ثلاجة مكينة القراند ماركيز؟

ماحبيت اطول عليكم الفورد عموما سياره عمليه بسفر او داخل المدن وقطع غيارها متوفر حتى بالسوبرماركات وبسعار معقول يعني الثلاجه 950 ريال لو كانت على اي سياره ثانيه كم راح يكون سعرها المعتاد 2000-3000 صدقوني الفورد مافيه خوف منه مهما كان يكفي انه امريكي - امريكي شوفوا كم سعر ثلاجة التاهو او اليوكون او الكابرس من جد تذبح جيوبكم

تقبلوا تحيات اخوكم - الشوق

اسف على المعلومات التي تحتمل الخطأ
بالنسبة للسعر اللي حطيته هو ابعد حد ما قلت انه يكلف
اما الثلاجة صحيح كلامك وشكرا على التنبيه لكن السؤال اذا دخلت الموية اللي جاية من المكينة وين تروح المكان اللي راحت له هو المكان اللي خربان .

وعليكم السلام ورحمة الله

اغلب السيارات الحديثة تكون ثلاجتها بلاستك

مثلا
الكامري و اليوكن و التاهو و الفورد بجيمع اغلب انواعة (كروان فكتوريا و اكسبلور و الكسبدشن )

المشكلة تكمن في الماء المستخدم يجب ان يكون ماء الرديتر اصلي وكذالك يجب عدم ازالة بلف الحرارة

الفورد سيارة عملية رغم وجود هذه المشكلة التي تستطيع ان تتفادها
انا اعرف شخص يستخدم سيارة كرون فكتوريا منذ 6 سنوات لم تواجهه هذه المشكلة ابدا
العمدة على المستخدم و مرعاة لستخدام سيارتة
تحياتي اليك

للاسف اخوي ثلاجة المكيف انت اخطات فيها وهي تجي المينيوم داخل الطبلون مثلها مثل اي ثلاجة

مكيف عادي وعيبها مثل الي تفضلته وهو الحراره انها تتكسر وعدم الاحماء اما بالنسبه

يالغالي للمبلغ الي قلته انت فصراحه فيه بعض المبالغه

قيمة القطعه 264 ريال وشغل اليد من 400 - 600 ريال فقط لا غير طبعا تحتاج فك الطبلون كامل

الحل مثل ماتفضلت او باختصار يالغالي اصلا الثلاجه حقت المكيف مافيه شئ يدخل لها لا مويه ولا شئ

حتى لو تركتها مفتوحه او تاخذ نفس الهوز تبعها وتخليه رايح جاي

واهم شئ هو الهوز الي جاي من ثلاجة الماكينه تخليه دايركت على الماكينه هوز يصير من فوق

الى تحت راكب في الماكينه

أخوكـ

السلام عليكم
حبيت اشارك معكم واعطيكم من خبرتي

بالنسبة للثلاجة فيه ثلاجتين وحده ثلاجة المكينة والنوع الثاني ثلاجة المكيف حق السيارة
1- ثلاجة المكينة مشكلتها انها بلاستيك وغالبا يكون التهريب في الوجيه في اسفل الثلاجة فينزل الماء على البواجي ويسوي تقطيع وتفتفة
حلها فك الثلاجة وتركيب وجه جديد او غير الثلاجة
2- ثلاجة المكيف مصنوع من الفيبر وهو دئم الخراب وسبب خرابه هو عدم احماء السيارة والفيزيائيون يجيبون على سبب الخراب وهو ان الثلاجة تكون باردة ففجأة يأتيها ماه ساخن وبسرعه فعملية التممد لا تقاوم فتنكسر ( مثل بيالة الشاهي اذا صبيت شاهي حار في الشتاء والبيالة باردة تنكسر ) المهم نرجع لموضوعنا
طريقة حلها لها طريقتين الاولى صعبة ومكلفه والثانية سهلة وببلاش ....
الطريقة الاولى :- يتم تغير الثلاجة الداخلية في الطبلون ويحتاج الى فك الطبلون ويكلف حوالي 2000 ريال ولا تزيد واذا زادت تراهم لا عبين عليك بقوة .
الطريقة الثانية :- وهي سهلة ومجانية وهي
تفتح الكبوت وتروح الجهه اليمنى عند دبة الفريون وتلقى ماصورتين فيها ليين تدخل في الغمارة فكها وجب لك عدد 2 بوجي ( بوجي سيارة ويكون مرمي عند البنشري ) وادخله في الليات وسكرها جيدا وانتهينا وخلاص
ملحوظة الطريقة الثانية فيها مشكلة واحد وهي انك لن تقدر على استخدام المكيف الحار ......

