كرايسلر جراند فوياجر ليمتد ..للعائلة ... رايكم ..

تم إغلاق الموضوع

الي يقول الفان مو راسي في الخط انا معك بس في سياره عن سياره تفرق الهوندا اودسي سياره معروفه في الخط

اخوي ابعد عن الفان كله سيارة غير راسية بالخط
خذلك اكسبدشن ولا اي سيارة كروس اوفر

شوف ياشيخ وقت الفان انتهى اكثر الشركات وقفة تصنيع الفان لانهم ادركو انه ليس له مستقبل واعطيك بعض السيارة الي وقفوها فورد فري ستار ووند ستار شفروليه ابلاندر واتذكر ان كان في فان دوج وقفوه يعني الفان غير متعدد الاستخدام عكس التاهو اليوكن الكسبدشن اسكاليد باترول موهافي وسنتافي يعني تبيه بر يصير وعائلي يصير وسفر يصير وشكله حلو ومتناسق وطعوس يصير وهو رياضي اصل من اسمه suvحرف sيرمز الى السبورت وحرف uالى متعدد وحرف vيرمز الى سيارة يعني سيارة رياضية متعددة الاستخدام

واذا تبغى فان قوية 100الف وستاندر بعد وقطع كرايسلر نيران تشوي وغير متوفرة ووكيلها سيء جدا انصحك ب الكيا كارنفال سعره ارخص من 100الف وكبيروسيع او الهوندا اوديسي بصراحة هذا الفان:wink:مجرم بصدق رهيب وممتاز جدا وانا اعتبره افضل فان في العالم

انصحك بي هوندا اودسي مافي منها واسئلني مجربين موديلتها من 2002 الى 2011 سيارتنا المحبوبه في العيله والله سيااااره جباااره

+++++++++++++++++++1

180 ومحتار !!!!!!!!!

وصفني بيتك خلني اتفاهم معك :a1120(82):

انا لو عندي 180 شريت بها ارض في نمار :a1120(86):

:bigggrin:


وبعدين الـ 180 تجيب لك سيارتين عائيلية ومعها بريفيا هدية :bigggrin: وش محيرك الله يطول بعمرك :c0214:

كرايزلر للفخامة عنوان وانا لقيت كذا سيارة كرايزلر ولكن والله محتار ودي اشتريها من نظافتها موديل 2002 الى 2004 وخايف السواق يجيب العيد فيني .. لو خربت اكيد باخذ فرشتي ومخدتي وعلى اقرب ورشة
اما الانسان المقتدر ماعنده مشكلة يدخلها وكالة وخلال يومين ثلاثة وهي طالعه بمبلغ وقدره ( ... ) وانا شخصيا لو اقدر على صيانتها وعلى اي وكالة بغض النضر عن انها وكالة دوج كان اي سيارة ممكن اخذها وادخلها وكالة للصيانة ماعندي مشكلة .. لكن ذوي الدخل المحدود لا يتهورون وراهم تصفية حساب نهاية كل شهر :smilie16:

بالنسبة لك سلمك الله .. لو تسالني شخصيا وش اخذ سيارة لو معي هالمبلغ ؟؟؟؟
اقول لك (( هوندا أوديسي )) بدون نقاش
اكثر تحمل ورفاهيه وقوة بالخط وصبورة
صحيح قطعها نار لكن ما تطلب كثير وتتحمل اقصى درجات الحرارة موب مثل البلاندر الامريكي او الدوج او الفورد

بالنسبة للبريفيا تويوتا حلوه ولكن تفتقر للفخامة والراحة المرجوة
الهونداي H1 ==> جدا حلو ولكن ماعندي علم عنه غير انه ماسك سعره بالسوق وعليه طلب فاحش :bigggrin:

وموفق ان شالله .. ربي ييسر امرك وامري وينور لنا دروبنا ويكتب لي ولك الخير

اخي الكريم ليش الحيره

اولا بالنسبه للوكيل اعتقد اني احد اكثر الناس خبره فيه

اعشق سياراتهم بس والله انهم نصابين وما عندهم مصداقيه وبالغالبيه لا يحترمون الزبون ابدا وخدمات ما بعد البيع لديهم سيئه بشكل غير معقول

وهذا السبب اللي مخليني اصلح سيارتي بنفسي

بالنسبه لسيارات كرايسلر ودوج وجيب هي سيارات اعتماديه وجيده ومثلها مثل باقي السيارات لكن اللي مخلي الناس تهرب منها انه لو حصل فيها اي خلل واخذتها للوكيل ما عرف يصلحها او يقول لك صلحتها وهو والله ما لمسها بعطيك مثال

طرمبة الماء عندي كان تهرب ماء قلت لهم افحصوا السياره وانا اعرف مكان الخلل واقدر ابدله بس قلت خلني اتاكد

طلعوا لي تقرير يقول السياره مافيها اي خلل ابدا وعمود الكرنك يبغاله تغيير رمان بلي


مثل الدكتور اللي يحصل مشكله بيدك اليمين يقوم يسوي عمليه بيدك اليسار



بالميزانيه اللي عندك

نصيحه لوجه الله انك تتجه الى سيارات الاس يو في عندك التاهو عندك الاكسبلورر يوكن ارمادا برادو قراند شيروكي كوماندر باترول فورتشنر اكسبدشن وغيرها وجميع هذه السيارات اللي ذكرتها هي اعتماديه وقويه ومريحه وسريعه واسعارها تتراوح من 108 الاف الى 180 الف وانت اللي تختار


بالاول وقبل الاخير

الاستخاره

استخير الله ووالله ان ربك ما يضيعك


وبالتوفيق اخي الكريم

أخوي ليه تتخصب على الكرايسلر

أنا اللي أعرفه إن فانات الدودج والكرايسلر خرد تخرب على طول

قريب لي اشترى فان دودج أظن انه موديل 97 مستعمل

المسكين دفع قيمته في التصليح وباعه وافتك منه


بصراحة 180ألف على فان كثيرة


أنصحك وبقوة بالهوندا أوديسي سعره 113 ألف والكل يمدحه

قولي من قول اخوي القمر المديني ..... لاسيما وميزانيتك تتحمل

بصراحة ... حيرتوني وخوفتوني من السيارة ...

