تجربتي مع الجالنت 3.8 GTI

السلام عليكم

اول شي الــــــ1000 ـــــف مبروك السيارة والله يعطيك خيرها ويكفيك شرها
ثاني شي صراحه السيارة قمة الروعه والابداع لاني شفت موديل 2007 واكيد 2008 نفس الشكل صح؟
لان الصور يا [COLOR=blue]عاشق العباره ما تجيني لما اضغط على الرابط بتاع الصور يقول ERRORممكن تنزلها صور بدل الرابط؟[/COLOR]

الله يقويكم وييسر اموركم ......وكلنا منتظرين اجازاتكم علشان نشوف ابداعاتكم
تحيتي لك ولكل محبي ميتسوبيشي

الله يهنيكم بالحبتور
احنا في نادي ميتسوبيشي السعوديا عندن خطط جهنمية عشان نخلي العيسائي يستحي على وجهه وإن شاء الله خير لكن خلي فترة الاختبارات تعدي لأن الاعضاء مشغوليين

أهلا وسهلا بك اخي الكريم...
صراحة صدمتني بعدم وجود 6 سلندر في السعودية !!!
لأنه المفروض تنزل عندكم أول لأن السعودية بلد أكبر وشوارع أكثر من الأمارات يعني تحتاج سيارة
6 سلندر علشان تريحك في الطرق ....
وبعدين الأسعار خرافية ..
في الأمارات الستة سلندر بييجي موديلين ...1/1 جلد كامل ب 71 ألف درهم

1/2 قماش (مثل سيارتي )ب 65 ألف درهم
الأربعة سلندر تبدأمن 54 ألف و 59 ألف و64 ألف طبعا كلهم اتوماتيك
هذا غير عرض صيانة 50 ألف كلم وتأمين
وصراحة في الأمارات سوق الأنسر غطى عن الكورولا بالسعر والخدمات ...والجالنت حييجي له الدور ويغطي الكامري .....
نقطة أخيرة .....سألت المندوب سبب رخص الجالنت مع المميزات اللي فيها ؟؟؟
وجاوب انه سياسة الحبتور الجديدة بيع كثييير واربح قليييل وقدم خدمات ممتازة ...وبالفعل نجحت هذه السياسة بنشر ماركة الميتسوبيشي في الأمارات ........!طبعا بالأضافة لنزول عملة الدولار ساهم برخص الجالنت لأنها مصنوعة في الولايات المتحدة

تحيتي لك ................./

مبروك عليك السيارة الله يعطيك خيرها ويكفيك شرها
والله إنها سيارة
أنا جربت 4سلندر سيارة شركة
والله سيارة جبارة في تسارعها بالنسبة ل4سلندر ورشيقة
ولكن أهم شي فيها كانت راحتها فوق المطبات شي خرافي
والله ما أبالغ لمن أقول راحتها فوق المطبات زي الفورد كراون فيكتوريا
مرررررررررة ماتحس بالمطبات وأنا من جدة وماشاء الله شوارعها كل متر في 5-20-1000 مطب تقريبا
بعدين أخوي مقاعدها مريحة أنا طولي فوق 180 وكنت مرررررررررة مرتاح فيها
وللعلم وكيلنا الموقر في السعودية (العيسائي) ماحينزل ال6 سلندر أبدا لأن ال4 ما مشي مررة
طبعا الوكيل ماسوى دعاية ولا عروض ولا حاجة
يعني تحس انه مستني معجزة تحصل ويبدأ الناس يفكرو في الجالانت
مايبغى يسويلها أي شي
وبعدين أسعارها ال4 سلندر تبدأ عندنا من 66000 إلى 80400
بدون عروض وبدون صيانة مجانية

شكرا اخي عمر....الله يسلمك من كل شر
لاتحرمنا من تواجدك المميز دائما .............
يعطيك العافية

الزين
أبو هاني
أحب الكوري

شكرا لتواجدكم الرائع ..والله يحييكم وسلمتم من كل سوء
لا انحرم من تواجدكم الحلو .....
تحياتي لكم

سعدت بتواجدك وسررت باضافتك ....
بالفعل الصور واضحة وهي مثل سيارتي لكن دون جلد .....
الله يحييك ودمت اخا كريما .....
وصراحة الشكل للستة سلندر مميز جدا (بالنسبة لعشاق الميتسوبيشي فقط !!!)

