مورانو 2008 أو 2009؟

لا ين ولا جن المسأله طمع هالتجار (الوكيل) بسبب الاقبال الغريب على هالسياره مع ان سيارات مازدا ليس لها شعبيه كبيره عندما !!!!! << يمكن قام حضهم

اذا انت موب مستعجل .. انتظر برادو 2009 واضمن الشكل ما راح يتغير من 3 الى 4 سنين باذن الله ...

بالتوفيق اخوي

بصراحة أنا مو راعي بر ولكن إذا حصلت سيارة SUV ممتازة بسعر مقارب للكروس أوفر.. ما يمنع!!

أمس رحت لوكالة مازدا ... صراحة السيارة خياااااااااااااااااااااال تركبها تحس أنك راكب إف 16 مو سيارة .. سعرها أرتفع إلى 125000 ريال ينطح ريال الدفعة الجديدة من السيارة في تخليص الجمرك من الميناء يعني اللون إللي تبيه تحصله ... وإذا تغبى تنتظر السعر غير مضمون أنه يثبت يعني يمكن يوصل للـ130000 أنا سألت مندوب المبيعات عن سبب زيادة السعر قعد يخرب علي بس إللي فهمته أنه بسبب ارتفاع صرف الين!!!

يا ناس قسم بالله احترت أكثر.. شكلي بغير النك إلى محتار بمليون :)

انا بعد لحس مخي قبلك :D بس انه غالي علي وحجمه بعد كبير يفوق احتياجي

بس الي انا مستغرب منه انك تتنقل بين الكروس اوفر والـ suv
بدون اي مشاكل !!!!!!!

ترى CX9 مثل المورانو فئة كروس اوفر ما يصلح للبر بشكل مطلق

يعني ميهب زينه يجي واحد ويسحبك وانت مغرز بها :D

انتظرك الين بكرى ان شاء الله اشوف وش الاخبار

إذا تبي الصراحة أمس واحد قعد معي ولحس مخي بالمازدا CX9

بأروح اليوم للوكالة وأشوفها عالطبيعة

اخوي محتار

الباترول يلهم بنزين لهم ..... يبي محطة بنزين وراك

مادام ان المورانو موب حكر ... يعني تقدر تطلع منه

ليش ما تاخذ باثفايندر احسن لك فهو الاقرب للمورانو من حيث الحجم
ولا وش جاااب المورانو للباترول او اليوكن !!!

او البرادو ويقال ان الباجيرو اريح واهدأ جيب ...

والله الموفق

مشكور أخوي

تقدر تزودني بمعلومات أكثر عن الباترول؟

خذ شوري المورنو مايصلح لانه ماله
1) لا يوجد زبون في حال إعادة البيع
2) قطع لاغيار غير متوفرها إلا في الوكالة

خذ شور ي 130 تجيبلك أحسن من المرونو
1) يوكن SLE سعرها ب 118 إلى 120 مع الدبل زيادة 10 الاف
2) تاهو LT سعرها ب 110 مع دبل 120
3) باترول 2 سفاري ب 130
4) برادو VX 2 ب 130
5) باثفيندر
وشور لك

يعني يا جماعة إللي فهمته أتوكل على الله وأطلع 2008

والله شف بشكل عام مستحيييييييييييل تلقى شئ مافيه عيب

وصعب جدأ تلقى شئ يفي بتطلعاتك ومتطلباتك

مثل ماقال الشاعر احمد شوقي رحمه الله :

ماكل ما يتمناه المرء يدركه . . تجري الرياح بما لا تشتهي السفن

اقول شكلنا قلبناها منتدى ادبي موهب منتدى سيارات:D

أهم المواصفات أنه 2009 راح يتوفر بـ نظام ملاحة هذا اللي اتذكره

وطبعا الشكل كامل خارجي وداخلي يختلف

وراح تندم اذا اشتريت 2008 انك ماراح تنبسط بالشكل الجديد لأنه زيك زي 2007 و 2006

عندك بدائل كثيرة :

انفنتي EX اتوقع سعرها 145
باجيرو فل 3.7 قريب 138
فورد ايدج
هامر H3 فل بـ 140 تقريبا
اكاديا بس الفل غالي
جيب مازدا CX9


اعتقد هذي أغلب الخيارات مقاربة لميزانيتك وطابعها قريب من المورانو

واهم شيء الاستخاره وبالتوفيق ;)

شف الانفنتي الجديد EX اتوقع قريب من السعر

السلام عليكم

الشكل الخارجي لصالح 2008 في نظري
الشكل الداخلي لصالع 2009

لو خيرت اكيد راح استنى 2009 واستمتع بالشكل الجديد
بالنسبة لقطع الغيار نعم مرتفعة وهذا معروف عن نيسان بس عمرها طويل
يقال التكييف شوي تعبان بس ماني متأكد

بالتوفيق

راعي الجالوبر:
مميزات زي أيش؟

مشكور أخوي fhad2007 vbmenu_register("postmenu_1330538", true);

ولكن ما زال السؤال قائم هل في المورانو أي عيوب؟

شوف في الشكل 2008
وفي الميزات 2009
بالتوفيق