السلام عليكم
اسباب الانتشار برأيي الشخصي ورأي اكثر الناس الي سألتهم هي ::
1- اسم تويوتا وخصوصاً اسم اف جي كروزر . . تاريخ عريق جداً واسم له احترامه وهيبته بين سيارات الدفع الرباعي . . يكفي انه اسمه ( بو شنب )
ونتو عارفين ماهو الاف جي والي مو عارف يشوف هالفيديو للأفي جي موديل70 كيف يسحب همر H2 رغم ان وزن الهمر اكثر من ضعف وزنه |13|
http://fr.youtube.com/watch?v=fWfwn2D_Ek4
بو شنب كسر القواعد الفيزيائية يا جماعة
2- مكينة اقل ما يقال عنها انها جبارة . . وتصميم ميكانيكي ذو اعتماية عالية جداً يعني هالسيارة تخدم عشر سنين ولا تتعب والله يا جماعه
[COLOR=#800080]http://fr.youtube.com/watch?v=9koAALSihIk[/COLOR]
هذا فيديو للأف جي شوفو شلون يوصل من سرعة 0 لي 100 ب 6 ثواني فقط :eek:
3-قوة لا مثيل لها يعني تدش بر تدش بحر تدش شارع اي مكان وبالك مرتاح على قولة واحد امريكي : الاف جي يطير يسبح يغوص يمشي والي يبي يشوف العجايب يدش اليوتيوب ويكتب fj cruiser
4-تصميم خارجي كلاسيكي وعصري بنفس الوقت يعني فريد من نوعه
واستغرب من الشباب الي يقولون تقليد للهمر:confused:
يا جماعه الاف جي وجد قبل ان يوجد الهمر وعندما صنعوه جعلوه شبيهاً للاف جي القديم الي انقطع
http://www.can4x4.com/reviews/fj-cruiser/FJ-6-small.jpg
هذي صورة شوفوها عدل شوفو كيف يتشابه القديم مع الجديد
شوفو المقدمه والاضواء والشبك شوفو الغطا والفتحه الي فيه شوفو الابواب والمرايا شوفو التصميم ككل
حرام عليكم انكم تقولون هالسيارة تقليد للهمر وعلى فكرة لو تقول حق واحد من الكبار الي لحقو على الف جي القديم لو تقوله انه الجديد تقليد همر راح يضحك عليك وبيقولك انت ولد امس شفهمك بهالمواتر :rolleyes: <<<< يعني انا الي عمري 600 :D
5- تصميم داخلي روعه . . صحيح انه بلاستك لكن ترا كل السيارات بلاستيك بهالوقت . . ثاني شي الفل اوبشن صاير بلاستيك بس شكل معدن يعني يبين انه حديد . . حركه رائعه جداً . .اما الي اقل منه فيكون بلاستيك عادي بلون السيارة نفسها وهذا برأيي انه يعتمد عاللون . . يعني اذا موترك ازرق يكون داخله بلاستيك ازرق؟؟ اما اذا اسود او فضي او بيجي فيكون روعه
[COLOR=#800080]http://fr.youtube.com/watch?v=EWi3sg9bBwA&NR=1[/COLOR]
شوفو داخلية هالاف جي شلون ترا هالتلبيسه كلها على بعضها عندنا بالكويت 70 دينار يعني حاولي 800 ريال فقط
والشباب الي ينتقدون الاف جي تراكم على راسي واحترم رايكم
لكن انصحكم انكم تعيدون النظر بهالموتر تراكم ظالمينه
والي يبي خشب وشاشات وديكور وتدليع ترا عندنا بالكويت ما يكلف اكثر من 1000 دينار يعني 12000ريال سعودي تقريبا
الوكيل عندنا يركب خشب وديكور كامل بسعر ممتاز بالاضافة الي شاشة ديفيدي ونفيجيتر تركبها عند الوكيل (غير متأكد) لكن الاكيد انك تحصلها بقراجات خارجية باسعار ممتازه يعني على بعضه 1000 دينار اول 1500 بالكثير
انا قارنت بين
1- تويوتا اف جي كروزر
2-تويوتا فورتيونر
3-نيسان اكستيرا
4-نيسان باترول
5-همر اتش 2
6-جيب شيروكي سبورت
7-جيب رانجلر( اربع ابواب)
8-لاندكروزر lr2
9- شيفروليت بليزر
الهدف كان سيارة رائعة قوية جداً تنفع للكد والشغل والنقل وكان الهدف الثاني سيارة ادش فيها البر وشخط فيه شخط واطلع يعني ابي شي ما يغرز كنت ابي سيارة دفع رباعي لا يقف في طريقه شيئ
والهدف الثالث كان سيارة ذات شكل شبابي وتصميم جميل
بعد ما سألت الشباب بالدواوين والمنتديات وعقب ما شفت فيديوات بعيني وعقب ما طلبت قيادة تجريبية لجميع هذه السيارات . . كان افضل ثلاث سيارات هم الباترول والرانجلر والاف جي
طبعاً الرانلجر ثلاث اشخاص يملكونه ما مدحوه كلش قالو انه خفيف والهوا يلعب فيه لعب بالاضافة الى ارتفاع درجة حرارته بشكل يجعلك تكره شيئ اسمه سيارة
الهمر قالو انه سيارة فاشلة بكل المقاييس وضعيف وضخامة على الفاضي يعني اذا انت راعي بر لاتفكر فيه
اللاند كروزرlr2 قالو انه عيبه الدبل تماتيك يعني بالبر على كيفه يتحكم فساعات يفصل وساعات يشبك
فهالشي يخليه يغرز وايد اي لا يتوافر فيه عنصر الاعتمادية
