إذا كنت تحب الباترول فأنت تكره اللاند كروزر.!! والعكس صحيح!!

KhaledALZahrani @user_28872 · 12-11-2007

السلام عليكم

إن المتأمل لما يدور في عالم السيارات وخاصة في هذا المنتدى..

ليرى العجب العجاب من بعض الأعضاء والأحباب<<وش رايكم!!

فترى الموضوع الذي تعب فيه العضو لإنزاله في المنتدى..

يتكلم عن شيء .. وبعض الردود عن شيء آخر...
وبالمثال يتضح المقال...

طرح الأخ جدة بوي موضوع عن التاهو وانه يفتح آفاق...

فتشوف بعض الشباب<<خربها الفصيح..

يرد بردود لا تمت للموضوع بصلة..

اللي يقول يتهربد والللي ماني عارف ايش..

بغض النظر عن كون الكلام الموجود في الرد صحيح أو خاطيء...

فإن الموضوع ما وضعه أبو الشباب عشان تبين رايك في السيارة..

وتسبسب فيها...

وإنما لتعلّق على الخبر أو تتناقش في أسباب إختيار الشركة للسيارة..

والأمثلة وااجد لكن واحد يكفينا..

وإن كنت تريد طرح وجهة نظرك عليك بزر موضوع جديد..

وحط اللي في راسك وبين ليش اخترت الفكرة هذي وتركت غيرها...

نقطة أخرى حبيت أتكلم عنها وهي اختيار السيارة المناسبة...

فيطرح واحد من الشباب موضوع عن أي السيارتين أفضل..

فتجد بعض الردود الجافة اللي مالها معنى...

وبالمثال يتضح المقال<<تراك أشغلتنا...

1- التاهو أحسن من الأرمادا ما يبي لها كلام..
2-الأرمادا وبسسسسسس..
3- أصلا ما في مقارنة..

والقائمة تطول بمثل هذه الردوود التي لا تسمن ولا تغني من جوع.

والمفروض أن يبين السائل عن السيارة..
الأشياء التي تعتبر عنده على رأس الأولويات والإهتمامات..

وبالمثال يتضح المقال<<والله الدكتور في الجامعة عادها لين حفظتها وش أسوي..!!
مثال على الأولويات:
1- السعر يكون مناسب.
2-الراحة.
3-الإتساع لسبعة أشخاص بالغين.
وغيرها..

في هذه الحالة نستطيع إبداء الرأي في السيارة المناسبة للشخص.

((استطراد)):
يقول لي أحد ملاك الإبل أنه سأل عن سيارة مناسبة له..
فأشار له البعض بالتاهو الدبل..
فما أكمل 4 أشهر إلا ولحية الصدام طايحة والسيارة تصرصر..

ليششششش؟

لأنها غير معدة للإستخدام الشاق وإنما داخل المدينة..

فباع التاهو و اشترى لاند كروزر..وانتهت القصة

!! لا يفهم من إيراد القصة الترويج لبعض السلع وإنما التدليل
على أهمية توافق السيارة مع متطلبات الشخص !!

والعكس صحيح...

في النهاية آسف على الإطالة .. وقد أطلت..

ولكن هذا الكلام أشوفه يوميا ويقهرني صراحة..

فحبيت أنبه عليه...

وتراني أحب السيارات كلها..ما تفرق عندي...

بس اللاند كروزر أحسن من الباترول.. ما يبي لها كلام..<<خربها الأخ

سلام|3|

drive @user_66424 · 26-11-2009

s

sameer_1798

تصدق أني أحب الاند وأحب الباترول
وأيضاً أكرهم كلهم .:xyxwave:
فيها مميزات وفيها عيوب
أقرب شيء إلى قلبي الهايلكس الدفرنيسن 2005 وتحت .... لكن أيضاً فيه عيوب
الله يكون في العون مافيه شيء كامل إلا وجه سبحانه .:c0038:
وهذه صحيح دنيا ... نسأل الله أن يعطينا خير السيارات ويكفينا شرها .

ما شاء الله عليك
طبيت بس من الموضوع
وحتى الظاهر ما قرأت الموضوع (باين من ردك)
وحتى التاريخ ما دققت فيه

الله يهديك ويصلحك

sameer_1798 @user_42446 · 26-11-2009

تصدق أني أحب الاند وأحب الباترول
وأيضاً أكرهم كلهم .:xyxwave:
فيها مميزات وفيها عيوب
أقرب شيء إلى قلبي الهايلكس الدفرنيسن 2005 وتحت .... لكن أيضاً فيه عيوب
الله يكون في العون مافيه شيء كامل إلا وجه سبحانه .:c0038:
وهذه صحيح دنيا ... نسأل الله أن يعطينا خير السيارات ويكفينا شرها .

عميد الطائف @user_3293 · 06-12-2008

وعليكم السلام ورحمة الله...

موضوع صائب ويحكي الحال فعلاً.... مشكلة نعاني منها جميعاً بين ملاك السيارات المتنافسة... (ولا نقول بين محبيها) بل بين ملاكها لأن الكثير هنا يدافع عن السيارة (بدون طائل) لمجرد امتلاكه لها..!
نريد مناقشات... ومشاركات واعية... ونظرة فاحصة للنصف الممتلئ من الكأس قبل النصف الفارغ...

