تغطية مصورة متكاملة "فورد اكسبورر 2008"

ما اشغلتنا ولاشيء ... ومن حقك السؤال ثم السؤال ثم السؤال قبل ما تقدم على أي شيء بالأخص شراء سيارة ... أنا راح اجاوب على الاسئلة اللي اعرفها ..



المستعمل أنا سألت صاحب معرض سيارات الأسبوع قبل الماضي عن موديل 2005 نظيف قال تحصله في بحر الـ 50ألف ريال وقس على ذلك موديل 2007 ... من وجهة نظري إذا فيك قدره على الجديد توكل على الله أفضل من المستعمل .


وتضمن ان الصبغة ما تتقشر أو ما تفرق عن لون البدي مع مرور ا لزمن ؟



توكيلات الجزيرة ( حسب كلام مندوب المبيعات ) ما تستورد الفئة الأقل ... فأقل فئة عندهم تعتبر فئة ثانية وفيها الأزرار اللي على الدركسون ومثبت سرعة و تحكم بـ الراديو .


اتمنى لك التوفيق .

اخوك المحب ..

مع إجابات الأعضاء و صاحب الموضوع على الاستفسارات
أصبح الموضوع مرجع كامل ما شاء الله

أنا أدري إني أشغلتكم بـ أسئلتي عن مواصفات السيارة :D
بس وش أسوي قرار مو سهل خصوصاً إني أعتبرها سيارة المستقبل

2007 ما يختلف عن 2008 إلا بـ ألوان الصدامات بس ؟

يعني كل المواصفات الداخلية موجودة في الموديلين ؟

و اللي له خبره بـ المستعمل بـ كم أحصل 2007 نظيف من أقل فئة ؟
لأن إذا نفس المواصفات ماعدا الصدامات اشتري مستعمل
ثم أصبغ الصدامات بلون السيارة

و الكشافات السفلية تجي في الموديلين ؟

الأزرار اللي على الدركسون مثبت سرعة و تحكم بـ الراديو ؟
و هل تجي عندنا بـ السعودية في الفئة الأقل ؟

<<< يحس إنه أشغلكم من جد :D

هالشي بيخليني أغير نظرتي للسيارة :(
بحاول آخذ قيادة تجربية

صوت المحرك مرتفع وأنا الصراحة أطرب لما اسمع صوته وهو يزئر ... تحس أنك راكب أسد ... واستجابة المحرك بطيئة بالنسبة للدعسة .





في السابق كانت الوكالة عندنا بالسعودية تعتمد الـ 5000 كم للصيانة أما الحين اعتمدوا الـ8000كم كموعد للصيانة .

كلامك الملون باللون الأحمر هذا أقرب للصواب بعدم استخدام مثبت السرعة .

اكيد راح يكون فى فرق :)

ما أختلفت معاكم في هالشي بس اللي كنت أقصد أنه أكيد راح يكون فيه فرق في القوة بين ال6 سلندر وال8 سلندر والا أنا غلطان ;)

أولا اشكرك اخى على إثرائك للموضوع

انا لم اتكلم عن المقاعد لأننى كنت اعتقد بأننى الوحيد الى يعتقد انها غير مريحة :) اخوى ووا حد من الربع جربوا السيارة وكلهم يقولون لى ان الكراسى مريحة. انا اراها قاسية والاهم إنى اراها ليست عريضة بما فيه الكفاية. يمكن بسبب طريقتى بالجلوس على المقعد ولكن الكراسى ئؤلم افخاذى لأن جوانبها قاسية وليست عريضة بما فيه الكفاية لكى تسند الافخاذ بشكل صحيح

في السعودية الأكسبلورر متوفرة بأربعة فئات
الأساسية بنفس مواصفات السيارة في التقرير بس من دون حساسات خلفية ومعروضة حاليا بتوكيلات الجزيرة ب 95500 ريال
الفئة الثانية تزيد عن الأساسية بأزرار على الباب ومشغل أنوار أوتوماتيكية وحساسات خلفية ومعروضة حاليا ب 100990 ريال
الفئة الثالثة تزيد عن الفئة الثانية بمقاعد من الجلد وفتحة سقف ومعروضة حاليا ب 106500 ريال
الفئة الرابعة هي الإيدي باور وتفرق بالمسجل (مغير ل 6 اسطوانات ومضخم بقوة 190 وات وسماعة جهير سب ووفر) وكراسي الصف الثاني مفصولة، والكراسي الأمامي والصف الثالث كهرباء بذاكرة لموضعين لكرسي السائق، والدعاسات الجانبية اوتوماتيكية الإخفاء، ويمكن التحكم بارتفاع دواسات البنزين والفرامل، والتكيف الأمامي اليكتروني باللمس مع منطقتين لدرجات الحرارة، ونظام ترفيهي متكامل (شاشة عرض ومشغل دي في دي وسماعات بالبلوتوث) للصوفوف الخلفية، ومعروضة حاليا ب 126000 ريال

