السلام عليكم ورحمة الله وبركاته
انا جدا محتار مابين هالسيارتين وانا افكر في الاربع سلندر لان فلوسي مش كثيره
رحت شفت الهوندا الاسبوع الي فات بصراحه حلوه كثير بس احسها غاليه وانا ناوي اشتري بنظام الايجار سعر السيارة بالكاش 76500 .دفعه اولى ب 11250 و القسط ب 1403 ودفعه اخيره بعد ب 19125 ومجموع سعرها يطلع 114555 ريال سعودي !!! لمدة 60 شهر او 5 سنوات. اما اذا دفعت دفعه اولى ب 20.000 بيطلع القسط 1200 ومواصفات السيارة هي الفئة السياحية lx ولكن قير اوتماتيك وبدون جنوط .
اما السوبارو الليجاسي الاربعه سلندر موديل 2007 الفئه العادية قير اوتماتيك ب 73000 طبعا سألت عن نظام الايجار وقالي لازم تدفع دفعه اولى اجباريه ماتقل عن 7300 وبدون دفعه اخيره والقسط الشهري بيطلع علي 1601 لمدة 5 سنوات. ومواصفات السيارة كثيره بصراحه مثل مثبت السرعه , جنوط , كشافات ضباب , لمبات في المرايات الجانبيه , مسجل ب 6 اسطوانات ومشغل MP3 و WMV وغيرها الكثير. يعني تفرق عن الفل بس في شيئين الفتحه والجلد . وسألته عن موديل 2008 وقالي موجوده في الميناء ولسه مانعرضت وراح يعرضوها بعد العيد على حسب كلامه وقال ان سعرها راح يزيد عن موديل 2007 ب 5 او 8 الاف . والمكينه راح تكون 2.5 بدل 2.0 مع اضافة بعض التخشيبات. لكن نسيت ماسألته عن سعر قطع الغيار و الصيانه.
اتمنى اني الاقي شي يخلصني من الحيره الي انا فيها لانه السيارتين بصراحه معروفين بالقوه والصناعه اليابنيه 100%. واتوقع ان سعر قطع الغيار متقاربه نوعا ما . وعلى فكره انا من سكان المنطقه الشرقيه.
تحياتي
