وجهة نظر أمريكي أفضل ياباني

السلام عليكم
أخوي دايو أنت تقول أن الأمريكي أفضل من الياباني [COLOR=red]بـكــل شيء !!![/COLOR]
خلك واقعي وحدد النقاط التي يتفوق فيها الأمريكي على الياباني ، أنا مثلا أشوف أن الأمريكي يتفوق في :
الراحة على الخطوط + سعر ممتاز + هياكل صلبة ورساوه + محركات جبارة بشكل عام + أسعار قطع الغيار أرخص من الياباني غالبا 000 تقريبا هذا مايحضرني

أما الياباني فيتفوق في :
يحافظ على سعره عند البيع + غالب المحركات اليابانيه سعتها صغيرة وبذلك تكون صرفيتها اقتصاديه + اعتمادية وذات جودة مشهود لها

فلكل صناعة ميزتها ، وحبيت أوضح أن الياباني أفضل في الطرق الوعره لقلة أعطالها وخفة وزنها وسلاسة قيادتها ، مقارنة بالأمريكيات من نفس الفئة ، اضافة الى عدم شكوى محركاتها من حرارة وغيره عند الأستخدام القاسي ، بينما الأمريكي لم يبرز الا بالرانجلر والشيروكي ومازال المشتري متخوف من اعطالها ، أما بالنسبة للهمر فهو أشهر من نار على علم لكنه يبدع في الصخور والطين والأنهار، لكن في الرمل عندنا ؟؟ :confused: لاأعتقد أنه سلس مثل اللاند والباترول

لست مع الياباني تماما ولا الأمريكي تماما ، انما أقول أن الأمريكي متقدم في أغلب الأشياء ماعدا [COLOR=red]الجودة بشكل عام ، والأداء على الرمل[/COLOR]

ودمتكم



ومـضـه / يقول المثل الصيني : لاتعبر الجسر قبل أنه تصل اليه

السلام عليكم ورحمه الله وبركاته

بدايه كلامي اتمنى الابتعاد عن التعصب لصناعه معينه

فمن المستحيل ان تكون هناك صناعه ممتازه بنسبه 100% بجميع سياراتهااا

بالنسبه للموديلات القديمه الامريكي يتفوق على الياباني وهذا موضوع لا يحتاج نقاش

اما السيارات الجديده

ليس كل سياره عليها شعار فوورد اهي امريكيه 100 %
او شعار تويوتا اهي ياباني 100 % او نسيان او شفر

الى الان فيه ناس تعتقد ان الكابرس صناعه امريكيه أو ان المونديو و الفوكس صناعه امريكي 100 %
او الكامري صناعه ياباني او الابيكا صناعه امريكيه و .....................

وعلى فكره كلمت تجميع لاتختلف كثيرا عن صنع |3| << لاني عارف في واحد بيقول قطع يابانيه وتجميع استرالي طيب مدام فيه تصنيع باليابان ليه مايجمعون باليابان |1| لانهم كلا الحالتين خسرانين يد عامله بالتصنيع القطع طيب كم بيكلفهم شحن القطع لأستراليا

بالعربي الوكالات ما عادت تفكر تصنع سياره بجوده 100 % اكثر ماهي تفكر كيف تقدر توفر على نفسها وتحقق ارباح اكثر ......... واحنا جالسين نتهاوش أي سياره افضل من الثانيه

الان سمعة الياباني الاكثر عند الناس لو تلاحظون من 2004 واسعار السيارات كل مالها ترتفع وانا ما ألومهم مدامهم يلاقوون ناس مغمضين عيونهم ويقولون مافي زي الياباني اللي الكورلا صار سعرها فل اوبشن بـ 65 ؟؟؟!! والله لو جينا بالحقيقه ماتستاهل 45 الف على حجمها وعلى البدي وعلى المكينه

في موديلات 80 الكابرس كان سعره 35 الف والان الكورلا 65 !!!!

