كيف دفعت ثمن السيارة ؟؟؟ شارك معنا ،،،

نقدا ياربي لك الحمد كما تحب وترضى

الوالد طلع الكامري 2002 وكالة على يدة (نقدا ) الله يحفظة وعطاني ياها

وشرا سكويا نقدا

والسيارة الثانية قالي بعد النجاح ادعولي الله يوفقنا وياكم يارب :xyxwave:

الحمد لله كاش بس الكاش ما خذينه من البنك (قرض)

الحمدالله كااش ....

الله يجيب الرزق

انا شريت سياراتي بالتجميع وحاليا اخطط اجمع عشان نزيد من جمالها شوي ويمكن اجمع بعد عشان اسوي ليي عملية بالليزر :bigggrin: <<< حشى كل شي جمعية خخخ

انا شريت سيكل تقسيط لا امزح خذيت الالتيما كاش والله كل شهر اجمع 5000 من راتبي والحمد لله الله بارك لي فيها

أنا توني اخذت سيارة بالتأجير المنتهي بالوعد بالتمليك من شركة تأجير الله يعيننا عليهم هم من أولها عليهم علامات استفهام!!!

من فضل ربي نقدا ..

ماشاء الله مابقيت سيارة الا وجربتها :bigggrin:

بالنسبة للتصويت ما يهم بس يكفينا مشاركتك عموما الحمد لله على سلامتك وسلامة اللي معك

ولا تنسى تقرأ المعوذات قبل ما تركب ترى العين حق ،،،

تحياتي ،،،

نظام الاهلي بالتمليك
منتاز هو بس المشكلة اني اخطيت يومني طلعت من شركه هواندي فقط

سيارتي شريتها كاش
وماحب التقسيط احسه مرض

انا اخذت اول سياره كانت كابرس 89 من شركة
تأجير نسيت اسمها بالقطيف بشارع القدس على مااظن
وبعدها كرسيدا 87 GL واقساط بعد بس من واحد
شريطي بس كانت نظيفه من جد وكل شي صدقوني شد
بلدها بس اخذها ولد اخوي وسوى فيها حادث والحمد لله
انه ماجاه شي ...
بعدها اخذت كامري GL 2005 فل ابشن من تويوتا فرع الدمام واخذتها كاش بـ71500
بس صارت ظروف وانجبرت ابيعها وهي ماشيه 32الف
مقهوووور عليها بس عسى خير ان شاء الله
قمت بعدها وقدمت اوراقي على تويوتا ابغى كامري
2007 اووول مانزلت بس يوم ركبت فيها ماعجبتني
والله احسها ضيقه فعدلت اوراقي الى
كامري جراندي فل ابشن بس القير عادي
وجلست معي 3 سنوات وبهذي الفتره ماغيرت
الا البواجي والزنون حطيته عادي والكفرات
واخذها ولد اختي وانقلب فيها والحمد لله ماجاه شي
والان اخذت كابرس لانه كان حلمي من 2006
وهو LTZ فل كامل بس 6 سلندر
وما ادري على اي خانه اصوت
والمعذره كتبت لكم قصة حياتي
طبعا ااخر سيارتين بنظام التأجير
هههههههههههههههه

تحيااااااااااااااااتي

انا اشتريت سياراتي من فلوسي ماحد ساعدني
وحده كاش z4 ب 170 مستعمله بس 5000 كلم
ووحده تاجير دودج شارجر اقل نوع بس اذا زهقتنا منها برجعه لهم ههههههه بقول ماعندي فلوس اسدد واخذ غيرها :bigggrin: وكل شهر ياخذون مني 2000 ريال وعليها ضمان
بس

يختار غير ذلك :bigggrin:

واللي ماعنده سيارة خاصة فية وش يختار ؟؟

شلــــــة الله يعوضك بدالها بالخير يارجال حبــــــــايــب

طبعا سيارتي حقت الشايب خذاها قسوط جيب نيسان

ماكملت معاه سنه خلصت ثالث ثانوي ناجح جايب 89 %

كذا الشايب جاب علبه صغيره مغلفه وعليه باقه مكتوب فيها الى ولدي العزيز مبروك النجاح ...........الخ

استغربت منه والحركه ذي رغم ان الشايب ماتعجبه الحركات هذي

والله افتح العلبه
ياويلي فيها مفتاح الموتر :bigggrin:
حتى معطيت الشايب وجه :bigggrin: ولا شكرته ولا شي
على طول الشارع اشغل الموتر وين المغسله غسلت الموتر ولي علي بالخير
وهاتك فرفره بالشوارع مين قدك ياولد

ماضويت البيت الا الساعه 12 بالليل وانا من الصبح بالشارع افر
من الفرحه

وعلى فكره امنيتي اني افوز بجائزه لو بريال واحد ( شوف الامنيه وين وصلت ريال )
مشاركات وقلة حيا واخرتها اوت مافي شي
:bigggrin:

مشكور على الموضوع تستاهل التقييم