مشكله فى السياره؟ ارجو من اصحاب الكوامرى الدخول..

Suden Dithe @user_3276 · 10-01-2008

السلام عليكم ورحمة الله وبركاته
كيف حالكم ياشباب وكل سنه وانتم طيبين

انا عندى مشكله فى سيارتى كامرى 2006 GLI عاديه بدون جناح وفتحه
المهم انه يوم اصل الى سرعة 90 او 100 الدركسون ( الطاره) تنتفض تبدا الحاله هذى من سرعة 90 الى 130 تقول ان الكفرات ماهى مرصصه بصراحه استغربت
ومانى عارف وش المشكله واذا عديت سرعة 140 تروح النفضه تصير الطاره عاديه

مع انى وديتها للوكاله وقالوانه مافيها شى...:mad: وشرااايكم وانا بصراحه خايف اروح بها مشاوير

Suden Dithe @user_3276 صاحب الموضوع · 18-01-2008

مشكوريين يا اخوان على افادتكم الله يعطيكم العافيه

بس ما قلتوا لى وش نوع الترصيص اللى لازم اسويه
انا بصراحه مانى عارف شى فالسيارات وبصراحه الجه كل مالها تزيد

و عندى مشكله ثانيه ياخوانى
الا وهى انى بعض الاحيان اسيب السيارة واقفه فى المظله لمدة اسبوع او اسبوعين
والاحظ انه فيه مويه على البطاريه طالعه مانى عارف وش قصتها اعتقد انه فيها تسريب
او شى من هذا القبيل .... وش رايكم ياجماعه؟

بيلوت @user_69202 · 14-01-2008

اخوي بسيطه ان شاءالله
وحتى لو تروح مشوار عادي .
ويسمحون لي الاخوان اقول ان المشكله..
مع مرور الوقت وضرب المطبات وشوارعنا هذي
لازم تمسح الكفرات شوي شوي مع الجوانب وتسبب الرجه .

الحل تمشي حالك لين تغير الكفرات وبعدين رح عند ميزان يوزن لك الأذرعة وشوف النتيجة .
بس ركز علىالميزان ترى جدا جدا ضروري بعد تغيير الكفرات |1|

فني سيارات @user_8460 · 13-01-2008

الكفرات مش لازم تغيرها ولو تاخذ بنصيحه الاخ Stallion_1 بطريقة اكس هي الصحيحة
الخلفي يمين تجيبة امامي يسار و الخلفي يسار تبدله مع امامي يمين
و الترصيص الصحيح هو الي يخلي الرجه تروح وليس اي ترصيص وبعض لايضبط هذا الموضوع ويرجعه الى ضرورة تبديل الاطارات
نعم تبديل الاطارات يعطي نتيجه جيده ولكن ماذا تفعل اذا كانت جيدة او مقبوله

Stallion_1 @user_70742 · 13-01-2008

S

Suden Dithe

بس الكفرات لسه ما انمسحت ..

يعنى لازم اغيرها

انا قصدي تشيل الكفرات اللي ورا وتحطها قدام والعكس
مهوب تشتري جديدة:eek:

بلا حدود @user_24628 · 12-01-2008

ترصيص بكل تأكيد والشغله تافهه

Suden Dithe @user_3276 صاحب الموضوع · 12-01-2008

بس الكفرات لسه ما انمسحت ..

يعنى لازم اغيرها

Stallion_1 @user_70742 · 12-01-2008

بناء على تجربة:

(بدل الكفرات الأمامية مع الخلفية)

وإنشاء الله تروح الرجه

شرح البال @user_75732 · 12-01-2008

رصص الجنوط ونشاء الله ماعليها ولا عليك خوف ياخى العزيز

Suden Dithe @user_3276 صاحب الموضوع · 12-01-2008

مشكووورين يا اخووانى على الافاده وبالنسبه للكفرات لسه ماغيرتها وجنوطها جنوط الوكاله
الكفرات لسه ما انمسحت باقى لها شوى وتنمسح
طيب وش هو نوع الترصيص اللى اسويه للسياره

M.W4EVER @user_65403 · 10-01-2008

ترصيص بس روح للي يرصصون ارضي اذا انت من الرياض عندك العضيب وعندك المجد واليرموك
قاعد اذا كانت نفضه بين 80 لحد 130 تقريبا هذا ترصيص وتقبل تحياتي

عبدالرحمن2 @user_26717 · 10-01-2008

انا معي وحدة مثلك
لكن الكفرات والجنوط اللي مركبها حقت الوكاله ولا تجاريه؟
لكن اعتقد المشكلة ترصيص او وزنيه لكن اعتقد ترصيص اكثر لكن الترصيص انواع اللي عند البنشريه هذا خرطي يمكن يبي لك ترصيص نوع متطور اخر مدري وش اسمة تلقاه في محلات كبيره نسيت اسم الجهاز صراحة يرصص على سرعات عاليه

الكحلـــــــي @user_52948 · 10-01-2008

ماعليك خوف يالغالي سالفه ترصيص بس
ولو يكون ترصيص ارضي يكون افضل

ملينيوم @user_56435 · 10-01-2008

مثل ما قال لك عاشق العبارة ..

ماعليك خوف والحمدلله

عاشق العباره @user_27973 · 10-01-2008

سهالات ياخوي السالفه ترصيص ووزنيه

ودها لمحلات الوزنيه وهم يضبطونها لك

الشغله عاديه ماله داعي تخوف نفسك ..

مع التحيه اخوك عاشق العباره