يا جماعة الخير الفزعة محتار بين ا ليوكن والارماد أرجوا النصيحة

السلام عليكم
ارشح الارمادا 2008 بقوة لكن اذا مصر على 2007 فكلا السيارتين حلوين لكن الارمادا اقوى كمكينة و اداء خصوصا في السرعات العالية

الدينالي ما عليه كلام لكن ارشح لك الارمادا 2008 عن تجربه
من ناحية السعر , والمواصفات الفخمه

السلام عليكم

اخوي صاحب الموضوع انا عندي ارمادا صار لها سنه وشوي وموديل 2006 حق الشركة وانا شغال بمنطقة معزولة (مقاول ارامكو) وكل يوم اقطع بالسيارة حدود 300-350 كلم نصها داخل البر وطبعا سيارة الشركة ما بتراعيها مثل سيارتك الخاصة فلازم تحط هالنقطة في بالك على العموم اقدر الخص لك السيارة بايجابياتها وعيوبها قد ما اقدر:

السلبيات:
1- ضخمة جدا وصعب تحصل لها ماقف (بس مع التعود تصير مثل الكورولا!)
2- فيها تنسيم هوا قوي جدا من الأبواب الأمامية عند السرعات العالية والرياح الجانبية القوية
3- قاسية في المطبات داخل البلد مقارنة باليوكن
4- احس ان نظام التعليق ماله داعي اذا جات لك مطب كبير وماقدرت تخفف (يعني الكفرات الأمامية تحس يرتفعو عن الشارع ويضربو بقوة)
5- الهرن ماله داعي ابدا لانه من تسخن السيارة مايشتغل الا بالموت
6- الدركسون في الخطوط ما يخشن وهذا خطر اذا انت مو متعود على السيارة (يعني مثل كابرس موديل 89) واذا جاتلك مطب او حفرة وانت منعطف والسرعة فوق ال 80 لازم تمسك باليدين لان الدركسون يلف مع المنعطف بقوة
7- عروة او مسكة الباب الخلفي جدا جدا سيئة وانكسرت عندي مرتين (بلاستك!!) وبعض الأحيان الباب الخلفي ما يفتح اذا كانت السيارة مايله بالقوة هذا غير الصرير والازعاج من الباب الخلفي
8- كفراتها نادرة وسعرها 850 ريال (اشوف الحين صارت متوفرة لاني كل اسبوع اغير كفر بسبب عملي داخل المناطق المليه والجبلية)


الإيجابيات:
1- عزم خيالي وتحس ان الوكالة غلطانين وحاطين مكينتين فيها
2- ثبات ممتاز جدا جدا (تخيل امشي 180 وينسلخ الكفر الخلفي ولا دريت الا بعد ماشفت القطع تتطاير قدامي) وكذلك في المنعطفات نظام VDC يتجاوب بسرعة ويعدل السيارة بشكل سلس اذا انحرفت (بصراحة اول ما اخذتها ماصدقت ان النيسان وصل لهالمستوى)
3- شكل حلو وانيق
4- وساسع جدا من داخل وتقدر تركب الى 10 اشخاص
5- الكراسي تتصفط بشكل ممتاز حيث تكون السيارة كأنها ما فيها كراسي وحتى كرسي الراكب يتصفط
6- مكيفها ثلوج وهذا الكلام عن تجربة جدا قاسية (تخيل السيارة واقفة 7-8 ساعات والحرارة برى توصل الا 50 والمكيف بارد ولا يتأثر) هذا غير الدفع القوي والتحكم الممتاز
7- الحرارة انسى انها ترتفع (انا ضربت بها صخرة كبيرة في البر صار الرديتر يهرب خفيف ولمدة اسبوع وانا مادري الين وديتها الشركة حق يغيروا زيت وطلع الرديتر شبه فاضي لكن الحرارة مارتفعت ابد)
8- في الرمل بصراحة خيال والله ما توقعت هالحجم يكون بهالسلاسة في الرمل خصوصا اني استخدمت باترول لمدة 8 شهور وطعست فيه كثير وعجبني بس بالنسبة لي الارمادا احسن منه (طبعا اذا مافيه مطامر وتطعيس عنيف وقصات قوية جدا)
9- البريك جيدجدا بس مو احسن من الباترول لكنه افضل الف الف مرة من اليوكون (لاني جربت يوكون 2007 ماشي 200 كلم حق زميلي بالعمل لمدة يومين)
10- هدئ جدا (بالنسبة لصوت الكفرات) مقارنة باليوكون

هذا اللي اذكره الحين ولا تسألني عن قطع الغيار لان الشركة اهي الا تغير (وحسب علمي ماغيروا الا المساحات ومسكة الباب الخلفي غير الزيت والكفرات طبعا)

الخلاصة:
السيارة الحين ماشية 95000 كلم وجربتها في الصيف وفي الشتا وفي المطر والبر والجبال (طبعا بحكم عملي) وماشه عندي زي الحلاوة ولا اشتكي الا من العيوب الا ذكرتها فقط وترى الايجابيات اكثر بكثير بس ما اذكرها الحين كلها

رايي انا السيارة باستخدام واحد يملكها ويهتم فيها بتكون ممتازة جدا وعملية والدليل اني لاعن ابو السيارة (حتى تفحيط فحطت بيها وترى تعجبك) وماشية مثل ماقلت زي الحلاوة وتقدر تقول بدوووون صيانة ابد الا الزيت والكفرات (صدقني من طلعت من الوكالة ما دخلت مرة ثاني ابد)

هذا الا عندي وآسف على الإطالة بس حبيت اني اقول كل الا عندي واتمنى ان تكون مشاركتي مفيدة لك ولباقي الأعضاء

والسلام عليكم

.بعد مشاهدتي للاارمادا 2008 في الوكالة ارشح الارمادا طبعا

لانه يحمل مواصفات الدينالي واكثرررر وبسعر اقل من الدينالي بكثيرررر , ولاحظت ايضا تغير

المواد الداخلية للارمادا 2008 بمواد اكثر جودة وقوة .