وبالنسبة لي فأنا اشريت مع بداية السنة اكسبلورر الفئة الثانية باللون الأخضر الحجري ومن الداخل بيج ومن تجربتي السيارة داخل المدينة بتستهلك من 16 إلى 19 لتر لكل 100 اما على الطرق السريعة فينخفض الاستهلاك لغاية من 12 إلى 14 لتر لكل 100 كلم حسب قوة الدعس والسرعة

وأداء السيارة في البر والتطعيس مرضي جدا وانا وأصحابي في العمل نطلع البر كل اسبوعين تقريبا تمشية، واحد منهم عنده لاندكروزر 2004 والثاني باترول 2005 والحمد لله للآن ما صادفتني مشاكل تغريز وأمشي معاهم بدون مشاكل ولله الحمد،

أما بالنسبة للسفر فللآن سافرت بيها لمكة المكرمة (1480 كلم ما بين الخبر ومكة) مرتين والسيارة جدا مريحة للأهل بس بالنسبة لي فأنا أجد الكراسي ناشفة بعض الشيء ومع القيادة الطويلة ظهري يتعب (ممكن عشان متعود على بيجو 406 فل)

نعم اخى. 2007 و 2008 الشكل متطابق. عندنا بالكويت فرق بين السنتين ان 2008 يجى من الخارج بلون واحد بينما 2007 كان يجى الدعاميات بلون اسود

جزاك الله خير اخوى :)

مشكلة الجلد انه حار بالصيف. الشيروكى إلى كان عندى كان جلد شد بلد وبالصيف كنت اعانى منه وخصوصا لما تكون السيارة واقفة تحت الشمس. بعدها حرمت اخذ جلد أو البس جلد :)

بالنسبة للأسلاك المكشوفة والبلاستك فهذى شغلات تلاقيها الحين بغالب السيارات. بس بصراحة احس ان البلاستك الموجود بالإكسبلورر اقل جودة من اليابانى أو من الامريكى القديم. طبعا ما اقدر احكم إن كان البلاستك راح يتحمل مع الوقت وخصوصا بجونا الحار بس سيارتى بغالب الوقت تحت المظلة سوا بالبيت أو بالعمل وبمجرد ما الله يقدرنى راح البس تضليل حرارى لزيادة الحماية

الاسلاك الموجودة بالمكينة تتطلب حرص عند غسيل المكينة. بس انا شخصيا ما اغسل مكينة السيارة بالمحطات ويمكن مرة كل سنة أو سنتين أوديها اغسل المكينة بالبخار. غير هذا ما اعتقد ان الاسلاك المكشوفة بالمكينة راح تسبب مشكلة مع الاستخدام العادى. الأسلاك الى تحت الدرج مشكلتها فقط إن كان عندك عيال عبثية زيادة عن اللزوم ويتدعسون تحت الطبلون :) بس بالوضع العادى ماراح يجى لهذى الاسلاك اى شى يضرها

بشكل عام، مع الاكسبلورر تحصل ما دفعت له. سعره ارخص من اليابانى المنافس له بكثير ومن المفروض ان نقبل بأن رخص السعر له ثمن وهو انخفاض جودة بعض الأمور الكمالية بالسيارة. مسألة بلاستك يطلع صوت أو عدم تغطية اسلاك لتخفيض المصاريف أمر كثير من الناس مستعدة للتضحية به مقابل انخفاض السعر. ولكن جودة المكونات الرئيسية مثل المكينة والجير وان السيارة تقضى بالكراج اكثر مما تقضى بالشارع فهذا امر لا يجب ان نقبل به ويجب ان ندفع مبلغ اكبر للحصول عليه :) وبحسب الذين استخدموا الاكسبلورر قبلى ومنهم نسيبى الى كان عنده اكسبلورر 2003 وباعه قبل كم يوم وشرى مكانه اكسبلورر 2008 نفس موترى فإن الاكسبلورر موتر يتحمل واعطاله ثانوية وليست جوهرية

الله يعطيكم العافية على التجاوب


اجاباتكم حول شكل السيارة

فهمت منها إن شكل 2007 و 2008 متطابق

صح ولا لا ؟

انا اتفق معاك في الامر ... اعتقد ان المسأله تعتمد على القير والدفرنشن بعد .

