ابغى الحل الأكيد لتقطيع الفورد من 60 -100 ؟!!

وأنا بعد اخو اقولك غير كويلات وادعيلي انا كمان هههههههه

نفس المشكلة كانت عندي والكمبيوتر ما طلع شي في الكويلات ومع ذلك غيرت الكويلات ونسيت هالمشكلة نهائيا

غير بواجي وكويلات وادعيلي:xyxthumbs:
ولو فحصت كمبيوتر ماتطلع في نتيجه الفحص :c0038:
وعلشان تتأكد يبي للسياره مشوار طويل وراح تزيد معك التقطيعه حتى 140كلم:confused1:
وتقبل مروري:wavey:

عند الوالد لينكون 2001
فيه تفتفه خفيفه غيرت الكويلات والبواجي ونظفت البخاخات ولاكن للأسف نفس المشكله
وش الحل؟؟؟؟ ومن 40 الى 100

السلام عليكم
اخي ..... قد طرحت مشكلتي قبل حوالي اسبوعين في المنتدى والمشكله هذه زي مشكلتك
التفتفه بين سرعه 60 و 100
الحمد لله من تجربه راحت التفتفه حيث قمت بعمليه تصفيه للبخاخات العمليه بسيطه جدا ما تستغرق اكثر من 30 دقيقه

فقط فك اللي الذي يوصل البنزين للبخاحات وحقن بنزين مع سائل ( شامبو خاص ) بطرمبه خاصه بالهواء ..... فقط التكلفه لا تزيد عن 150 ريال وانتبه لا ينسى يفك غطاء البنزين عند التفصفيه عشان ما يسوي ضغط في التانكي


وان شا ء الله تروح التفتفه للابد


اذا بتغير البنزين يكون احسن اقصد من 91 الى 95

يبيلها تصفية يا عزيزي
ودها لورشة البيان ويضبطونها

تفضل هذا الموضوع للمشرف المهندس ::::

هل سيارتك تقطع و تقمت و بدلة كل شئ تعال اهنا

هل تراكم الكربون في داخل البستم يسبب شي اخر غير صوت (القرقره ) يعني هل يسبب تقطيع او ضعف في عزم السياره ؟؟ ياليت القى جواب بالذات من الاخ فيصل بن محمد

انا صارت لي هالمشكلة ياخوك

غيرت الكويلات
والحمد لله صفى الموتور

دامك بدلت فلتر البنزين الحل الثانى بدل البواجى لان التقطيع غالبن من البواجى كهرباء البواجى ضعيفه0ان شاءالله تضبط معاك0

أنا أضم صوووتي لصووت لفيصل بن محمد ،،
لأني مثل وضع اخوونا صااحب الموضوع ونفس مشكلته ،،

ورحت وفحصت وطلع عندي الكويلات كانت بنسبه 50% يعني تمشي ،، بس قالوا غير الكويلات كلها والبواجي ،،

تخيوا ،، غيرت وبقت نفس المشكله ،، والله انقرت على الخسارة اللي خسرتها ،،
اليوم الثاني دقيت على المشرف على الورشه وقلت له المشكله هي هي ماتغيرت وشلون مايصير ،،
هالخساير كلها وماصلحت ،، فاجأني وقالي وش بنزينك قلت 91 ،، قال مشكلتنا احنا الشعب السعودي ندور الرخص وشعب مستهلك ،، سمعت كلامه وقلت ع الله ،، وقال غير 95 وشف ،، المهم من القهر رحت الورشه من غير ما اقوله بجي ،، وقلت له شف لي حل الله لا يهينك ،،
قال خل السيارة قلت مافيه شفها وانا عندك ،، دخلت مع الفني وجاب جهاز الفحص وفحص الكهرباء كلها حلوه القير والماكينه الكهرباء زينه يالله لك الحمد ،، ونسبة الكويلات 100% ،،
بس مشكلتي قبل مااادق عليه وقبل ماااروح فللت السيارة 91 وانتظر البنزين يخلص واعبي 95 ،، لان فعلا كل الفوردات بهذي المشكله ،،