وانا ما ألوم الوكالات الامريكي اذا رفعت اسعارها فليس من المعقول كامري استاندر بـ 72 الف فقط قير اوتو وطيس وكراون فكتوريا بـ 78 الف استاندر ( جنوط + مكينه v8 + كراسي كهرب + ايربقات + ..... المزيد ) ويوفقها مواصفات وفئه الان سعرها وصلت للـ 85 الف للأسف ( الفكتوريا )

الان تويوتا قامت تلعب بالسيارات وهذا دليل على انهم يريدون يحققون ارباح اكثر ........الوالد شراء جي اكس ار 2002 بوقته وكاله تفاجأنا بأن المسجل مغير مركبين مثل اللي بمحلات الزينه ؟؟ و السماعات الخلفيه مشيووله بس الديكور حقها موجود و كلمتهم عن السماعات قالو لازم انت تركبها شوفو وين وصل الاستغلال
وليس تويوتا فقط بل الكل واحنا جالسين متعصبين لوكاله معينه لين وصلو للي يبونه

واقرب مثال النترا بموديل 2004 سعرها وكاله بـ 26 الف بموديل 2006 ( نفس الشكل وصل سعرها 42 الف ؟؟؟؟ )

كلامي ليس تعصب لوكاله معينه لكن اردت توضيح الصوره اللي تحدث بالوكالات و للأسف لانستطيع نقول الياباني افضل من الامريكي ولا الامريكي افضل من الياباني لان سياراتهم ثلاث ارباعها اختلفت مكان تصنيعها وو ممكن يأتي الزمن في عام 2020 ولانسمع بسياره تصنع باليابان او امريكا ممكن تصبح صناعات هنديه او بكستانيه وبأسم تويوتا و شفر و فورد !!!

وتأكيد على كلامي شوفو الكابرس الاسترالي
ينزل عندنا بأسم كابرس
بالصين بيوك
وبكوريا على ما اعتقد بشعار دايو

وهذي صوره للكابرس اللي احنا نعتقد انه كابرس فعلا شوفو الشعار اللي عليه





مو حاجه تقهر ؟؟!!
والمشكله تنباع عندنا باسعار مرتفعه

اخيرا اتمنى انكم فهمتو اللي ابغى اوصله بأن الوكالات تستغلنا وتريد تحقق اعلى الارباح بأي طريقه
لدرجه انها غيرت مكان التصنيع او التجميع |3| وانا لا أرى اختلاف بين تصنيع او تجميع :D

واتمنى الابتعاد عن التعصب ومن اراد حواري بعقلانيه فلهو مني كل احترام |1|

مرحبا شباب ويعطيكم العافية على الموضوع بس الكل يتكلم بدون نقاط اساسية ولاجل ما نظلم الامريكي افضل من ناحية جودة وحطوا ببالكم الجودة تعتبر 40 الى 60 بالمية من التكلفة الشي الثاني الأمان الشي الثالث الرحابة والراحة الشي الرابع العملانية يعني نقاط ما احد اتى على ذكرها من ناحية المقارنة وان بغيتوا راي لا والله حبيبي خل الياباني على جنب ويكفي ان تعرف بان اكثر انظمة السلامة المخترعة والتقنية في السلامة صاحبتها فورد المسالة مو مجاملة بامكانك تبحث وتتاكد يعني الاوروبي بهالمسائل ياخذ ويطبق وفيه اللي يخترع لكن لصالحه اما اخوي من ناحية اللكزس 460 فاتمنى انك تراجع نفسك سيارة العام صدفة حبيبة انت اولا جبلي تقنيات جديدة بها خل عنك مسالة الدعاية والانبهار اللي صاحبتها اخرتها تويوتا تبي تقنيات بكل بساطة خاطب المصنع بشكل مباشر او اطلب Qute عن طريق المصنع على الويب سايت وراح تشوف الخيارات المتاحة مهو خرابيط تويوتا ونيسان ياخوي راجع نظام كاديلاك للملاحة من عام 2002 او 2001 اعتقد في نييورك دشن خدمة الارشاد في الطرق ومعرفة الزحمة ونحوها وكذلك طبقت في اللنكولن تاون كار كارتير بالراديو ساتالايت من عام 2000 يعني باختصار المسألة لو جيت تقارن بتطول والنتيجة صدقني وبدون تعب لصالح الصانع الإمريكي ولكم جزيل الشكر على الموضوع وشكرا

اوكي هالسمعه الطيبه ال يتقول اخذوها التويوتا والهوندا عن طريق ايش مو عن تجارب الناس ؟؟

لكن فيه شي ماهو بصحيح في كلامك وهو ان الهوندا قطع غيارها رخيص ياريت تتاكد بنفسك ..
الهوندا مشهور بقطع غيارة الناااااااااااااااااااااار وهالشي مايختلف عليه احد

يجيب الله مطر

انا يوم كتبت ان فلان قال سيارة الفلاني وتجربتها ماكنت اقصد ان الامريكي يقولون استخدامه ممتاز والياباني استخدامه سيء لكن اقصد انها ماراح تحل المسالة ابدا اذا سمعت هالكلام

لاني انا جربت امريكي مثلا ومانفع معي وجربت ياباني وصار اوكي .. طيب فيه غيري مثلا جرب امريكي وضبط معاه وفلان جرب وجرب الـــخ من هالكلام يعني مااستفدنا شي


وانا مااتكلم عن التجارب لاني اعرف ناس كثير من زود تعصبه لسيارته لو يطلع فيها بالوي الدنيا كلها تحصلها يمدحها ..