الله يعطيك خيرها ويكفيك شرها ...

اخي الكريم تقدر اتوديها يلبسون الفرش جلد نفس اللون وشكله حلو واجد انا شفت كثير من الربع امركبين جلد والله ما اتفرق بينه وبين الاصلي والاسعار حق سياره سيدان من 60 الى 80 دينار بحريني و بالدمام ارخص ...

خلني اقول لك اني من سنتين تقريبا قمت انتبه الى الاكسبلورر وعجبني شكله بس الحين لمن شفت ملاحظاتك بصراحه احبطتني وهونت عنه لانه انا ما احب شغل اللوص .. بلاستيك ضعيف ومو راكب مع بعضه واسلاك مكشوفه ... الخ يعني بعد كم سنه استلم ...
المهم ان شاء الله يطلع كلامي كله هرار والله يهنيك فيها ..

غالب الوكالات عندنا بالكويت تعتمد 5000 كيلو كموعد للصيانه الدورية وتبديل الزيت حتى لو كان دليل السيارة يذكر مسافات غير. الظاهر يبون يطلعون قريشات اكثر :)

بدليل المستخدم مذكور ان فترة التمرين 1600 كيلو والشى الوحيد المطلوب هو عدم قيادة السيارة على سرعة محددة واحدة لفترات طويلة وتغيير السرعة بين فترة والثانية و انك ماتسحب مقطورات لغاية ما تعدى 800 كيلو. مافى اى ذكر للسرعة القصوى خلال فترة التمرين أو استخدام مثبت السرعة (إلا إن كان هذا الامر عشان ما تستمر على سرعة واحدة لفترات طويلة)





جزاك الله خير اخوى وحياك الله :)





يجى منهم 8 سلندر بس موشرط مع الصف الثالث. التريل بليزر يجى منه نوع SS ثمانية سلندر والانفوى يجى منه نوع دينالى 8 سلندر

بالنسبة لقومة الاكسبلورر، هذى شغلة مومعتمدة على 6 أو 8 سلندر. كان عندى شيروكى طراز 89 مكينته 6 سلندر و 4 لتر نفس الاكسبلورر بس كان اقوى وماتلحق تحط رجلك على البانزين إلا والموتر طاير :)

ودي أسئلك عن تسارع السيارة وإذا ضغطت على البنزين للتسارع صوت المحرك يصير مرتفع والا ناعم وهادي ؟؟

أنا معاك في هالنقطه بس من كلامك ومن البحث في المنتديات أن السيارة قومتها ثقيله شوي يعني لو نزلت ب8 سلندر راح تكون أقوى في القومة خصوصا لمحبي التطعيس ;)

بالنسبه للإنفوي والبليزر سمعت انه اللي يجي منه صف ثالث يجي 8 سلندر بس مو متأكد من المعلومه

مشكووووووور ويعطيك الف الف عاافيه


على الجهد الكبير


صور جدا جدا ممتازه

شكراً أخوي pnrp أخوي المحب
مقدر وممتن لردكم علي

والله يقويكم على جهودكم الرائعه بالمنتدى .

دمتم بخير

بالنسبة للصيانة .. أنا سألت قسم الصيانة بتوكيلات الجزيرة بالدمام عن مواعيد الزيت وصيانة الـ 1000كم الأولى ( فترة التمرين ) .... قالوا لي لا نشوفك إلا لما تكمل 8000كم ( 5000 ميل ) واستخدم السيارة الاستخدام الطبيعي عدا السرعة لاتتجاوز الـ 100 كم وعدم استخدام مثبت السرعة إلا لما تكمّل الـ 8000 كم ... وكل 8000 كم جديدة تعمل صيانة للسيارة ...

استخدمتها على الطعوس كان الآداء ممتاز والدبل ممتاز جداً طبعاً نسمّت الكفرات على الـ 20 التطعيس بدون دبل ... زوّدت الهواء للـ 35 غرزت وطلعت بالدبل الثقيل ... الزبدة سيارة يعتمد عليها كثير رفاهية .. عائلية .. مظهر جميل .. وبعد ما استلمت السيارة بـ 4 أيام تقريباً اتصلوا بي من جدة يسألوني عن انطباعي عن السيارة والوكيل ومندوب المبيعات من ناحية التعامل معي ... وعلى فكرة كان عندي موديل 2005 والحين الحمد لله اخذت موديل 2008 لرضاي التام عن السيارة فهي تفي باحتياجاتي وأكثر .


تحيتي لكم ...

أخوكم المحب ..