وجهة نظر أمريكي أفضل ياباني

اكيد الامريكي افضل من الياباني

تعالوا وخلونا نتكلم بواقعية

ترى أغلب اللي يشترون ياباني يقولون أنه أرخص بنزين وسعر ويعمر أكثر مع انهم يظحكون على عمرهم لان الاتيما 6 سليندر تعبيها فل نفس الفكتوريا 91

لحظة خل ناخذها وحدة وحدة
1- ابو عيال يبغى يشتري سيارة عائلية كبيرة وقوية وش راح يختار ( أرمادا ) اللي هالايام طالع سوقها مع انه معروف إنه نيسان يتفكك ولا باص تيوتا ولا متسوبيشي هالشركة الغبية اللي قطعها كنها سيارة المانية وهي كبر القوطي ولا بياخذ له جمس يوكن ولا تاهو ولا سكلد جاوبوني يا رواعي الياباني جموس صارلها سنين وهي تصنع ومعروفة عندنا

2- واحد توه متزوج وعنده ولدين أكيد يبغى سيارة سيدان تتحمل وتعيش سنين بياخذ كامري ولا أكورد
اللي اسياتها حجر تجيب للواحد بواسير وحتى وانت راكابها تحس انك والشارع واحد ولا بياخذ له ( فورد كراون فكتوريا ) اللي الى الان اليابانيين ما صنعو سيارة سيدان بحجمها بتقولون أفالون اللي بديها كنا كامري ورق ولا دفع أمام يعني لو ظرب عليك كفر سلملي

3- حتى في الونيتات تقارنون الهايلكس اللي وجهيته كنها ايكو ولا الددسن اللي قوتها 160 حصان ولا كاتبينا على الصندوق ( ازعط في تقدم في الاحصنة ) بالافالانش ولا اسكاليد ونيت وهالجموس اللي فيها مكاين تثلج الصدر وحديد بمعنى الكلمه وحتى بالحجم الواحد يسوق وهو مرتاح

*** عندي ملاحظة
ترى السيارات القواطي هالصغار مثل اليارس والكورلا والسيفك ترى مصصمه لليابانيين لانهم قصار القامة في الاصل والله اني ركبتها احس الطبلون لازق في وجهي ولا تصلح حق سفر هذا اذا كان فيها ايرباق اصلا

ويكفي ان الامريكي دفع خلفي وامان في الخط وشوفو الياباني كله حوادث والشباب مستلمين فيه تفحيط وكل سياراتهم في التشليح

واللي ذكر ان الكرسيدا مظرب بالمثل أحب اذكرلك ان ولد عمي عندهم كرسيدا وظبو المكينة ثلاث مرات وغير مشاكل الكهرب اللي فيها وعندهم كورلا 2006 وفيها مشاكل في مكينة القزاز والمسجل اللي كل شهر يخبط
وأغلب الشباب يفرحون ان 4 سليندر وتجيب 200 ترا الامريكان حطو الفصلة للأمان مو للتهور


حتى عبداللطيف جميل مستغلكم يجيب سيارت من غير مسجلات ويركبها هنا ارخص له يا ناس كامري يغير مكينتها من 4 سليندر الي 6 ويسمها قراندي


حبيت أوظح لكم أنا الامريكي أفظل من الياباني بمراااااحل متقدمة

سلام:emot154:

في السيارات

الاول الالماني === من دون اي منافس

الثاني الامريكي

الثالث الياباني

^^^^^
السيارت الكثر شعبيه
-------------------------------------------

ولا فييه الفرنسي و الانجليزي وغيره

مشول أقصد بيها منزوع يعني السيارة يجيها لتطور والفخامة والرقي في المواصفات بعد الأمريكي

والله كلامك ياراعي الموضوع صحيح الأمريكي يتميز عن الياباني بالفخامة والأوبشن (الأزاريرإلي على الطاره )وبقية الكماليات وغير كدا الأمن والسلامة المواصفات الأمريكية أحلى مليون مرة من الياباني إلي يجينا بأسعار غالية ومشول كثير مواصفات منه

بالنسبة لي الامريكي الشفر الموديلات الجديدة سيئة جدا انا اتكلم عن الجديد!

الافضلية عندي بالتدريج = 1-تويوتا وهوندا ...الخ(الياباني)

2- الكوري

3-الامريكي(الشفر ) وهذا لايشمل السيارات الاخرى الاميركية...