ومسالة ان فيه ناس تفضل الاسكاليد على اللكزس انا اعرف ناس تفضل جيب الشاص على كل السيارات .. وعادي انا اقول هو حر لكن ماهو معناها الشاص افضل من الاسكاليد لكن كل انسان ورغبته وحبه للسيارات ..

أغلب الناس ياخذون تويوتا وهوندا بسبب السمعة

لكن أنا لاحظت إن مشاكلهم مثل مشاكل غيرهم من السيارات

ميزتهم إن قطع غيارها رخيص ومتوفر

وأنا أعرف كثير من الأشخاص معهم تويوتا وهوندا وغيره عندهم مشاكل كثيرة خاصة بالمكينة

أنا أقارن الأمريكي بأفضل أنواع الياباني وهو تويوتا وهوندا

فـ مكينة الأمريكي والبدي والراحة أفضل بكثير من الياباني مع العلم غن أغلب محركات الأمريكي 8 سلندر

يمكن فيه بعض المشاكل الميكانيكية والكهرباء تحصل بالأمريكي

وهالمشاكل ما حصلتها إلا بالإستعمال الأمريكي فقط

الأمريكي أفضل من الياباني أمانا واستخداما وتحملا
يكفيك إن الكدلك أمريكي|6|

:mad: :mad: :mad: :mad:

ههههههههههه


يا أخي أعرف أن مبيعات الياباني كلها في الخليج

تويوتا عشان تصير المصنع الأول تريد طلع 90% من السياراتها في الخليج بس

تعال شو لي دخل الدايو

لا دخل الدايو الأنها معروفه مهجن أمريكي هههههههه

شفت يوم أمريكا تعطي الجواز لواحد كوري الدايو ماخذ الجواز الأمريكي

تصميم أمريكي و تصنيع كوري وهنا تصبح الصعوبة في فهم بعض الأشخاص مثلك ههههه

أنا أقولك تويوتا ما تصعد المصدر الأول للسيارات لو طاحة جي أم

لوجود الأسطول الكوري


هونداي كيا الدايو |11|

ههههههههههههههههههههههههه

من ناحية فلان جرب سياره فلانيه وولد عمي جرب سياره كذاوفلان مجرب سياره كذا
عالاقل واقع تجربه شخصيه مب نخلي الشركات اللي تجرب السيارات لنا يعني هم بعد لهم وجهة نظر يمكن يشوفونها عيب بالسياره
ونا لنا وجهة نظر بالسياره نشوفها ميزه
من ناحيتي انا افضل اني اجرب السياره شخصياً او آخذ فكره من سياره اخرى من تجربت احد من معارفي

واذا تقارن الكدلك والكزس انا اقول ان الاسكاليد 2007 اطلق من لكزس 460

ممكن تكون وجهة نظر ونا سألت كذا واحد وقالو لي نفس ا لكلام يفضلون الاسكالد على اللكزس 460
مع انه هذي سياره سيدان وهذي SUV لكنك شملت الشركتين

والجيوب اليابانيه مخصصه للبر عندنا مثل الطعوس والياباني مصنوع لها لكن الامريكي مايقدر عليها لانه مصنوع على الجبال والطرق ا لوعره

وسمعت الفورد بالثمانينات كانت سيئه جداً لكن اللحين تعال وشف
ولازالت مرغوبه إلى اليوم والناس تبحث عنها
ولاتنسى بالثمانينات كان فيها كمبيوتر وبعض الياباني مافيه كمبيوتر

وانا عندي كابرس موديل 1979 صحيح ان فيه بعض المشاكل لكنها مب في المكينه والقير ماغيرت فيه الا كلتشات لكن بعد كم تم تغييرها ..؟؟ بعد 28 سنه ؟؟
هل هذا عيب ؟؟

وماشوف اي مشكله اني مغير كلتشات لانه شي استهلاكي

والمكينه ولله الحمد مافيها ولا شي والموتر دايم امسك خطوط عليه وبسرعة 160 احياناً 180 وماشاء الله تبارك الله


شكراً لك|3|

انا افضل الياباني
لكن يعجبني في الأمريكي :
1-السيارة واسعة بعكس الياباني
2-رخص قطع الغيار
3-البدي اقوى من الياباني
4-مريح في السفر

لكن انا افضل الأمريكي القديم لأصالته وقوة تحملة مثل الكابرس القديم

الأمريكي أفضل.....

