ماذا لو حصل بنشر للكفر وسرعة الفورد 170كم ؟

طيب على كلامكم المرعب هذا

الواحد إذا ضرب عنده كفر ,, أو حذفت السيارة وش يسوي؟ ؟؟

خخخخخخخخخخ ابد مايصير شي زي ماقال اخوي عاالم 2000

ياخي انا انسلخ الكفر الامامي على 150 وشفت الموت بعينه السيارة صارت تطير بالهواء ولا ازيدك من الشعر شقة خخخخخخخخخخ كان قدامي دوار ههههههههههههههههههههههه من زين خط السعودية قطر بربع الطريق دوار خخخخخخخخخخخخ ربك ستر علي بس انعوج الجنط ولا كان مكلمك مهوب فيه

يا أخوي وشوله السرعه وهم بعد تستفسر عن 170 مميته الله يحمينا ويكفينا الشر
يا أخوي باعطيك قصة اخوي في شهر 1 من هالسنه
للعبره .......................
أخوي يدرس عاده طالب بالثانوي (الله يرحمه ويغفر له ويتوب عليه) كان معه لكزس إل إس
حقت الوالد 2006 وهو خارج من المدرسه وماشي مع أنكاس ( مدري وش إلي جابه هناك مع إنا بصلاح الدين ) من خلال كلام ناس كانو بالحادث يقول واحد منهم أنا كنت ماشي 160 وهو طاير من جنبي طيران ثمن (على حسب كلام الشرطه) ضرب عليه كفر وتقلب ( وهي لكزس مع ثقلها وأنظمتها وصيتها الكذاب ) وألحين شف الحاله ما أقول إلا رحمة الله عليه وصبر الله والدته المسكينه إلي حالتها حاله.........

يا خي الواحد قبل يسرع يفكر بمن وراه من أهل وعيال وأقارب
الله يكافينا الشر والله الله في القياده الرزينه التي تدل على مفهومية قائدها وليست فوضويته
أدام الله علينا الصحه والعافيه آمين

هذا الموقف حصل لاحد الاقارب وهو مسافر

سيارته ماركيز 99 كان ماشي والله العالم اني اذكر 140

المهم الجنط بكبره طار الظاهر ما شد عليه البنشري

ويالله يالله مسك السياره والحمدلله الله ستر

والظاهر تكلف فيها لانه راحت عنده اشياء من ضمنها الهوووب

عموماً السرعه ما تجيب إلا المصائب ولو نجيت مره إحتمال المره الثانيه

لا سمح الله يصير شئ

فالانسان يحتاط لكل امر وكل شئ بقدره الله عز وجل

تحياتي ,,,

اشكركم جميعا .... لكن هذه السيارات التي تسقط وانا امشي 140 كم تمشي ؟؟؟

كل سياره بهذي السرعه ويضرب كفرها يحدث مالا تحمد عقباهـ

اخوي نصيحه لاتسرع هالسرعة

لأنك اعتقد راح تمشي على الأكتاف والله ان صادك امن الطرق رحت فيها

ثاني حاجة الكفر اذا انفجر عليك وانت ماشي 120 راح يخرب عليك البدي والكوره حقت الكفر فما بالك 170!

اخي سرعه 170 قاتله بحد ذاتها ,,,,

غالباً انقلاب !

خصوصاً اذا كان الكفر المنسلخ امامي (لذا ينصح في حاله الكفرات المتضرر ان توضع الأفضل حالا في الامام لزياده الامان) حيث ان انسلاخ الكفر الخلفي اقل ضرراً ,,

تفاءلوا بالخير تجدوه ,,,:)

انتبه اخوي من السرعه ,,, مامنها الا كل شر ,,,

تحياتي,,,

خخخخخخخ لا لا 170 ماهي خطيره بس بس 96 % وفاه و 3% اعاقه و 1% ما يجيك شي بس شفت ماهي خطيره جرب بنفسك !!!!!!!!!!!!!!!!!!!!! هع