شكرا على الأضافة .....وتسلم على تواجدك معنا يعطيك العافية وما ننحرم من طلتك المميزة

(حراام انه ماييجي أوتو صراحة القير ممتاز وتغييراته سلسة وممتازة)

بارك الله لك فيها

وكفاك شرها وأعطاك من خيرها

ماشاء الله تبارك الله
الله يعطيك خيرها ويكفيك شرها

سعرها ماشاء الله حلو

مبروك السيارة
وحقيقة السيارة رائعة وتستحق الاقتناء ويعطيك خيرها ويكفيك شرها ان شاء الله

اول شي مبرووك على الموتر ويعطيك خيره ويكفيك شرهه


وماعليك اللي يقولك مو حلووه والله ابرك من الكامري وهالخرابيط هذي


واختيار مووفق وانا اخوك وفعلاً احسنت الاختيار بـ 6 سلندر شكلها عجيب


وشفتها بمعرض الكويت الدولي وهذي بعض الصور لها بعد اذنك :








مع التحيه اخوكم عاشق العباره

^^^^^^^^^^
التسارع الرسمي 9 ثواني
تجارب المواقع أقل بقليل من 8 ثواني

تسارع ممتاز بالنسبة لعدد الأحصنة
على فكرة الستة سلندر الموجودة عندنا عادية مو مايفك

شكرا لمتابعتك وتواجدك المميز ....
صراحة ماجربت اشسجل بالظبط تسارع السيارة !!لكن حشوف وارد عليك ...
على العموم مسجل بكتالوج الجالنت ان تسارعها 9 ثواني !!!ويمكن تسارعها ضعيف مقارنة بالسيارات الأخرى ان وزنها أثقل ....لاتنسى ان السيارة مصنوعة في امريكا والسيارات هناك لها مواصفات مختلفة عن الياباني اللي بتميزبخفة وزنه وقوة محركاته
ولي عودة ان شاء الله بالنسبة لتسارعها للتأكيد

اهلا بك اخي منتصر ...
بالفعل السيارة تنقصها الكثير من المواصفات كوجود حساسات...شاشة ..زينون..
لكن اظن لو كان المواصفات كاملة سيكون سعرها مرتفع فالسيارة سعرها فقط 65 الف درهم يعني مثل سعر الكورولا 1.8 !!!!
بالنسبة للكراسي فهي مريحة لكن لاتناسب طويل القامة يعني لو طولك اكثر من 180 سم ما بتريحك

شكرا لمرورك

سبحان الله

لولا اختلاف الآراء لبارت السلع

بصراحة أنا أشوف إن أقبح سيارة 2008 الجالنت

بعدين ماكينتها مالها داعي

3.8 لتر بـ 258 حصان وتسارع 11 ثانية

الأوريون حجم ماكينتها أصغر وأقوى بكثييييييييييييييييييييييييييييييييييييييير
3.5 بـ 268 حصان بتسارع أقل من 5 ثواني


بس الشهادة لله في الأمان توب

متأكد هذا التسارع حق موترك الـ V6 :confused: ,, مع احترامي تسارع فاشل جداً ,, قريب جدا من مستوى السيارات الاربعه سلندر وقد تتفوق بعض سياارت الاربعه سلندر على هذا التسارع .

اخوي تأكد من التسارع لان الموتر 3800 سي سي و 260 حصان لازم يكون اقل من 7 ثواني ..

وسلام

يا رجائي الله يعطيك خيرها ويكفيك شرها وتسلم على الكلام الحلو بعيد عن التعصب وانا عن نفسي احترم شركت مستبيشي سياره عمليه وقويه جدا بس ماله الاعلانات عند الشباب وملاحضتي على الجالت اهو بس شكله وتحتاج الى بعض الموصفات واهي من القديم اشكاله متميزه وفيه حركات الله و الكل يشهد بقوتها بس ابي رايحك في راحه الجلوس كيف تشوفها