بما ان الموضوع عن المتحدة فأنا عندي الكثيييييييير
والله العظيم لا شفت ولا سمعت عن نصابيين وحراميا مثل المتحدة من قطع وصيانة نا هيك عن التعامل اوسخ تعامل ممكن تحصل عليه من اي شركة، لمن تروح الوكالة مثلك مثل السواق بدون أي احترام ولا تعامل حسن
أنا معايا كرايسلر M300 موديل 2003 فئة الاسبيشل (أخر دفعة في 2003 من هذا المديل).ودائما في كل صيانة (فرع جدة) تحصل مشكلة وياريت يصلحو السيارة بشكل صحيح ألا ترجع لهم مرة واثنين ووو...
وفي كل مرة عاد يطلعولك خراب جديد ومبلغ جديد، أخر مرة دفعت صيانة مع تغيير ثلاجة المكيف وهوبات مبلغ فوق التسعة الاف ريال بعد الخصم!!! والى الان لم يقومو بتصليح السيارة بشكل صحيح مع اني محافظ على السيارة (فقط قطعت 65000 كلم) من وقت ما أخذتها وكل الصيانة في الوكالة.
مدير الصيانة مو زفت اوسخ من الزفت اسمه جمال تخيلو ايش يقول (احنا غير مسؤلين عن سيارتك ولا الاضرار اللي تحدث لها داخل الشركة يعني لو قمنا بتجربة السيارة وبوشت علينا احنا غير مسؤولين عن خرابها!!!!!) بالله هذا كلام مدير عام الصيانةّ!! والله ما سمعت هذا الكلام في ورشة في الصناعية.
السيارة مرة فوق الروعة بس كثرة الخرابات مع اني محافظ عليها. نقول مو مشكلة بس ليش ياخذو زي كدا مبالغ يعني صيانة زفت وفهمنا كمان حرامية وقلة أدب؟ انا بصراحة مو عارف ويش اقول
لكن الحل الوحيد اللي اتخذتو هو انك تدخل هذه الصيانة غير محترم حتى تطلع من عندهم محترم والله وهذا احيانا اشوفو انو ينفع معاهم بعض الاحيان لانو الظاهر ان الموظفين تبلدو من كثرة السب والشتم فيهم
