهم يولون وراح لاحد الكراجات الكبيرة عندنا بالكويت المتخصصة بالجيرات. تفاجأ لما لقا عندهم جيرات كثيرة للفولفو وقالوله الكراج ان وكالة الفولفو تبعث لهم الجيرات عشان يصلحونها. يعنى السالفة نصب بنصب والجيرات تنشحن للشويخ بدل السويد :)

يعني ياشباب كل كلامكم واحد تقريباً

سوء الوكيل للأسف

بالضبط هذا اللي جا في بالي

فيه اكثر من وكيل بالسعوديه مايستاهلون يمسكون الوكاله

بس وش نقول

فولفو سيارات جميله ومواصفات جميله خصوصاً الامان لكن شنسوي|5|

شكراً على مروركم ياشباب ويعطيكم الف عافيه على مروركم|3|

اصلا الفولفو مالها شعبيه عندنا سو هذا الجيب او سيارتها الاخرى

وانا برايي اخوي ان هالجيب شكله ومنضره يفتقر كثير للجمال ... كانه لاند روفر قديم ...

شكرا اخوي

اخوي سيارة الفولفو رهيبة بكل معنا الكلمة انا ركبت الموديل الرياضي منها 8 سلندر
قوة دفع ممتازة راحة وفخامة افضل من كل الاميركي وافضل من الرانج روفر
تحس وانت راكبها انك بامان تام متماسكة جدا وخاصة على المنعطفات وفي اجواء
المطر او الجليد وظروف الصعبة حتى في مناطق الجبلية والمرتفعات لديها عزم ممتاز
في المدينة اخر فخامة وراحة وهي ملفتة لنظر
اما بنسبة لصحراء والرمال ما بعرف بس بظن انها جيدة لديها من التقنيات الالكترونية
من حيث انظمة الامان والثبات ومساعدة السائق الشيئ ااكثير ولا اظن ان اي سيارة تنافسها في
هذا المجال والمميز فيها نظام الأضائة (زينون حديث) يتجاوب مع طريقة قيادة السائق ويعطية
افضل اضائة عند التجاوز والمنعطفات وفي السفر والجواء الضبابية
المختصر السيارة رهيبة وخاصة السبورت منها
بس بالنسبة للوكيل وخدمة الصيانة في المملكة مابعرف بس بقلك شغلة من المستحيل صيانتها عند
ميكانيكي حتى لو كان فهمان لان نظام كومبيوتر فيها معقد ويتدخل بكل نواحي السيارة
ارجوا ان وضحت كفاية

السبب قطعها اسعارها خيالية على ويش ما ادري

الوكيــــل ماهو قد الوكاله .......
فروعـــه قليله ...... وسمعتـــه سيئه

السلام عليكم





أخوي متأكد

من جدك ؟؟

حتى فولفو ( اتوقع أنه الزاهد )

لا حول الله


تحيتي

الوكيل .....................وما ادراك ما الوكيل

الوكيل تعبان ما يعرف يسوق لسياراتة

مع ان السيارات اللي عندة ناجحة

جدا في العالم بس الوكيل!!!!!!!!!!!!!!

اسف بس هذا الحق يوم جيت اصلح سيارة رينو لاقونا قالو لي 32000 الف ريال

جبت القطع من لبنان 3700 ريال فقط و التركيب 250 ريال فقط

و الحكم لكم يا شباب ،،،،،،،،،،،،،،،،،،،،،،،

انا من وجهة نظري ارجع السبب الاول الى السعر
حيث اني سالت عنها ووجدت ان الف منها 205000 ريال!!!
هذا السعر يجيب لي دينالي والا في اكس ار
والا كاديلاك والا ....
والسبب الثاني الوكيل التعبان مرررة
والسبب الثالث حب الشعب العربي للياباني والامريكي
والان توجهه للكوري

السلام عليكم

حاب أعقب شئ بسيط على ما ذكره بعض الأخوان ...

أولاً : السعر ..

لم نرى هذا العيب متواجد حين نذكر الجي أكس آر ومبلغه (167 ) ألف ريال بمواصفات تعتبر سياحيه

بالمقارنه مع غيره ...

ولم نراه في الطوارق ...

ثانياً : الظلم ...

فولفو ورينو أنظر لآماكن إنتشار الوكالات يعتبر موقع رديئ نوعاً ما ..

ثالثاً: التوعيه ...

