دقيقه دقيقه .. قبل ماتزور الوكيل او اي ورشه اقرأ الكلام الي اقوله زينه وطبقه صح ..
اذا انت كنت واقف في نزله .. ووقفت الموتر على دحديره .. وحطيتها على الباركينج P فشيء طبيعي راح يطلع صوت زي الطقه اذا رجعتها للـ R .. كل سيارات القير الاوتو يطلع فيها طقه .. الكامري , الاكورد . الالتيما . الفورد . المازدا واي سياره قير اوتو ..
والسبب في اعتقادي .. هو انك تخلي ثقل السياره كله على القير ..طبعا اذا كان موترك قير اوتو و بغيت توقف الموتر في دحديره افعل الاتي :-
1- اجعل القير على الوضع N
2-اضغط الفرامل
3-اضغط على الهاند بريك (( الجلنط .. البريك )) الى اعلى مستوى له تقريبا
4-شيل رجلك من الفرامل .. الى ان تثبت السياره في محلها تماما على الوضع [COLOR=red]N [/COLOR]
5-اضغط الفرامل ثم ضعها على الوضع P
والسبب في تثبيت السياره على الوضع N .. لكي يكون وزن السياره كله للكفرات والفرامل الخلفيه تقريبا .. لكي لاتثقل على القير ويعمل لك مشاكل وخرابات مالها حصر بسبب النقطه هذي .. فنصيحه لاتقل على القير ابدا ابدا .. لان القير الاوتو حساس جدا عكس العادي .
في الخطوه الرابع اذا شلت رجلك ومازالت السياره تدحدر .. اضغط مره ثانيه على الجلنط الى اعلى مستوى له واذا ماقدرت ومازالت تدحدر ... خل رجلك على الفرامل وحطها على الـ P .. ورح للاقرب ورشه وسو شد للفرامل الخلفيه لكي تثبت السياره على الجلنط ويصير اقوى في مسك الجلنط ..
فأرجوا ياشباب الاوتوماتيك انكم تنتبهون للنقطه هذي ..
تحياتي