ردك وافي وكافي اخوي ارمادا

تحياتي لك

راجعت الردود كامله ولم ياتي واحد فيكم بادله ولا براهين غير كلام ..

ابن عمة اخوي كان عنده سياره امريكيه وابو جد خالي كان عنده سياره يابانيه ماعمرت سنه ومن هالكلام..


اذا رجعت للتقارير عن افضل السيارات خلال السنوات الاخيره فالياباني افضل بلا ادنى شك ..

اذا رجعت للمقارنات الي تسويها شركات في الغالب امريكيه متخصصه في السيارات فقط فالافضليه دائما للياباني ...

اذا رجعت للحق والمنطق فدول الخليج وخاصه السعوديه لايوجد فيها سيارات امريكيه بمعنى الكلمه الان فقط ثلاث الى اربع سيارات فقط ... وهي فورد كراون فيكتوريا ونصفها مستورد لرخصها .. وسوبربان بفئاتها والباقي كلها في الاساس تصنيع شركات غير امريكيه .. مثل هولدن ودايو ..



اذا رجعنا لسيارات الدفع الرباعي ففيه موضوع حيادي وفيه تصويت متفوق فيه الياباني .. بشكل كبير ..
وفيه محبين للامريكي صوتوا واعترفوا بتفوق الياباني بهذا الجانب ..

ومسالة السعر .. الياباني معروف انه يمسك كثير من سعره اكثر من الامريكي ..وذلك لجودته ولسمعته وعمليته


الفخامه ..

تعال نتكلم عن الفخامه واحد يقارن لي فورد كامل مع المواصفات مع كورلا .؟؟ هل هذا منضور المقارنه في الفخامه ..

تعال نقارن اشهر ماركتين فخمتين في هالبلدان ..
اليابان اشهر مصنع لتصنيع السياارت الفخمه والفارهه هو لكزس ..
وامريكا اشهر مصنع واعرق مصنع هو كاديلاك .. وهو اقدم من لكزس بعدد من السنين

وتعال قارن بينهم .. وشف الفارق وش افضل لكزس او كاديلاك ؟؟؟

لو اسال واحد في الشارع يمكن مايعرف حتى وش هي ماركة كاديلاك ...





العمليه ..
الاخوان استشهدوا بعمليه الامريكي وانه يعمر اكثر من الياباني ..
هل تحبون يااصحاب الفورد اذكركم وش كان الفورد كراون فيكتوريا ايام الثمانين كانت سياره لها سمعه سيئه جدا جدا من كثرة المشاكل والحرارة الخ .. كان بعض من هالسياارت تروح لتشليح لاقل حادث يصير لها لانها ماتسوى قيمة تصليحها ...كان الكثير يتجنب السفر بهذي السياره لعدم ثقته فيها
وهالشي يعرفه اصحاب الفورد جيدا .. الى ان وصلنا اواخر التسيعنات والالفين وبدت تتطور السياره ..

بينما في المقابل .. كانت الكرسيدا مضرب للمثل .. واخذت لقب اشتهرت فيه وهو (عدوة الورش)
والى يومكم هذا والسياره عايشه وتشووفونها كل يوم ..ولا يوجد سياره اثببت عمليتها وقلة مشاكلها وصيانتها مثل هذي السياره

مع ان الفارق سياره بمحرك كبير 8 سلندر والمفروض يكون اكثر تحمل

وسياره محرك 4 سلندر ؟؟؟

انا اخترت هالسيارتين لانكم قارنتوا الكامري مع الفيكتوريا ...

