الفئة العمرية للFJ cruiser

mnsalmns @user_37178 · 01-11-2007

هلا بالشباب ....

حبيت أسألكم... من خلال ملاحظتكم للFJ cruiser بالشوارع, ماهي الفئة العمرية إلي تشتريه ..

يعني هل هي سيارة مراهقين أو سيارة شباب بالجامعة أو سيارة ناس أكبر من كذا؟؟ (طبعا أنا أتكلم بشكل عام.. يعني هل شكلها غلط على واحد كبير 25-35 سنة؟؟)

الحقيقة انا بكندا و أشوف إن أكثر ملاك السيارة ذكور و أعمارهم فوق ال30 (بس طبعا مو شياب) .. قليل ما أشوف السيارة تسوقها وحدة أو شاب صغير ... لكن ما أدري عن الخليج عشان كذا حبيت أستفسر منكم...

شغلة ثانية و هي مسكة سعلر السيارة ... يعني أكيد السيارة تويوتا و ماعليها كلام و أعرف إنة لسة بدري عشان نعرف مسكة السيارة لسعرها عند البيع لكن ها تظنون إن شكل السيارة الغير تقليدي و مساحة الكراسي الخلفية راح يكون لها دور في التأثير على سعر إعادة البيع؟؟؟؟؟

و لكم جزيل الشكر

العنيد2004 @user_6889 · 09-11-2007

ياجماعة وجهة نظري الهمر H3 افضل من الاف جي

دايم الدمعة @user_55521 · 09-11-2007

هذي مشكلتنا في السعودية !!!! لو بيجي يركبها شايب إستغربوا !!! بينما بالدول الغربية شي عادي تركب أي نوع من السيارات ... حتى السيارات الرياضية تشوف شيبان راكبينها ... لكن هنا لو يركبها واحد أبو خمسين سنة ( نقدوا عليه ) هههههههه .... ولو يروح فيها لمناسبة أو عزيمة كان شرهوا عليه !!!! ألحين لو تشري لك سيكل وتدور بالحارة تسوي رياضة ويشوفك حدى الجيران كان راح يعلم الجيران يقول جارنا إنهبل مع إن بالنمسا كذا مرة شفت شايب وزوجته وولده وبنته كل واحد معه سيكل ويتمشون ولا أحد جايب خبرهم !!!! والله حنا شعب غريب صحيح ...

OIIIIIIIO @user_49599 · 06-11-2007

نحن معقدين ونحب نعقد الامور يا اخي ايش فيها إذا واحد عمره 70 سنة وساق اف جى وإلا لمبرغيني عيب و إلا حرام و إلا ماذا ... صراحة إنت اليوم سنك مثلا 25-30 وتحب تركب هذة الفيئة من السيارات ترى بتمتد معك الشغلة إلى ما لا نهاية يعني نشوف في الغرب ناس اعمارها فوق الستين و يركب دراجة نارية وعلى فكرة فية رالي في الامارات كان من المتسابقين رئيس وزراء دولة وكان يقود شاحنة وانا اهديك هالصور :-

متألق @user_46630 · 06-11-2007

تصدقون يا جماعة كنت قبل يومين عند راعي مكتب عقار شايب بطراااااان عمره لا يقل عن 65 سنة ومع ذلك سيارته fj كروزر لون بيج ويقول لنا: السيارة زينة بس ما فيها ثلاجة عشان احط فيها الادوية ويمكن ما تجلس معه ويبيعها بعد !!!!

عاشق Fj @user_65172 · 06-11-2007

حتي الجيب البورش اعرف واحد بالثنوي عنده واحد
يا اخوان السيارة لك وللزمن ماعليك من يركبها او يسوقها صغار او كبار اهم شي اقتناعك في السيارة مهما قالوا الناس

mnsalmns @user_37178 صاحب الموضوع · 04-11-2007

أفااااا

أجل السيارة طاحو فيها العيال الصغار بس؟؟؟؟

شكلنا أجل بنشيلها من القائمة .....

خسارة ..كان عاجبني شكلها بس ماودي اشتري سيارة حقت عيال ثانوي ....