على كل حال أشكرك على الموضوع الجميل... وتحياتي لك...

(يستحق الرفع)

4800 VTC @user_53538 · 14-11-2007

والله كلامك في الصميم
الله يعطيك العافيه

KhaledALZahrani @user_28872 صاحب الموضوع · 14-11-2007

مشكورين على المرور والتعليق..

والله أثلجتوا صدري بردودكم الحلوة..

الله يعطيكم العافية.

mr.magna1 @user_52733 · 13-11-2007

والله اش اقول اكثر من اللي قلت
فعلا شي يقهر اخي العزيز انه نشوف تعصب بصراحة
انا حتى اكون صريح مالي ميول تجاه سيارات تيوتا لاسباب اراها مثل ماذكرها الاخوان مسالة قناعة
والا ماكان اختلفت الشعارات والاشكال والقوى والتحمل والاداء في السيارات
ان كانت ماتعجبني سيارة اذكر رايي فيها بكل صراحة من غير تجريح واجيب دليل مثلا يدعم كلامي
ولكن في نفس الوقت مااخذ كل الاراء المعارضة لي على انها تعصب
يعني لما فلان يقول السيارة الفلانية سيئة في نظري ولا ماتعجبني
لايزعل الشخص الثاني ويحسبها على انها تعصب انما هي راي وقناعة وشطارة الشخص الاخير هي في اقناع صديقه بعكس رايه
واسف على الاطالة ومشكور مرة ثانية

مونامور @user_49837 · 13-11-2007

والله اخوي كلامك في الصميم
وكل الكلام الي قلته صح & صح
وتسلم لي على الموضوع الصح

أبـوأسـد @user_15810 · 13-11-2007

للآسف أخوي كلامك صحيح

بعض الناس يفتقر إلى الحيادية :)

drive @user_66424 · 13-11-2007

انا معاك في الشئ هذا

وفيه ناس تدخل الموضوع تبي تمدح سيارتها حتى لو كان الموضوع عن شئ ثاني

مثل اللي يدخل قسم الورشة يقول سيارتي كرسيدا موديل 80 وتسخن
تحصل بعض الردود مالها داعي مثل (( بعها وافتك منها ..... قديمة وش تبي فيها للحين...... بعها وخذ لك لاند ب 200 الف تراه رخيص ...... )) ومن هالردود اللي مالها علاقة بالموضوع ولا تفيد القارئ ولا صاحب الموضوع

وفيه شئ ثاني وهو الغبن للناس في اموالهم
مثل اللي يقول شري سياره ب 55 الف ..... ويردوا عليه الاعضاء الكرام (( غاليه.. انا شايف واحدة مثلها ب 45 الف ))

وغيرها من المشاركات اللي مالها داعي وانا من رأيي ان الادارة لها علاقة في هذا الشئ ومفروض تتدخل

مثل مواضيع الشورى لاشخاص يسألوا (( ايهما افضل تريل بليزر ولا اكسبلورر))
وتحصل الاخ ناط وتاعب نفسه وكاتب (( اليوكون احسن من اثنينهم)) اكيد 140 الف ازين من 90 الف
لكن هل راح تدفع الفرق للعضو؟؟؟ ولا تزويد مشاركات بكلام فاضي !!!!!!!!!!!

Genius_m @user_33175 · 12-11-2007

ياهووووووووووووووه من قدك قاموا يمدحون فيك.......................................:D

كلامك اخوي واقع واشوثع تقريبا في كل مواضيع المنتدى...........حتى الموضوع هذا :D

تحيااااااااتي

عمر بن محمد @user_53583 · 12-11-2007

و الله أنك ملك

موضوع في الصميم ,, أتمنا ان يكون تفكير الناس في المستوى هذا ,,,,,,,,,,,,

ثبت يا مشرفنا الغالي صالح .................. تكفي عشنا الناس تقراء و تستفيد

تحياتي

ابو محمد

نجران @user_66164 · 12-11-2007

مشكور اخوي على الموضوع __ وتراك وخرت هم عني كبير من ناحية التفاخر بالسيارات المهم
كل واحد يفخر بسيارته لازم هذا شي واقعي لكن لابد من الاعتراف بالسياره الافضل تراني من عشاق اللاند مع تحياتي للجميع والمعذره والسموحه على كل حال

أحمد الدهمشي @user_29709 · 12-11-2007

وعليكم السلام ورحمة الله وبركاته

ما شاء الله عليك طرح راقي جدا
المشكلة انك عندما تبين عيوب بعض السيارات
يعتبرها البعض اسائة له
ويعتبر أن سيارته الأفضل بكل النواحي وهذا مستحيل

والله ما قصرت وأنت تستاهل التقدير
تحيااااتي .,

سلطان الدمام @user_39993 · 12-11-2007

انا معاك في كلمه قلتها وصح لسانك

اضيف لك مثلا :::