والكابرس مااحد ينكر عملية هذي السياره سابقا .. واحنا كنا من ملاك هذي السياره قديما لكن السياره تغير وتوضب قيرها وميكنتها كل فتره زمنيه اقصر من اي سياره يابانيه ثانيه .. وصحيح عايشه الى اليوم بجانب سيارات كثيره يابانيه من نفس الموديلات ..
وسيارة كابرس اليوم ماراح اتكلم عنها لانها مو امريكيه اساسا ..بل استراليه



بالنسبه للاخ الي قال ان الافالون والفي جي كروزر .. تجميع امريكي ..
هل افهم من كلامك ان السيارتين امريكيات ام لا ؟؟؟

معنى ان تصنع السياره في مصنع ياباني موجود في امريكا بتقنيه واشراف وهندسه يابانيه بالكامل فقط مواد اساسيه وعمال امريكان .. لرخصها في امريكا .. فقط

وكذلك الارمادا والالتيما وكثير سيارات يابانيه ...

يوجد فرق مثلا ابيكا تصنع في مصنع دايو والسياره كوريه بالكامل ولاتمت لشفرولية الا بالاسم فقط


وفرق بين كامري تصنع في استراليا في مصنع تويوتا وتحت هندستهم واشرافهم ..
...............................................................................

على فكره انا لااكره الامريكي وبالعكس من محبين بعض سياراته مثل الكابرس والموستنج لكن امريكي زمان مو اليوم ..

واسف على الاطاله
والسلام خير ختام

كلام سليم 100 % والأمريكي طبعا أفضل والدليل انو الشركات الأمريكية زي فورد و جي ام تصنع سيارات منذ اكثر من 100 سنة على خلاف اكبر شركة يابانية ما كملت 40 سنة (على علم انو اليابان بعد الحرب العالمية كانت مدمرة 90 % و صادراتها 0 %).

أولاً .. يعطيك العافية على ابداء وجهة نظرك .. ونحترمها بكل تأكيد حتى لو اختلفنا معكـ .. ثانياً اتفق معكـ بخصوص ان الامريكي يعمر لفتره اطول من الياباني .. وأيضاً الاسعار المبالغ فيها في بعض أنواع الياباني .. أيضاً كون أغلب السيارات اليابانية خفيفة جداً ..

الكلام السابق ينطبق على الأمريكي القديم .. لكن الجديد أقل جودة وأقصر عمر .. قد تكون الكراون فكتوريا هي السيارة الوحيدة التي تصنف كسيارة امريكية اعتمادية من الدرجة الأولى !!

وأخيراً يعطيك العافية .. مع خالص التحية ،،

انا افضل الامريكي كثير على الياباني

من ناحيتي مجرب ياباني وكوري وموديلات جديده بس والله ماش مب ذاك الزود
اكسنت..ماتركس هيونداي موديل 2003 والثانيه 2005

التيما 2002 وامريكيه وللأسف مارتحت لها
هوندا اكورد يعني سواقتها حليوه بس حساسه موديل 2004

وحالياً الكابرس 79

قسم راحه ووسيع وجميل مراتب كهرب وراسي ماشاء الله تبارك الله

وجربت كذا سياره امريكيه جديده بعد ولا اروع

انا بصراحه ما افكر الا بالامريكي فقط ومستحيل اشتري ياباني لو كان وش كان


ولي رجعه ثانيه بإذن الله


لحد يزعل من كلامي

شكراً لكم|3|

عندي تعليق بسيط على رد الاخ خالد اللي يقول قارن المبيعات ومبيعات الياباني اكثر من لامريكي


اولا الياباني ياكثر السيارات اللي يصنعونها واغلبها على قلة فايده

ثانيا السعر سعر السيارات اليابانيه بالوكاله غالبا اسعارها بالخمسينات وان زاد السعر توصل السبعينات

بينما الامريكي اقل فئه سعرها بالثمانينات

وبالنسبه للاخ اللي يقول ان اللكزس يبطون الامريكان يصنعون مثلها
ياخي لاتنسى ان فيه سيارات صنعوها الامريكان ماوصلتنا ولا راح توصلنا
وفيها منالمواصفات والفامخه شي فوق الخيال

واحب افيدك ان ال اف جي كروزر تجميع امريكي
والافالون تجميع امريكي

يااخوان
انا جربت الأمريكي والياباني والكوري
وما وجدت افضل من الياباني عموماوالنيسان خصوصا
كان معي نيسان 240L موديل 84 كانت قمة في التقنية
هل تذكرونها اللي فيها جهاز يتكلم
ومن بعدهه التيما ثم مكسيما ثم الان باثفايندر والحمد لله على كل نعمة
عموما النيسان على كل لسان