رائحة البنزين في المرسيدس؟؟؟؟؟؟؟

MERCEDES 600S @user_49659 · 04-10-2007

السلام عليكم شباب:)

سيارتي شبح وفيها ريحة بنزين من الداخل تصرع|10| |10| تشق الخشم

بعد ماوقف السياره تقريبا ساعتين وأجي أركب تكون فيها ريحة البنزين
من داخل السياره ؟ وش السبب؟؟؟

وإذا مشيت مكان السياره الأول مافيه أي اثر تهريب؟؟
وفكيت المراتب الخلفيه مافيه تحت شي ولا رطوبه ؟؟؟
والشنطه كذلك فيها ريحة تصرررررع أكثر من داخل السياره وش السبب؟؟
طلعت الأستبنه فيه اثر بسيط وناشف مافيه شي؟؟؟ بس الريحه قووويه جدأ؟؟؟

الله يعطيكم العافيه :) |3| :) تحياتي للجميع

عاشق الالماني @user_22260 · 15-10-2007

السلام عليكم ...

اتمنى ان يتذكر كل من يرد قال الله تعالى : {مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }

يالغالي
لاتنسى ان البنزين سائل متطاير يعني لو كان التهرييب بسيط ماراح يبقى له اثر ويمكن انه مايبين معك .

حاول تشيك على فلتر البنزين (( صفايه البنزين )) وموقعها تحت السياره جهه باب الراكب الخلفي عكس جهه السائق .

وشيك على التوصيلات من التانكي حتى المحرك .

الله يكون في عونك ولكن اهتم في الموضوع لأنه خطر .

ولا يهمك احد ويقنعك انها مشكله في كل المرسيدسات او حتى لو قالك ان سيارته فيها نفس المشكله ، لأن المرسيدس ليست بالسياره التي تكون فيها عيوب مصنعيه بهذه الطريقه .

وازيدك من الشعر بيت ولله الحمد انا مجرب في البيت مرسيدس من 85 حتى 2003 والله يرزقني واشتري 2007 .

ولله الحمد ماصارت معي هالمشكله في اي وحده من الموديلات السابقه .

على العموم انت شكلك من الرياض روح صناعيه طريق الخرج واسئل على مركز يارا او مركز الفردوس ولكن خله يشتغل وانت واقف فوق راسه للأحتياط .

اتمنى اني اكون افدتك

المهندس/ابومحمد @user_59528 · 15-10-2007

انا رأيي من رأي اخوي الهرم تأكد من طرمبة البنزين ان مافيها تهريب وحاول تفحص البخاخات ادا سيارتك 12 سرندل لأن بخاخاته علة مطاولة وحاول تفحص عند ميكانيكي شاطر وعندة خبرة المرسيدس ال 600 ترى ما هو اي واحد يعرف لها

والله يوفقك ويسهل امرك انشا اللة

MERCEDES 600S @user_49659 صاحب الموضوع · 05-10-2007

لا يالدحبول أقولك شبح
وتقول فياجرا:D
موديل94 و 600 فل كامل

الدحبول @user_50091 · 05-10-2007

اكيد موديل 2004
الحجم S350 فياقرا
معرفة موديلات 2004 وسمعت 2005 كذالك

M S H 3 L @user_50244 · 04-10-2007

أنا أتوقع يا أخوي أنها طربة البنزين
وهذي المشكله غالباً في المرسدسات القديمه
لأنك لوتلاحظ لوتشطف مرسدس قديم شوي وبالأخص مع سوري ولا مقاول تلاحظ ريحة بنزين

والسلام عليكم
أي خدمه تبيها أخوي أنا حاظر

MUBASHER. @user_55986 · 04-10-2007

الاخ مرسيدس600
السلام عليكم
يا اخي العزيز الحذر ثم الحذر من تهريب البنزين لانة قابل للاشتعال لا سمح الله ويجب عليك
حل هذة المشكلة باسرع وقت وحتي لو شلت السيارة علي سطحة وهذا هو الاجراء السليم

تمنياتي لك بالسلامة وجميع الاعضاء والزوار