كلامكم عين العقل فلكل من الامريكي والياباني ميزاته وعيوبه
صحيح ان الامريكي قوي سواء البدي او المكينه واستعماله جيد لكن بالمقابل تجد اغلب القطع لديه استهلاكيه والياباني ممكن انه يتفكك بسرعه خاصة الموديلات الجديده كذلك بديه خفيف واقل رساوه من الامريكي لكن بالتالي سيارة اقتصاديه وعمليه لأبعد الحدود وما تنزل قيمته بسرعه

لكن يبقى الامريكي افضل بنظري

خليت كل السيارات الامريكيه وتقول كدلك سياره تصير بلورش اكثر من عند راعيه والله حراام كدلاك وموصفات وبسعر 170 واكثر تشوفه بتشليج بدون صدمه مرميه وين راح فخر الصناعه الامريكيه غير الورش والتشاليح وتقول لي يكفيك الكدلك امريكي تركو عنكم التعصب يا شباب خلينا واقعين اكثر

كلام الاخ[COLOR=red] ارمادا كله حكم ووواقع الشخص الا اثلج صدري برده عليكم لانه فعلا كلامه ما هو شىء جديد بس تعصب وكلام من غير خبره من بعض الاعضاء[/COLOR]

فورد ورفع يدك وسلامتك
اسئل مجرب

في نظري انا الامريكي افضل في المديلات الجديده
ليش :rolleyes:
اقتصادي ومريح هذا الفورد ومايطلب قطع غيار واجد
انت شيك بس وتوكل على الله
معني توني شاري واحد من جده الحين ومشيت عليه الى الشرقيه ولا شيكته الافي الدمام
ولاطلب ولاشيء واستخدام امريكي وماشي 41الف ميل ومديل 2004
حتى الكفرات باقي ماغيرتها ولاغيرت فيه شيء بس طلعته من الصاله ونمت في جده ومشيت اليوم الثاني ولله الحمد
يعني مثل هذا يطلب وانت ماتدرعه تشتري وتمشي على طول :)

احنا كمستهلكين ايش يهمنا ؟
انا تهمني سلامتي وراحتي في الاول والاخير
فما بقول الامريكي متفوق في كل شي
ولا بقول الياباني متفوق في كل شيء
كل واحد متفوق في مجاله
مثلا من ناحية السيارات الرياضيه
تفوق واضح وجلي للامريكي
كورفيت Z06 تجي 8 سلندر و 7 لتر
دايم اكثر شعب الياباني يرددو
8 سلندر و 7 لتر
بعدين تطلع هالسيارة افضل اقتصادية من سيارات يابانيه رياضيه
6 سلندر امثال الزد 350 وفوق هذا الكورفيت اقوى
وافضل اقتصاديه من الهوندا اس 2000 ذات الاسطوانات الاربع
ناحية السيارات الصغيره هنا يتفوق الصانع الياباني
بحكم انه لا توجد سيارات صغيره امريكية 100%
واسعار الياباني مبالغ فيها بزياده في هالفئة
اما سوق البيك اب او التروك فهذا مسيطر عليه الامريكي
على نحو 30 سنه مضت تفوق الصانع الياباني في هذا المجال
فقط عندنا في السعوديه هايلوكس ددسن لان اغلبهم ما يعرف ايش سلفرادو
او دودج رام او فورد F150 طبعا الفورد F150 افضلهم من جميع النواحي
جر تحمل الخ الخ الخ
السيارات العائلية تشوف انه على الصعيد العالمي
وعلى الصعيد المحلي
السوبر بان رفيق العائلة او على الاصح مضرب المثل عند اكثر الشيبان
الا ان دخول الصانع الياباني باللاند كروزر والباترول الخ الخ الخ
اصبحت المنافسه جديهلكن ان جينا للحقائق
فاكثر اللي يشترو تيوتا علشان الاسم فقط
لايهتمون بمواصفات اطلاقا
زبدة كلامي كل واحد شاطر في مجاله
وتفوق الامريكي في اغلب المجالات
والدليل ان الكراون فكتوريا ما تغير شكله من 98
والشركة ما تسوي له اعلانات ومبيعات خيايله
لكن شوف اعلانات تيوتا مافي لفه في الشارع الا وموجود لها اعلان
واسمحو لي على الاطاله

