تخيل ان صيانة الوكاله تجيك لدوامك !! فعلا صارت

mnaief @user_35156 Banned · 23-03-2008

السلام عليكم ورحمة الله وبركاته

في وقت مانسمع فيه إلا عن السيارات ومشاكلها مع الوكلاء .. تخيل ان صيانة الوكاله تجيك بالداوم ويشيكون على سيارتك !!

قبل ربع ساعه تقريبا وانا جالس في المكتب كافي خيري شري :D

ودخل علي أحد الموظفين في شركة الوعلان .. انا طيرت عيوني قلت لايصيرون جابوا لي جينيسس هديه .. >> احلللم :p

دخل على الفلبيني وسألني انت لك سياره هيونداي موقفه برا ؟

قلت له ايه .. قالي اوكيه احنا من الخدمه السريعه واي شي ناقص في سيارتك نغيره لك من زيوت وموية راديتر ..

طلعنا انا وياه وفتحت له السياره وشيك على الزيت وزوده وشيك على الرديتر وزيت الفرامل وكل الزيوت اللي بالسيارة ..

بعدهاا قال هذي خدمه مجانيه من الوكاله .. وانا جايك من فرع خريص

اخذ بيانات السياره وتأكد اني شاريها من الوعلان :D

طبعا اخذت وعطيت معه .. قال انهم يرسلون لهم مثلا لأربع مناطق .. واي سياره هيونداي ملزومين يشيكون عليها ..

بس صراحه وين تصير فهالوقت هالحركه !!

يعني اغلب الوكلاء عساه يستقبلك وانتظـر الموعد اسبوع اسبوعين ...

الخدمه تسجل للوعلان ولم يسبق لأي وكيل اعتقد انه سوا كذا ..

ومن أفضل لأفضل بإذن الله للوعلان ..

وعقبال باقي الوكلاء .. :)

( كلي اسف لكم جميعا على صور الجينيس .. لكن والله اللوم على الاتصالات والـdsl الخايس .. )

صاحب السوناتا @user_47912 · 24-03-2008

فكره حلوه مره مره مره
ومميز رائعه
ان شاء الله يستمرون مو يبطلونها
بصراحه كبرت بعيني الهيونداي
وعقبال الوكالات كلهم من اصغرهم للاكبر

مشكور على الخبر الي يسر القلب يامنيف

تقبل تحياتي

صاحب السوناتا

DaBDoB @user_71807 · 24-03-2008

المفروووض كل وكلاء الهيونداي يعملوون
المستحيل لتغيير نظرت الناس عنها ..

afaopi @user_63192 · 23-03-2008

مشكور

بس ان شاء الله هذا النظام ينطبق على جميع الوكلاء وخصوصي (( كيا السعودية الخاااايس ))

تحياتي,,,,,,

mnaief @user_35156 Banned صاحب الموضوع · 23-03-2008

يلعن ام الفله ياحسام

بديت اشك ان امي داعيه علي ! ناس منيف وانت حسام وش فيكم ياعاالم :o

شكلي أحلم ..

>> راح وماصدق ..

طيب كملها .. راح وماصدق على الله .. كأنه ينطرها .. :D > منطرب
لاوالله ياقلبي صدقها وصارت اليوووم

حــركــة حلــــوة
ومشكووور يامنيـــف أقـــصـد نــايــف

ابوخميس ترى سيارتك وعارفينها .. تناديني منيف تحمل مايجي سيارتك :D > مهايطي
صح ولا لا يا هـ و ط :p

وشاكر لكم جميعا على المرور :)

soso159 @user_71375 · 23-03-2008

شي جميل بصراحه وخطوه فريده من الوعلان
ومشكوور على الخبر اخوي نايف

أبو خميس @user_49190 · 23-03-2008

حــركــة حلــــوة
ومشكووور يامنيـــف أقـــصـد نــايــف :D

Microsoft @user_17932 · 23-03-2008

شكلي أحلم .. |3|

>> راح وماصدق .. :D

أبـو أنـس @user_38810 · 23-03-2008

وعليكم السلام ورحمة الله وبركاتة

جميل جداً وخطوة موفقة من الوعلان

وفكرة جداً رآئعة إلى أنها متعبة بعض الشي

ويعطيك ألف عافية أخوي نايف

ولك أطيب تحية

KYRON @user_5890 · 23-03-2008

فعلاً خبر جديد ورائع.
أشكر الوعلان وأتمنى ان يحذو حذوه باقي الوكلاء.

