تغطية مصورة متكاملة "فورد اكسبورر 2008"

جزاك الله خير اخوى :)

المكيف لغاية المستوى الثالث صوته غير مزعج. المستوى الرابع صوته عالى ومزعج. مروحة المكينة ماتنسمع من داخل السيارة وحتى خارج السيارة الصوت منخفض. بس الجو لازال بارد ويمكن بالصيف يزداد صوت المروحة

ماشاء الله.

الله يطعمك خيره ويكفيك شره موضوع متكامل بالتويق اخوي

باقي تقول لنا إنطباعك عن السيارة في البر ( في التطعيس ) بس مو الحين لما يقوى قلبك على السيارة ;)

الف مبروك

الله يعطيك خيرها ويكفيك شرها!!


اتمنى من المشرفين تثبيت الموضوع (( لانه مرجع لكل من يريد شراء اكسبلورر))

السلام عليكم

ما شاء الله تصوير رائع لسيارة رائعة
الله يعطيك خيرها ويكفيك شرها

وتستاهل كل خير وعليك بتدليع السيارة اثناء التمرين والله يوفقك

ما شاء الله تبارك الله
الله يعطيك خيرها ويكفيك شرها

السيارة مايحتاج غنية عن التعريف واثبتت جدارتها
تصدق عندنا في السعودية نفذت من الاسواق والسبب الطلب الزايد عليها حتى ان احد اقاربي نصحته بها وبناء على نصيحتي راح للوكالة وقالو له فيه ناس دافعين المبلغ كامل والى الحين بنتظرون لما توصل يعني بالحجز ويالله يلحقون

واشكرك اخي على التقرير والمجهود الرائع

الله يطعمك من خيرها ويكفيك شرها ..... احسنت الاختيار ما شاء الله ... بصراحة هي السيارة الوحيدة من فورد اللي تشدني ... سؤال هل مروحة المكيف مزعجة عند المستوى الثالث ... وكذلك مروحة المكينه ...
شاكر لك اخوي واسف على الاطالة
جعله الله مركب خير وسعاده لك ولافراد اسرتك

جزاك الله خير اخوى :)

انا بالعادة اتابع الصيانة بالوكالة طوال مدة الكفالة. ولكن لما تنتهى الكفالة ابدأ اسوى الصيانة بنفسى مثل تبديل الزيت وفحص السيور وغيرها

مشكور على الطريقة اخوى. طبعا من المستحيل إنى اخلى البنزين يصل للصفر :) ولكن الطريقة الثانية معقولة جدا

الله يطعمك خيرها ويكفيك شرها, كان معي موديل 1997 الشكل القديم سيارة إقتصادية في الصيانة والوقود بس ضروري ضروري ضروري توديها للصيانة في الوكالة كل 40,000

مقارنه غير عادلة لأن الماجنا من السيارات الإقتصادية
والإكسبلورر من سيارات الجيوب ومن المعروف أن أغلب الجيوب تصرف بنزين
إذا تبي تعرف الصرفيه :
1- إما تعبي التانكي فل وتشصفر العداد وتشوف كم يمشيك لما يخلص البنزين .
2- أو تعبي التانكي فل وبعد 100 كلم تعبي فل مرة ثانيه وتشوف كم لتر عبيت وبكذا تعرف كم صرفية السيارة لكل 100 كلم
طبعا ً تحتاج تسوي أحد هالخيارين أكثر من مرة عشان تشوف المتوسط للصرفية |1|

جزاك الله خير اخوى :)

كما تقول اخى بالفعل قد يتحسن الأداء مع التمرين

بالنسبة للون الداخلى، للأسف لم يكن متوفر إلا هذا اللون. انا معك بأن الداخلية البيج شكلها اجمل (ولكن سيزداد معها تعرضها للوسخ :))

فكرة جميلة إزالة شبك الامتعة العلوى. سألعب بالصور بالفوتوشوب وأشوف كيف راح يكون الشكل

الله يبارك فيك اخوى وجزاك الله خير

الله يسمع منك وتخف الصرفية. قرأت من قبل عن هذا الامر ولكنى لا ادرى لماذا هذا الامر؟ ما الذى يتغير بالمكينة كى تخف صرفيتها؟

ماشاء الله تبارك الله...أحسنت الاختيار

ومن ناحية المحرك بإذن الله مع التمرين راح تحس بالفرق إلى الأفضل طبعا
والمحرك وعزمه لاغبار عليه ممتاز جدا.

كان من الأفضل أن تختار داخلية الفورد الداخلية البيج الفاتح أو مايسمى بـ((الهلوز))

لكن ماينقصه إلا تفك شبك الأمتعة العلوي إذا كنت لاتحتاج إليه بعدها الشكل بيطلع روووعه وفيه شبه من الرنج روفر|1|

بالتوفيق

ماشاء الله تبارك الله فصفصت السيارة من الى

الف مبروك وربي يعطيك خيرها ويكفيك شرها

بالنسبة لصرفية البنزين كانت مرتفعه نوعا ما بسيارتي اول ما شريتها

لكن بعد فتره تحسنت الصرفية كثير وصارت صرفيتها عادية



تقرير رائع .. يعطيك العافية

جزاك الله خيرا اخى Director وشكرا على كلماتك الطيبة والجميلة :)

الله يعافيك اخوى. اعتقد ان سؤالك موجه لى وليس للأخ drive :)

اصدقك القول اخى بأن اقول لك بأنى إلى الان لم اسافر بالسيارة ولم اضغط على محركها بالقدر الكافى لكى احكم على ادائها (العداد لم يوصل 700 كيلو بعد)

إلى الان الاحساس العام هو بأن السيارة متماسكة وقادرة على الأداء بإعتمادية. طبعا الوقت لازال مبكرا جدا على الحكم ولعل الاخوة الذين يملكون نفس السيارة قبلى يفيدونك بشكل افضل منى.

الاكسبلورر اراه افضل بكثير من باقى الجيوب الامريكية المنافسة له من حيث المميزات والهدوء الداخلى والراحة. ولكن مقارنة باليابانى فإنه لا اعتقد سيقارنهم من ناحية الاعتمادية. البرادو 6 سلندر والباجيرو 3800 سى سى ينافسون الاكسبلورر بقوة ولديهم الكثير ليقدمونه من ناحية الاعتمادية والقدرة بالبر.

نصيحتى لك هى بأنك إن كنت قادرا على سعر البرادو أو الباجيرو فهما اختيار ممتاز ولكن الاكسبلورر يتفوق بالسعر والراحة الداخلية.

الله يعطيك العافية اخي المحترم تقرير شامل ورائع و رهيب من عضو رهيب و رائع ..

تقبل مروري المتواضع

سألت الوكالة عن تغيير الزيت لما جيت استلم السيارة وكان كلامهم انهم يغيرون الزيت كل 5000 كيلو مع الصيانه الدورية. انا من النوع الى مايبخل على السيارة بالسوائل والماجنا عندى بالصيف اغير الزيت كل 2500 كيلو والزيت مع الفلتر كل 5000 كيلو. صحيح السيارة يمكن ما تتطلب هذا التغيير السريع ولكن جونا بالصيف مايرحم وقنطار وقاية خير من الف علاج :)

تقريبا كل الوكالات عندنا بالكويت يعتمدون الصيانه الدورية كل 5000 كيلو بالرغم من ان دليل المالك يبين مسافات مختلفة. وإذا طنشت الصيانة راحت عليك الكفالة :(