القصد من كلامي أن كلا واحد و السيارة الي يحبها, في ناس يحبون الكوري اكثر من الامريكي, في ناس يحبون الياباني اكثر من غيره, و فيه ناس لو تنصح من اليوم الى بكرة لترك سيارة يحبها مستحييييييل يغير رأيه, خلاص يعني انا أحب الكوري مثلا, لا يجي واحد و يقول: انا والله أتحدى السوناتا بـ البورش مثلا!!!!!!! أو انا احب الاكورد مثلا و يجي واحد و يقول: والله الكاديلاك أقوى و أحسن!!!!! لان السيارة محبوبة لمن يحبها (القرد في عيون أمه غزال!!!)

^^^
اخوي كاره الصابونة

الكابرس 90 وتحت افضل منها واحلى بعد

صراحة الي فتح هذا الموضوع ما عنده سالفه..................... يا ابن الحلال انا عندي كابرس اس اس 1996, نظيف و ما شي 180000 كيلو, و انا من اليوم الي عطاني اياه ابوي السيارة ما عمري مدحتهاااااااااا!!!!!!!!!!!!!!:mad::mad::mad:, يا اخي السيارة:
1- تصرف بانزين
2- كبيييرة و طويلة مرة! و من داخل ضيق ( شفتون كيف هبالة الامريكي؟)
3- دعستها ثقيييله مرة!!
4- لازم يخترب فيها شئ, يعني السيارة صار لها اكثر من 10 سنين فلازم يصير لها خراب.

و كل الي اعرفهم يقولون: لا تبيعونها السيارة نظيفة و جديدة و يكفيك انها اس اس!!!!!

و بيني و بينكم معظم الناس الي أعرفهم باعو الكوابرس الصابونة هاذي و اشتروا سيارة غيرها ( مو كلهم معظمهم)

و بعدين كل واحد و رأيه!!!!! انا أحب الياباني أكثر من الامريكي

يا شيخ أخذ كووري!!! هونداي أزيرا أحسن من ستين ألف كابرس اس اس !!!!!!!!!!

انا شفت مقطع قومه بين اس اس 1996 و ماكسيما, و ما شافت ال اس اس حتى غبار الماكسيما!!!!

شفتو كيف الامريكي؟ الامريكي من زمااااااااان مب الان!!!!! بعد يأخذون زمن غيرهم؟

اسمحوا لي شباب بس ماااااا اشتهي الامريكي!!!!!!!!!! خصوصا شركة GM!:mad::mad::mad::mad:

الأخ الذي قال أني تويتا مبعاتها أكثر من GM
أقوله مشكور و المعلومة يجب أن تأكدها. لأنه في 2007 GM باعت في الربع الأول من السنة 2.25 million

و كان عند رابط بمبيعات الشرق الأوسط بس نسيت الرقم و ذكر المصدر أن مبيعات GM لاأولى في الشرق الأوسط

و أنا آسف ما أقصد أجرح أحد لكن هذه حقائق زفها لكم عاشق الكلاسيك

يا حبايب... بصراحة أحب أقول إنها تتفاوت من شركة إلى شركة
مو بدايم الأمريكي أفضل و لا الياباني لكن بحسب السيارة نفسها
مثلا و جينا ننظر إلى إمبالا أو كابريس الستينات و السبعينات أو حتى كاديلاك إلدرادو أو بيوك إلكترا سنجد أن أسعارها في تزايد و ما زالت تحافظ على كل أناقتها و فخمتها و البدي المستقيم. فهذا شغل جنرال موتورز المعروف:)

و مازلنا نلا حظ نفس الشيء يحصل مع GMC يوكون و يوكون XL الطلب عليها يتزايد و الوكلاء يالله يفروا الطلابات:eek: .

و بنفس الوقت الياباني نازل السنوات الأخيرة بمواصفات و أداء أحسن من الثمانينات و التسعينات و إكتسبهم للخبرة صار أسرع و خاصة Honda و مرغوبة في أمريكا بشكل كبيييييييير.

هذا ما و جدته من قراءاتي و خبريتي الكلاسيكية

الامريكي أول مو اللحين ..
أضف إلى ذلك احتلال تويوتا المركز الاول في العالم في حجم المبيعات راكلة بجنرال موتوز للمركز الثاني..

الكلام بلااش ماعليه ضرائب ..