بس ودي اعرف رايكم في الوكيل ...

الله يعافيكم جميعا ... فردا فردا ...

بس لاحظت ان الغالبيه يمدحون شركه كرايسلر ... ولكن يذمون سياراتها الفان ...

اتمنى تعطونا رايكم .. بالوكيل الشركه المتحدة للسيارات ... الصيانه وسعر قطع الفغيار ...

مشكورين على المواضيع

والله اخوي مع السواق اوديسي
وسواقنا سواقته زي خشته صراحه :D بس ماصار شي للسياره

لكن نصيحه اذا 5 اشخاص لا تاحذ فان

احنا بعد ماخوي طلع سياره شكلنا بنبيع الفان ونشتري سيدان لان صاروا 4 كلهم

واذا على الـ 180 وتبي فان عندك كل الفانات تقولك الزين وش ذا الفان اللي بيعدي 170

بس اخوي مافكرت تاخذ سيدان

يعني 200c انفينيتي M او شغلات بهالحدود >> يقنع ابوه ياخذ وحده من ذولي عشان اخر الاسبوع تتصادر :D

بس نصحيه ابعد عن الفان انا الفان اللي اعندنا لو مابعوه انا بروح ارميح بالتشليح ونفتك من هالفان

ياخي الكريم الكرايسلر جراند فويجر مثلها مثل سيارات كرايسلر قمه في الاداء والاناقه والراحه ومتعة القياده فيها والجلسه تنكاد لاتوصف

لكن المشكله انه ناس مشت معاهم وناس بكو منها من مشاكلها

انا اعرف شخصيا 3 لديهم واحد فيها شراها الفل وخذها عن قناعه تامه لكن ما وصلت معه 40000 الا المشاكل الي ما تعرف من فين طلعت وباعها بعد سنه استخدام بنصف الثمن خساره
اعرف ناس ثانيه ماشاء الله تبارك الله ماشيه معهم مثل الساعه ومبسوطين منها ومن موديل اعتقد 98
المشكله انه احس الفانات العائليه هذه اكثر سيارات مشاكل على مستوى شركاتهم حتى تويوتا بريفيا قريب لي عنده وسارت مشله قد يكون لانها في الغالب مع سواقين ماادري
لكن انا شخصيا اشوف تاخذ افضل الموجود فيهم وهي تويوتا بريفيا الفل منها انيقه ورائعه ولو اني اتمنى انك تغير من وجهتك نحو SUV مثل الارمادا والاكسبدشنEL واليوكن XL لانه هذه السيارات اكثر متانه واكثر تحمل واكثر راحه في الطرق الطويله
وربنا يكتب لك الخير ولاتنى الخيره واسف على الاطاله

لاتزعلني اخ فري زون
كرايسلر هذي اقل مايقال عنها انها طيارة تمشي على الارض
عند الوالد 97 روعة وجمال وقوة واداء وكل شي فيها
رحنا لغاية مدينة اسنتبول التركية مرتين من مدينة الطائف
ولاقالت شي ابدا
لعلمك اخذت المركز الاول لثلاث سنوات متتالية كافضل سيارة عائلية في العالم وفي امريكا خصوصا
وطبعا من بعد الفين اصبحت اكثر تطورا وقوة ومتانة
مع كبرها لكن كانك تسوق سيارة صغيرة
ان شاء الله ماراح تندم لو اشتريتها اخي العزيز
اسف على الاطالة

اذا ما عندك الا 5 اشخاص لا تاخذ سيارة عائلية .. خذ لك سيدان او جيب صغير ..
عموما اذا كنت تبي فان فقدامك هذه الخيارات والافضلية حسب الترتيب :
هوندا اوديسي : محرك ستة سلندر 3.5 لتر بقوة 250 حصان ودفع خلفي وسعرها فل اوبشن حوالي 115 الف ريال ..
مرسيدس فيانو : تتوفر بعدة محركات اختر اللي يناسبك منها .. ميزة هذه السيارة ان سعرها يبدأ من 110 الاف الى 300 الف ريال وتستطيع ان تطلبها من الوكيل بأي مواصفات تبيها ..
كيا كارنيفال : سيارة ممتازة و لكنها اقل جودة من المرسيدس والهوندا طبعا ولكن ان كان فارق السعر يهمك تبدأ من السبعينات وتنتهي بالتسعينات ..

اما اذا بغيت سيدان وبالسعر اللي وضعته فانا انصحك بزيارة هذا الموضوع :
http://www.assayyarat.com/forums/showthread.php?t=105024

ماشاء الله 180 ألف ومحتار بين سيارات حجمها صغير .. كلمة عائلية مقرونة بسيارات ذات حجم كبير

معظم السيارات من مختلف الشركات بالمواصفات الكاملة تحت اختيارك

إذا تبي عائلي خذ الانفنتي بمختلف أشكالها وأحجامها وأسعارها تدور حول مبلغك .. فخامة ومواصفات وقوة محرك .. واعتمادية