شكراً على الخبر المفرح اخوي.

M.W4EVER @user_65403 · 23-03-2008

والله وناسه يجونك عند الباب

هذي كانت خدمة في الجفالي من زمان بعدين كنسلها من الزحمة
\ريقة تسويقية حلوة

يعطيك العافية يا ..

خلاص رحمتك يعطيك العافية يانايف ولاعاد تعودها رحت صورت عشان مايزعلون عليك الشباب :D

عــ,,,ــووول @user_46691 · 23-03-2008

يلعن ام الفله ياحسام

عاد عارف لو انا منك وش اسوي لا اصارخ عليه قدام الشباب اقوله وشفيك تأخرت خخخخخخخ

والله صراحه خطووه حلوه من الوعلان وحسب له وان شاء الله الناغي يسوي زيه

تقبل مروري

KSA-HEART @user_59398 · 23-03-2008

حركة جديدة ومميزة للوعلان يعطيك العافية اخوي نايف

تحياتي،،،

mnaief @user_35156 Banned صاحب الموضوع · 23-03-2008

وبعدين تعال وينك دورنا عليك صبح وليل >>>>>> ترا سويت بلاغ عنك مدري تخبر

وحصل خير يا نايف وش دعوة ماكان تتعب حالك عشانا كان كلمتني احط الصور >>>> يبي يتميز الأخ

على العموم الله يهنيك بالموتر وان شاءلله الوعلان يكون مثل لباقي الوكلات >>>>> بيروح عند ابو جميل ويقوله بالحركة هذه ويآخذ براءة اختراع

ياقلبي ترى النفس علينا طيبه :D انت لاتطري الموضوع شكلهم نسوا وعذروني .. وبنفس الوقت عارفين ان اسمي نايف .. >> حسيت انه بيجي واحد مدرعم وينادي منيف :rolleyes:
حياك ربي ياغلاي .. ;)

وبالنسبه للصور نمشيها لك هالمره ومحمد ماقصر وجابها وانقذك
.

فديت قلبه محمد ماقصر .. لاخلا ولا عدم |1|

طيب كيف مافى احد كلمك او ارسلك مسج

كيف وصلوا لمكتبك ؟؟؟؟

الوعلان مربوط بشبكة مع وزارة الداخليه :p

اخوي هم اكثر من عامل .. معهم فان صغير .. مليان زيوت والاغراض اللي راح يحتاجونها ..
ترسلهم الشركه مثلا لحي الورورد .. يروحون يدورون في الحي واي سياره من هيونداي الوعلان يشيكون عليها :)

ZAID ZAID @user_51168 · 23-03-2008

طيب كيف مافى احد كلمك او ارسلك مسج

كيف وصلوا لمكتبك ؟؟؟؟

vector @user_39432 · 23-03-2008

ماشاء الله حركه حلوه والله
وتحسب للوعلان|1|

وبالنسبه للصور نمشيها لك هالمره ومحمد ماقصر وجابها وانقذك :D

مغترب2 @user_85477 · 23-03-2008

والله شى جميل جد بس ياريت الناغى يسوى زيهم كان ريحونا كثير

C A R R E R A @user_16064 · 23-03-2008

السلام عليكم

هههاهااااااااااااااااااااي

وينك يابو جميل اسمع وش سوا الوعلان :D

والله حركة جديدة اول مرة اسمعها تبي الصدق حتى البيئم والبنز ماسووا الحركة هذه >>>> لايكون سويت شئ فيهم :D

==================

وبعدين تعال وينك دورنا عليك صبح وليل >>>>>> ترا سويت بلاغ عنك مدري تخبر :D

وحصل خير يا نايف وش دعوة ماكان تتعب حالك عشانا كان كلمتني احط الصور >>>> يبي يتميز الأخ :D

على العموم الله يهنيك بالموتر وان شاءلله الوعلان يكون مثل لباقي الوكلات >>>>> بيروح عند ابو جميل ويقوله بالحركة هذه ويآخذ براءة اختراع :D

والسلام عليكم

سوسوv6 @user_75517 · 23-03-2008

هلا منيف:D

والله وانا اخوك الحركه حلوه وجديده..

وماشاء الله الوعلان بدأ يشتغل..

ومشكلة الوعلان إن الصيانه عنده غااااااااااااليه

ولا الباقي تمام التمام

طيب ياخوي كان سألتهم يجون لثانوية الأمام؟؟؟:D