KOL-AL7OB @user_28723 · 02-11-2007

أحلى على شباب

من المراهقة إلى 35 بالكثير

لكن الوالد يفكر يأخذ وحدة

والي يقول مايصلح للحريم

ما شاف

طـــــــــاش مـــــــــا طــــــــاش

|1|

والسلام عليكم

أبـوأسـد @user_15810 · 02-11-2007

D

Daylight

الفئة العمرية حسب منظوري الشخصي تتراوح بين 18-35

بس أعتقد ان هذه السيارة ما ينفع تركب فيها الحريم أبدا.. للأسباب التالية
1- شكل السيارة ملفت جدا والغيورين على أهلهم لا يسمحون بذلك أبدا.
2- الولوج الى السيارة في الصف الثاني "متعب".

ملاحظة: أنا من المعجبين بهذه السيارة من زمااان.. أي قبل ان تبدأ عملية بيعها حتى في الولايات المتحدة.. وسلام خاص لأبو أسد :D

^^^

:D

الله يسلمك أخوي Daylight

ذكرتنا بأيامنا الماضية ههههههههه

فعلا أنا أتفق معك أشوف أغلبهم من الشباب أو الي توه متزوج مثلا والي عنده عائلة صغيرة لا يتجاوز أفرادها مثلا 5 أشخاص

لأني ذاك اليوم عند وكالة تويوتا عند أحد المندوبين يقولي عندنا واحد جاي شاري لولده سيارة وفلقني ليش ما بعد جت عمره 19 سنة ماشاء الله عليه

فعلا السيارة أشوفها مستهدفة الشباب :) أغلب شيء

وأتفق معك أخوي في عيوب السيارة من ناحية العيب الثاني :D بنسبة لي الرجال عادي بس الأهل بصراحة صعبة لأن طريقة الركوب فيه شوي ضيقة :rolleyes: مو مثل السيارة أم 4 أبواب سهل الركوب فيها للجميع

أخوك أبــــــــــــوأســــــــــــد|3|

الخل الوفي @user_44434 · 01-11-2007

إهداء لعشاق الإف جي كروزر:

# OMAR # @user_7317 Banned · 01-11-2007

السيارة انتشرت بقوة عندنا بالجامعة ..
الى الان عندنا اربعة سيارات اف جي وجامعتنا ما فيها الا 800 طالب ..
وكثير طلاب حاجزين السيارة من رمضان وينتظرون وصولها ..
الملاحظ على السيارة انه رغم عدم ارتفاع سعرها الا انها تتواجد وبكثرة في الاحياء الراقية وهي تتكاثر بالخبر اكثر من الدمام دليل ان الناس يشوفونها شبابية وحقت رزة ..
امس حجزت واحد لون بيج بس عساهم ما يجيبونه الا بعد شهرين لان الفلوس مهيب جاهزة :D

Daylight @user_10357 J A P A N · 01-11-2007

الفئة العمرية حسب منظوري الشخصي تتراوح بين 18-35

بس أعتقد ان هذه السيارة ما ينفع تركب فيها الحريم أبدا.. للأسباب التالية
1- شكل السيارة ملفت جدا والغيورين على أهلهم لا يسمحون بذلك أبدا.
2- الولوج الى السيارة في الصف الثاني "متعب".

ملاحظة: أنا من المعجبين بهذه السيارة من زمااان.. أي قبل ان تبدأ عملية بيعها حتى في الولايات المتحدة.. وسلام خاص لأبو أسد :D

C300-SRT8 @user_24687 · 01-11-2007

عادي الكايتن "سامي الجابر" شوف كم عمره معاه واحد لونه ازرق وانا شايفه بنفسي

vector @user_39432 · 01-11-2007

صراحه انا اعرف 2 معهم fj واحد بثالث ثانوي والثاني بالجامعه

وماعمري شفته مع احد ثلاثيني العمر وفوق

وفعلا بعد ماجربته حسيت انه شبابي وبقوه |1|

عابر البيد @user_12635 · 01-11-2007

هلا بك اخوي ..

انا شفت السيارة على الطبيعة .. وشفت كذا واحد يسوقها فوق 25 سنة الى حدود 40 .. يمكن ماتناسب شخص تعدى 45 سنة في مجتمعنا .. وطبعا اكيد ماتناسبني لاني شايب ..;) بس والله ودي اسوقها واللي يصير يصير ..:D .. وفي الحقيقة ماشفت مراهقين يسوقونها الى الان .. والسيارة فعلا شبابية الى حد كبير جدا ولاتصلح للعوائل حتى لو كان شخص وزوجته فقط .. هذي وجهة نظر فقط لا اكثر ..
اما من ناحية سعر البيع يمسك ولا لا .؟ فاعتقد ان الوقت مبكر جدا للحكم في هذا الامر ..

تقبل تحياتي ..