مرحبا يا شباب النصيحة كما قال اخي راعي الكامري هي الصحيحة لكي تطول الثلاجة معك سليمه
1- لا تمشي وقت الصباح والسيارة باردة على طول خلها على الاقل من 2 الى 3 دقايق بعدين امش بسرعة منخفضه تدريجيا الى اعلى
2- لا تكثر من الوقفة والمكيف شغال او غير شغال اكثر من 10 دقايق
3 - من المستحسن تغير ماء الرديتر كل سنه مهما كانت نظافة الماء
4- تغير بلف الماء كل سنه اصلي حق بلدها لا تغير غيره مهما نصحوك انك تغير حق كابرس لا تغير هو البلاء احيانا فوق واحيانا تحت هذا اللي يضرها مره بارد مره حار
5- وقت الظهر حاول بقدر المستطاع انك تسير بسرعات معقوله 80 الى 120 بدون ( جور )
المشكلة تكمن في انها تكون مثلا باردة ومع الدعس تلف دورة الماء من السرندل الى الثلاجة وهو ساخن فتحدث المشكلة
6 لا تدوس على السيارة بقوة عاليه وهي واقفه لها اضرار هذه الدعسه لاتضر الثلاجة فقط انما المحرك بأكمله
هذا ما لدي قوله وسلامتك

اوفق بعض الاخوان في قيمة القطعه او انها تلحم لحام بارد ولكن اخوي مانصحك تغيرها لين تخرب

طبعا هي مشاكلها مثل ماذكر الاخون نقص في الماء واحيانا تهرب مويه على الكويلات وتسبب تقطيع



اخوي الفرق الوحيد بينهم انهم خلو الاكوع الي تركب فيها الاهواز اما الكوع الامامي والي يركب فيه

بلف الحراره او الخلفي الي يركبه في هوز لثلاجة المكيف الحار او اذا كانت ملغيه تصبح

بشكل مباشر متصل بالماكينه

فقط هذي الاكواع اصبحت من فيبر او بلاسيتك مقوى الى المينيوم او نحاس

واكثر الخراب يكون من الي ورا

أخوكـ

الف شكر على ها المعلومات
بس هل صحيح انه من 2003 وفوق قلة خرابات الثلاجة

السلام عليكم ..
اخوي الغالي .. تبي تطول معك ..
طبعا عن تجربه .. السياره معي لها .. سته شهور والحمدلله تمام ..
واعرف اكثر من واحد مغيرها .. وانا الحمدلله .. شوف يالغالي ..
اول شيء تحمي الموتر لمين ياصل الحراره النص .. ثاني شيء شيء اسمه وقفه مع مكيف ولا بدون لاتوقف .. ثالث شيء .. مويه الرديتر .. اغلب الناس مايهتمون فيه .. الا اذا ارتفعت الحراره ليش ؟
لان المويا تتوسخ ويصير كل الرديتر تراب وانتم بكرامه .. يعني ايش يضر لو تفحص المويا وتشوف فيه تراب ولا لا .. وتبي المويا مضبوط .. جالون مويا موتر كرفت وكرتون ماء مقطر وانس الحراره .. ثالث شيء المشاوير الطويله .. لازم الموتر يوقف والمكينه شغاله اقل شيء ربع ساعه والكبوت مفتوح .. وغير كذا الضغط الزائد على المكينه خصوصا بالاجواء الحاره يكسرها .. والسرعه فوق 120 بالجو الحار يعني باوقات الظهريه .. هذا اللي اعرفه ..
وان شاء الله اكون فدتكم ..