هههههه
اخي احد يتحير في الأختيار

اكيد اليوكن بلا منازع

فخامة وقوووة رهيبة في الشارع والبر

اما الأرمادة شهرين وانت موديه الوكالة

وقطع الغيار نااااااااااااااااااااااااااااااااااااار

تحياتي

الارمادا على العين والراس ..... بس الدينالي اخي الكريم نازل فية نفيقيشن وكاميرا خلفية وجنط 20 من موديل 2007 ..... وقريبا بينزل التاهو بنفيقيشن وكاميرا وجنط 20 على نهاية شهر نوفمبر بوكالة العيسى .....
الارمادا بنظري من اروع السيارات العائلية لكن عيبة الوحيد بنظري ضخامته الزائدة ؟

شوف اليوكن حلو بس دفرنسين فاااااشل هالسياره فشله في الدفع الرباعي عزم قوي لكن انواالخراب والدفرنس ما يتحمل يخرب كثيييير لكن الرمادا افضل كسيارة دفع رباعي بالاضافه للميزات الخياليه المتكامله خاصة في موديل 2008 صار الارمادا خيااااال خاصة مع شاشة النفيقيشن (ماجلان ) والدفيدي وقيمتهاا معقوله مقارنه باليوكن الدينالي الي ما يحمل هالمواصفات وقيمته 181000

والله لو انه صناعه بنجلاديشيه ماطلع فيه نصف الي قلته ..

يا حجي كيفك تمام
انا بقولك النيسان روووووعة في كل شي وفي البر اهم شي وسيارة قوية جدا في فئتها
النيسان ارمادا وانا من عندي هاو الافضل في القوة ..............

سلاااام

.صحيح انا ركبت ارمادا 2007 ديكوره الداخلي تعبان تسمع اصوات من الديكور .

الجمس الدينالي ابو جنط 20 كمااان ديكوره يطلع اصوات وقرقعه يعني كلهم الاثنين زي بعض !!!!

الارماد تقليد لي اليوكن
واليوكن أفضل في البر والخطوط وداخل البلد وشور لك
وقطع غيارها رخيصة
ويستخدم بنزين 91 وإقتصادي أكثر

طبعا اليوكون
بالنسبه لي
لان شكل الارمادا بشع جدا من السقف والانحناءات البناتيه الي مالها معني ومن الخلف ايضا مرتفع جدا بحيث انه غير مثالي لوضع الاغراض ويحتاج جهد لرفعه عن مستوى الارض والجوده الداخليه صراحه بلاستيك هذا غير ان اليوكون الجديد اجود لانه تم استخدام الفلين المقوى بدال البلاستيك وطبعا الكراسي الخلفيه لليوكون اريح لان كراسي الارمادا غير مريحه ابدا وخاصة بالمقعد الثالث وما تستوعب الاشخاص الكبار هذا غير عن الصرفية العاليه للبترول وارتفاع اسعار قطع الغيار وما يعني ان اليوكون مافيها عيوب بس عيوب اليوكون بسيطه الى حد ما بالنسبه للارمادا والسعر يلعب دور ايضا واليوكون أاصل من الارمادا وله تاريخ مجيد وعريق على مستوى الخليج والارمادا واليوكون كلهم صناعة امريكيه فلا احد يقول الياباني احسن لان الاثنين باوراق الجمارك صناعة امريكيه

الارمادا سيارة قمة في الروعة وقوة جبارة وخفة واستجابه مذهلة

لكن انا اشهد للاخ الي يقول انه يتفكف فيه احد اقاربي عنده واحد الديكورات الداخلية رايحه وطي ومره قفل فجأه القفل حق القير ويالله قدر يفتحه وغير كذا قطعه غير متوفرة في السوق

لكن كلمة الحق تقال انه سيارة جبارة في قيادتها وشكلها

ماشي 15 الف كيلو ويبيله تربيط ؟ هذا حتى ضمانه للحين ماخلص

كلامك اشك في مصداقيته

تحياتي

كلهم حلوين

لكن اليوكون بصراحة اكثر فخامه من الداخل ويمكن افضل في الجودة والتماسك

مسيك بالخير اخوي....
ارشح لك اليوكن لأن بصراحه الارمادا عند اهل واحد من الشباب ومن يوم مشى 15000 وهو متفكك ويبيله تربيط وبعد تقريبا" اربع شهور خرب السي دي مع العلم ان الارمادا موديله 2006 ((فل اوبشن))
بشكل عام ارشح لك اليوكن والله يكتب لك الخير
تحياتي لك

ارشح اليوكن

يا اخوي وانت مغمض خذ يوكون او تاهو الارمادا ما ينفع ابد والله مع واحد من الزملاء طلعه جديد لا وكان بياخذه من معرض الصقر ب 200 الف قبل ينزل في الوكالة والحين يدور له شراي بس ماحد يبيه اما اليوكون اسم وفخامة وعملية واعتمادية وتماسك ماشاء الله .. توكل على الله

والله بالنسبة لي

اكيد اليوكن افضل

يكفي المحرك حقة والا الفخامة

والارمادا شي بس مو احسن من اليكون بأعتبار الارمادا جديد بالسوق