لدينا في المملكه مواصفات الأمان تُعد أخر سؤال يسأل عن السياره أو ربما لا يسأل عنها البته ...

رابعاً: الواضح أنالشركه السويديه لم تلتفت الإلتفاته للسوق السعودي أو للخليجي ..

الواضح هذا من مبيعات فولفو وساب الأقل مبيعاً رغم أنهم الأفضل ...


ومع هذا كله ستضل هذه السياره ليست متداوله فقط لـ ..

من يبحث عنها بالأسم


تحيتي

ههههههههههههههههههههههههههههههههههههههههههههههههههههههههههههههههههههههههههههههههههههههه
شكلك فطرت اندومي مع الاذان
ردئية
اكثر السيارات امانا على وجه الارض هي فولفو بلا منازع
بالرغم من انها سيارات سويدية
لكن نظام الامان فيها افضل من نظام اي سيارة فرنسية او حتى المانية
شفتو نادي ريال مدريد كيف متروس بكؤوس وجوائز الدوري
فولفو متروس بكؤوس وجوائر مراكز الامان من كل العالم
اصلا فولفو في امان السيارات مثل مايكروسوفت في برامج الحاسبات
لكن السمعة هي في انها كبداية لم تلقى دعاية جيدة
قد يكون الوكيل سي
وتحتاج الى كثير من اعادة التفكير في تفضيل سيارة اخرى عنها
واسف على الاطالة

هناك مقاطع على اليوتيوب تبين سيئات هذه السيارة
وهناك موضوع في المنتدى عن السوبارو ومقارنته بالسيارة المذكورة

انا اللي اعرفه عن هالسياره انها جدا امنه و هيكلها قوي
لكني ما سألت عنها.......

يارجال أصلا لو تدقق ما تشوف سيارات فولفو جاي تبي تتكلم عن سيارة تعتبر من أغلى سيارات فولفو!

أعتقد الأجابة واحدة هو
الوكالة ما عندها أي أهتمام لمنتجاتها

حياك الله اخوي

و شكرا لك لطرحك هذا الموضوع المهم .

بالنسبة للسيارة فهي غير منتشره في الخليج للسببين :

الاول / سعر السيارة المرتفع نسببا

بحيث ان سعره بفوق 150 الف ريال و يصل الى 200 الف ريال للفل

فاذا أتى الشخص و فكر يشتري سيارة بهذه القيمة فمن المستحيل انه يفكر بالفولفو

لان قيمته تجيب له على سبيل المثال يوكون دينالي و الا سوبر و الا لاندكروزر او او او ......الخ

حتى اذا فكر ياخذ من نفس النوع و الحجم راح ينصرف تفكيره الى

جيب كاديلك الصغير ( سبع مقاعد ) أو فلوكس واجن طوارق أو جيب لكزس RX

لان هذه السيارات المذكورة افخم في المواصفات و التجهيزات من الفولفو .

السبب الثاني / سمعة الوكيل

كثير من الناس معتبر ان وكيل فولفو في الخليج و خصوصا في السعودية

صاحب سمعة سيئة و خدمات ردئية على حد التعبير مع العلم بان تكلفة الصيانة في

المملكة أغلى منها في اليحرين و الامارات و قس على ذلك قطع الغيار

و هذا الكلام ليس عن طريق التخمين أو الحدس بل منقول عن أشخاص

تفاجؤا عندما علموا بأسعار الصيانه و القطع أرخص في الدول الاخرى

و على هذا فان الكثير من مالكي سيارات فولفو و رينو ( نفس الوكيل ) في المنطقة الشرقية

يصينون سياراتهم في البحرين .

السوق السعوديه مهمة لها تأثير كبير على مبيعات الكثير من السيارات في الشرق الاوسط

فكيف اذا كانت هذه سياسة الوكيل مع الزبائن .

و هنا ألخص حديثي في أن سيارة Volvo XC90 سيارة

في غاية الروعة من ناحية الجمال في التصميم و المواصفات

و في السلامة ايضا فهي تعتبر من السيارات الاكثر أمانا في العالم

و صاحبة جوائز عالمية في السلامة و لكن بهذه العوامل لن تكون قادرة

على الانتشار اذا كانت هناك تلك المعوقات ....

اخوي عمر كفى ووفى
والناس ياتايوتا او شفر او نسيان فقط

وتعرف الشريطية ممشين السوق على كيفه اسعار فوووق في العلالي على مواتر مدري وش تبي
وأسعار تحت في الاسفل على مواتر ممتازة