عــاجـل جـداً ( لأهـــل الخبـــرة ولأصـحاب سيارات الكراون فكتوريا)

حياك الله ياابو حمد الاستندر المطور تقصد الاسبيشل اديشن ( الاصدار الخاص)

يختلف عن الاستندر العادي في الشبك الامامي ويوجد زيق خلفي تحت الجناح وعلامة

سبيشل اديشن في الخلف وكذلك على التخشيبه امام الراكب

الاسعار تختلف من فترة لفتره وياليت لو تروح للوكاله افضل لانهم احيانا يضعون تخفيضات

واحيانا يكون عندهم كم سيارة موديل 2007 ويخفضون بسعرها وبالتالي هي فرصه لانه

لايوجد اختلاف عن موديل 2008 وساذكر لك اسعار تقريبيه الاستندر : 77 الف

النصف فل ب 85 والفل ب 104 والرياضي ب 120 وللمعلومية اسعارهم تختلف

من اسبوع لاسبوع واذكر قبل فتره وجدت بان الفل كامل اغلى من الرياضي القير الارضي

وبالعاده ان القير الارضي اغلى عموما الافضل ان تذهب وتتاكد بنفسك من الاسعار

لانها مثل الاسهم مره فوق ومره تحت :)

بالنسبة للفكتوريا الجديد سيارة لك وللزمن خاصة اذا كنت من المحافضين ومن الذين

يعتنون بالسيارة من ناحية الصيانه فهي تستمر كالجديده وافضل مافيها انها مريحه بالخطوط

الطويله واقتصاديه كسيارة ثمانية سلندر من ناحية الوقود ومن ناحية قطع الغيار


بالنسبة للون فالون الاسود ملك ويعطي فخامة وهيبه وشكل رائع على الفكتوريا خاصة

اذا كان احادي اللون كالرياضي ولكن يعيبه قبوله للحراره بالشمس اقصد الحراره الداخليه

بانها اعلى من الالوان الاخرى طبعا شخصيا لاتهمني هذه السلبيه فكان عندي فكتوريا رياضي

اسود والان عندي ماركيز اسود ولم تهمني تلك السلبيه

وكذلك اي مخش يكون واضح وكثرة غسيله يجعله يبهت

وعموما الاسود جميل جدا لو كان جونا اوربي واذا اردت رايي الشخصي باختيار اللون

فانا افضل الاسود بغض النظر عن بعض سلبياته

واذا شريت اللون الاسود فاغسله مرة واحده بالاسبوع فقط او مرتين واهم شي لاتغسله في

الشمس او تمسحه في الشمس فهذا يجعل اللون يبهت والافضل الغسيل يكون بالليل فقط




والله يوفقك بشراء السيارة المناسبه والله الموفق


تم النقل للاستفسارات للاختصاص