اشكرك اخي الكريم
القير ممكن ما احتاجه الا مرة في الحياة لكن ربما تكون هي منجيتني بأمر الله وقدره,لاني كثي السفر من خلال العقاب ((الهدا,الباحة,شعار......الخ)).؟!
مساحة التحميل غالبا احتاجها في سفري يعني عندي انا كابريس بصراحة الشنطة تتعبى عادة وزود في الخلف المشكلة ليت الدينالي((الصغير))يفي بنفس المساحة كان ارتحنا لكن وانا اخوك ولا حتى ربعها,وما اقول الا الله يعين ويقدم الي فيه الخير لنا واياك وجميع الاخوة في دنيانا واخرتنا.
من خلال كلامك واضح ان الاكسبديشن هو الخيار الأنسب لك
بالنسبة للقير التيبتروينك, انا ماني متأكد بخصوص الدينالي هل هو موجود ولا لا.....وعموما على حد كلامك انك تحتاج السيارة في أماكن فيها صعوبة ووعورة يعني باختصار انت تحتاج إلى سيارة فيها دبل ثقيل وهذي ماتتوفر الا في الاكسبديشن فقط
اما التيبترونيك فاعتقد انك لن تحتاجه
أيضا مساحة التخزين الخلفية تصب وبقوة لمصلحة الاكسبديشن....خصوصا الاكسبديشن الطويل مع ميزة طي المقاعد
يحلفون انه مجلس ضيوف موب سيارة ماشاءالله :)
ولاحظ ان كل هالمساحة تحصل عليها بضغطة زر!!
وانا بكل أمانة هذي الميزة من أهم المزايا اللي تهمني...واكره الشركة اللي ماتعرف توجد حل لمثل هالموضوع
شغلة فك وركب وشيل وحط المقعدة الخلفية خلاص هذي عاف عليها الزمن والدنيا تطورت وذولي باقي عايشين على تصاميم قبل خمسين سنة
وكله كوم والسيارات اللي المقاعد الخلفية تتصفط ثم تعلق فوق..ودي اطب ببطن اللي صممها,,,تحسه قمة الغباء ولا كان مأجر الطابق العلوي مع الملحق يوم فكر فيها ....بعدو عني تراني عصبت :D
عموما زي ماقلت لك اخوي....استخير...وباذن الله ربنا يدلك على اللي فيه الخير لك ولعائلتك
تحيتي