اخي العزيز صاحي الموضوع

انا انصحك انك ما تغير الثلاجه الا اذا خربت

ليش تدفع فلوس على الفاضي !!!!؟؟؟؟

انا عندي سيارتي مثلا قعدت 3 سنين وتلاجتها بلاستيكيه وغيرتها معدنيه وسنتين ونص وغيرتها

يعني البلاستيكيه صارت تتحمل اكثر من المعدنيه ( بحكم ان السياره شاريها عام 2001 يعني 3 سنين في امريكا و 3سنين معي = 6 سنين وثلاجتها بلاستيكيه )

وقيمتها 950 ريال من غير شغل اليد

احس الثلاجه اللي عندنا ملفقه ( اقصد المعدنيه ) جلست معي سنتين ونص ليش ما ادري !!!؟؟؟

على العموم لا تغير الثلاجه ولكن راقبها اذا كان فيها تهريب او لا

هذا ما لدي وشكرا

السلام عليكم

هذي اول مشاركة لي وان شاءالله افيدك وافيد الاخوة الاعضاء بحكم خبرتي ومعايشتي ثلاجة الميركوري الفيبر او البلاستك كما يسمها الكثيرين

اشتريت سيارة ميركوري موديل 99 LS كامل المواصفات استخدام قبل ثلاث سنوات وثلاجتها فيبر جتني نصائح بتغيير الثلاجه قبل ما تخرب وانا اسوف واقول في نفسي وشهوله اغير وهي ما خربت بعد

اسافر مشاوير طويله عليها وكل شي طبيعي وبعد سنتين وثمانيه اشهر تقريبا اصبح ماء الاديتر ينقص نقص بسيط لكن بالنسبه لي اصبح مقلق لأني متأكد ان فيه خلل وبعد شهرين من نقص الماء اصبح يزيد النقص طبعا استسلمت الى لمفاتيح ومفكات الورش ولابد من زيارتهم لكشف الخلل , ادخلت السياره الورشه

صاحب الورشه اول ماشف ان الثلاجه فيبر قال 99% هي سبب نقص الماء وسألني المكانيكي
كم لك تستخدم السياره ؟
قلت تقريبا ثلاث سنوات , اندهش وقال غريبه للحين ماخربت يقصد الثلاجه

لكن المفاجأه عندما فك الثلاجه لتغييرها وجد ان بعض مواصير الثلاجه اللي تركب فيها الخراطيش ملحمه بلحام بارد من امريكا ههههههههه

يعني حتى في بلد السياره لها مشاكل عكس ماقيل انها عندهم ماتخرب بسبب اجوائهم البارده وهذا يأكد أن العيب مصنعي وثلاجة الفيبر لاتصلح سوى في الخليج او في بلد السياره

واذا تبي نصيحتي والمبلغ متوفر عندك غيرها وارتح

واذا تبي تمشي مثلي بالبركة والحمد الله اللي ستر الين تخرب يمكن تواجه احراج كبير خاصه اذا كنت في سفر حسب كلام الميكانيكي تجيهم سيارات على نقالات بسبب انفجار مواسير الثلاجه ولا ينفع معها ترقيع وتفقد كل الماء ويستحل السير عليها وهي في هالحاله ويمكن تتعرض للتخبيط بسبب الحراره

اتمنى اني ماطولت عليكم بكثر الحكي , لا تلوموني جديد تحت التمرين

لاتبدل الشي الا اذا خرب

اما عن التفاصيل ان شاء الله الربع يجابونك