واحد من الشباب كان متعصب الباترول لفتره طويله وكل ماقلنا غير نوعيه السياره يقول ابد مافي الاالباترول

المهم هربد الباترول واشترى لاند 2005
وغير كل المدح اللي كان يقوله عن الباترول طبعا الرجال كانت رجله حاره على الموتر شوي

واكتشف فى الاند قله صرف البنزين بالنسبه للبابترول

ومتماسكه افضل من الثانيه

ومره ثانيه اشكرك على موضوعك

ARMADAWOW @user_39776 · 12-11-2007

كلامك معقول ومنطقي جداو ملاحضاتك كلها في محلها

فعلا كل شخص ينصح على هواه وميوله وهذا الشي غلط

سلامي

atlantis @user_32402 · 12-11-2007

مشكور على الموضوع

لكن الي يبغي يقول اي شي في خاطره يقوله لكن بدون ما يجرح الاخرين

يعني مثلا لو تهجم مثلا على سياره مافيها شي لان السياره في النهايه هي حديده

واهم شي هو القناعه

يعني اذا انت مقتنع بالسياره ماعليك من الكلام الي ينقال عنها

وما في شي في العالم يرضي الناس كلهم

يعني احنا عارفين هالشي من زمان من ايام ابونا ادم عليه السلام والاختلاف بيننا

اختلاف الناس في الماضي والحاظر والمستقبل

شكلي مصختها في التفلسف هههه
,,

المهم يضل النيسان هو الافضل بالنسبه لي ,, وسيضل النيسان صديق للانسان ,,,ههههه

تحياتي

RR1000 @user_16244 · 12-11-2007

البعض عندما يملك سيارة يضن إنها الأفضل والسيارات الأخرى سيئة مررررررررررررره
وأنا عندي قاعدة ان لك سيارة عيوب ومزايا ؟؟؟؟وإلا كان كلنا نشتري اي سيارة لانها نفس العيوب ونفس المواصفات والمزايا والمشكلة التعصب (ليششششششششششششششش)
البعض يشتري واهم شيء عنده السيارة تتحمل والأخر يشتري يبي شيء مريح والمشكلة لا تسبعد انك تتكلم عن التاهو ويجيك واحد يقول لك الشاص اقوى (يعني وش العلاقة اللي بينهم) المهم يبي يرد وبس ...
والبعض يشتري يبي مواصفات سلامة عالية في السيارة ويجيك واحد يقول له سعرها ينزل وما لها قيمة بعد البيع ... بينما هو يرغب بمواصفات سلامة معينه ويجيك واحد يقول له والله ما تجيب سعر ليش عشان في ناس عندنا وللأسف تنقل كلام ما تدري عن صحته بس سمعنا ؟؟؟؟ يقولون ... صديق اخو ابوي قل عمي وريحنا المهم عنده نفس النوع ومتبهدل معاها ... ولما تسأل ملاك السيارة الأصلين يقول لك لا ما فيها مشاكل وبالعكس ممتازة ... ومرة تكون عندك مشكلة في سيارتك تبي لها حل ويرد عليك واحد يقولك بالعكس يمكن ان الوحيد في العالم اللي عنده المشكلة بس ؟؟؟ وانت عد وأغلط عموما موضوع مميز وتشكر عليه وإنشاء الله الشباب يتعلمون كيفية الردود الدبلوماسية والمنطقية ذات المصداقية وعدم الإنحياز.:)

C300-SRT8 @user_24687 · 12-11-2007

كلامك عسل

انا اقول لاي عضو من حقك تمدح اي سيارة تحبها وتكتب عنها لكن ليس من حقك التعدي على سيارة اخرى لاتعجبك والتهجم عليها او مقارنتها بسيارة اخرى الا في حالة طلب راييك ولكن دون تعدي الخطوط الحمراء
وللاسف فيه الكثير مانلاحظ اسم جديد في المنتدى له مشاركة او مشاركتين
ينزل موضوع معاناتي مع السيارة ........ او فيه عيب خطير في السياة ...........
ولايوجد مايثبت صحة كلامة وانا اناشد ادارة المنتدى اذا لم ياتي العضو بما يثبت كلامة فسيحذف الموضوع

واما حكاية المقارنات فللاسف الي يحب يستفسر عن سيارة معينه يطلع من هنا تايه كل واحد يمدح بضاعته بتعصب اعمى وبدون ذكر المبررات

عموما موضوع جيد ومهم لجميع الاعضاء

عابر البيد @user_12635 · 12-11-2007

وعليكم السلام ورحمة الله وبركاته:

بيض الله وجهك .. وكلامك هذا ودي اقوله من زمان بس سبقتني .. فعلا ممكن تحط موضوع عن قدرات سيارة وتحب تسمع النقاش حولها ويجيك واحد خاش عرض ويسحب لك سيارة من تويوتا وسيارة من نيسان او جي ام سي او غيرها ويخليك تندم انك كتبت موضوع ويطلع موضوعك مايسوى .. اعتقد التعصب من الجهالة وهذا يخليهم يفقدون عقولهم لانه مايبغى يسمع ولا يقرا ولا يشوف غير السيارة اللي يحبها ..

تحياتي ..