محتار بين التاهو و اكسبدشن تكفون ساعدوني!!!

اإذا تبي الاعتماديـة خـذ الأكسبديشن أفضـل ويصــبر أكثــر
لكـن التـاهو إذا تبي شـكل بطـل ووحش لكـن يعيـبه تفكك الديكورات والقربعة
لكن الأكسبلور أنحــش منـه

اخوي الاكسبلولرر لا تفكر فيها نهائيا ..
لانه الوالد ((الله يطول بعمره )) عنده موديل السنه ..
و
جم مره يوديه الوكاله ..
يا علشان المفتاح و يا علشان الدعاميه و يا علشان المكينه ..
و
الحين الوالد متحسف ليش شراها ..
يعني شيلها من راسك نهائيا ..
و
الاكسبدشن اتوقع نفس الطقه ..
لانه من نفس الشركه ..
فاخذ لك التاهو احسن او اليوكن ..

السلام عليكم...

اولا التاهو شكل جميل ويوحي بالقوة والهيبة وايضا قيدته مريحة لكن يوجد به الكثير من الخرابات عكس الاكسبديشن (((وبدون تحيز للاكسبديشن))) فالتاهو عيبه الجيربوكس يمكن ينفرط عليك في اي لحظة والله اعلم لان ذا الش حصل مع ناس اعرفهم .....

والاكسبديشن ماعليه كلااام برضو وقوي جدا على الرمال ومريح في القيادة وهادئ على الطرق المفتوحة مع ذلك تظهر فيه بعض العيوب كصغر شاشة المعلومات والديكور اللي على الطبلون فقييير يعني بلاستيك بس مو مهم .... والمقاعد الخلفية غير التاهو فهي يدوية ليست اكترونية...

عالعموووم استخيير الله وشوف الافضل لك وانا الي قلته عن تجربة قيادة وزي ماقلت من اقارب لي

....والخيااار لك.....

وانا تصويتي للاكسبديشن.....

/أولا/ وقبل كل شي الأولى بالإنسان إذا جاء يقدم على شيء يستخير الله ...


ثانيا / وهذا مجرد رأي .. إذا كنت تبغى الشكل ويهمك الشكل أكثر من الاعتمادية خذ التاهو وإذا تبغى الاعتمادية والجودة فالأكسبدشين مطلبك ولا يعني كلامي هذا أن التاهو سيء أو أن شكل الاكسبدشين قبيح ...
بالعكس التاهو مريح في القيادة وفيه نعومة وسلسة لكن لي سابق تجربة مع أخوه اليوكن موديل 2007 وكان فيه بعض الملاحظات من تهريب لزيت القير وأصوات ديكورات الابواب حتى أن الباب الخلفي الشنطة إنفك ديكوره غير أرتفاع الحرارة عندي وأنا أطاعس فيه .. والتاهو واليوكن مثل ما قلت لك يختلفون في الشكل والديكورات إلى حد ما .... أما القير والمكينة والتقنية هي هي ...

وهذا الرابط يمكن ينفعك ...

http://www.assayyarat.com/forums/showthread.php?t=134871

الله يكتب لك الصالح