وصووتي لصووت محمد بن فيصل ،،
لأن قبل ماتخسر أي شي غير 95 وجرب وش بتخسر ،، والله يوفقك الجميع


محبكم / أبو أحمد2 |3|

ياهلا ببو تركي

يعني تتوقع ان المعلومه هذي مااعرفها :) اعرف ان الفورد مكتوب بانه يعمل على اوكتان 87

ولكن من الافضل استخدام 95 حيث انه افضل احتراق ويعطي اداء افضل واقل كربون

حيث ان الكربون يسبب لقلقه لا اعرف هل لها مسمى اخر باللغه العربيه الفصحى

او قرقره اذا سخن المحرك حيث ان الكربون يكون متوهج داخل البستم مما يسبب انفجار

قبل شراره البوجي قبل وصولها للمنطقه الميته العليا مما يسبب ارتداد وهو مايسمى بالقرقره

ولا اريد ان ادخل في تفاصيل اكثر تعقيدا


بالنسبة للتقطيع انا لم اتطرق اليه او اضع حلول حيث اني نصحت بشكل عام بنزين 95 بانه افضل

لان الاحتمالات كثيره ومنها الكويلات ومنها يفحصها بالكمبيوتر وسوف يعطيه اي الكويلات

ضعيف وسعر الكويل الواحد 140 الاصلي من المحلات

ثانيا : بواجي

ثالثا : صفاية بنزين

رابعا : احيانا يكون الكمبيوتر متعطل ويسبب عدم انتظام المحرك

خامسا : حساس الهواء

سادسا: تنظيف بخاخات


اخيرا : بنزين 95 افضل بكثير من 91 و بنزين 98 افضل من 95 وهو موجود

بالبحرين على ما اظن هذا اذا لم اكن غلطان


ابوتركي ابضرب لك مثل على الانسان... ايهم افضل كانسان تشرب من ماء البحر المليان املاح او


من الماء المصفى القليله املاحه وايهما اكثر تاثير على كليتيك :) ؟؟

مشكورين اخواني على المشاركة

بس اللي اعرفه انه اذا الكويلات تعبانة او واحد منهم تعبان انه السيارة ترجف وهي واقفة ، انا سيارتي صافية وهي واقفة وتشغيلها سهل وماتطول .

1- التفتفه اذا كانت قويه , والسياره تنطفي منها , تكون تتعلق بالوقود
وحساس وزن الهواء والوقود حساس عمود الكامات , وكذلك تتعلق بفلتر الهواء وحساس الهواء
2- اذا التفتفه خفيفه ولاتطفي السياره منه ويسمع صوت فقاعات من العادم
تكون تتعلق بكهرباء السياره مثل البواجي والكويلات والاسلاك التابعه لهن
والله اعلم , وبالتوفيق ان شاء الله

عانيت سنه كامله

وكنت متردد في تغيير الكويلات كامله لانها غاليه

وقبل اسبوع غيرتها كامله وراحت النتعه والتفتفه

اذا قديمه الكويلات غيرها مع البواجي وتاكد افحص الكويلات والبواجي قبل تغيرها عشان لاتخسر

انا طلع البوجي مشروخ وبني من الجوانب وقالي اكيد كويلات

اتوقع منها

الكويلات والبواجي وصفاية البنزين
وبنزين 95

في الغالب تكون من الكويلات


اخي الكريم اذا الفورد مايحتاج الا 87اوكتان
كيف ال91 مايصلحله
وما اظن انا راح نصير افضل من الي يصنع السيارة
ولا انا غلطان يالغالي|3|

بسم الله ارحمن الرحيم

اخوي moon nline انا كانت عندي نفس المشكله فورد ماركيز 2002 تقطيعه عند 40 استعملت منظف البخاخات يستخدم بتفريغه في دبة البانزين سعره ( 30 ) ريال عند الوكاله لون العلبة ابيض والحمد لله راحت التقطيعه بلا رجعه لاكن لاتنسى تفلل البانزين vbmenu_register("postmenu_1368836", true ); وانا مجرب الشي

يالغالي فيصل انا من خديت السيارة وانا استخدم 95