تحياتي ولد وايل
انا هنا ماني مندوب لتويوتا او وكيلها بالسعوديه او محامي لها يعني ماراح اكلف عمري اكثر من ساعة صدر مع توضيح بعض النقاط اللي تفضل فيها الشباب المتحمس والبعض المغرر به :smilie6:
فعلا الشمس لا تحجب بغربال ومن يقدر يقلل من تويوتا الكيان بمجرد موضوع
لو تجلس قرن يابو لماس مانقصت سياره من مبيعاتها
رغم حبي لتويوتا اليابانيه الا اني مستحيل اكلف عمري افتح موضوع عشان اقلل من الشركات الثانيه
كل دفاعي عن تويوتا من واقع تجربه وللرد والتوضيح فقط يعني مايجي مني الا ردة فعل ام الفعل دائما من الطرف الاخر
الغريب انك استشهدت بمقاطع الفديو وبعض المواقع والبرامج لتوضيح الحقيقه والمصداقيه اللي تقول عنها وكان المقاطع الموجوده في موضوعك نزيهه وصادقه (( على وزن كلامك طبعا ))
عجبي هل اللي يمدح الفورد والامريكي عمووما اصبح متخصص ومن يمدح التايوت يعتبر مرتزق وقليل خاتمه :e058:
لاتنهى عن خلق وتأتي بمثله عار عليك اذا فعلت عظيم :smilie532:
الظاهر إن المخمخة معك ما ركبت صح... المقاطع واضحة :
الأول مقطع لدعاية تويوتا
والباقي ردود على طريقة تسويق تويوتا لسيارتها التندرا ... أين المشكلة ؟ يعني المسألة في المقاطع ما فيها مرتزقة ... شركة تسوق بطرق غير نزيهة وأخرى ترد عليها بتوضح أمور تخفى عن كثير من الناس ... ومقاطع شركة فورد واضحة لأنها دعت الصحافيين والمهتمين بمجال السيارات وجمهور من الناس وعرضت عليهم القطع ... بينما شركة تويوتا أسلوبها دعائي جابت وبحكم سيطرت المنافسين الآف 150 والدودج رام والسلفرادو والتيتان وقامت بمقارنة بينها وبين سيارتها التندرا... وجعلت سيارتها الأفضل بكل شيء نفس أسلوب التقرير عن اللاندكروزر الجديد مع اللاندكروزر الشكل القديم والباترول لماذا تعمل هالشيء ؟ لكن الواقع يقول لا يا تويوتا وألف لا
(( على فكره المقطع الاول برعاية جنرال متورز ))
[CENTER]ماشاء الله عليك موقع على الشيك بدال تويوتا اشوف
[/CENTER]
بالله عليك كيف تعيش المجلات والقنوات الربحية ... عندهم تمويل ذاتي؟ ... أو عن طريق الإعلانات المدفوعة الآجر والتي تأتي على مزاج العم صاحب الشركة ... جميع الشركات وليست شركة تويوتا فقط وكل مجلة تقول السيارة الفلانية الأكثر والأفضل و ... و... وبالأخير نكتشف أن السيارة الفلانية مسحوبة من السوق بسبب عيوب مصنعية...
أنت تدري أنه أحيانا حتى المقارنات بين السيارات تكون مدفوعة الثمن علشان يرجحون سيارة على أخرى عن طريق شيء أسمه الإيحاء هل تعرف ما هو الإيحاء في الدعايات ؟
فئه الشاحنات تبي تسيطر عليها تويوتا مثل ماسيطرت على اللي قبلها
الكاديلاك ماركه يضرب بها المثل في الفخامه الى اواخر الثمانينات
[CENTER]وين الكاديلاك الان بجانب لكزس مع انه عمر لكزس مايتجاوز العشرين سنه
[CENTER]وين الخبره مانفعت الامريكان
[/CENTER]
[/CENTER]
[CENTER]السيارات اليابانية لم تنجح إلا بالسيارات السيدان الصغيرة فقط ...
[CENTER]وبالنسبة لسيطرة تويوتا على سوق الشاحنات ... الله يقويها هذا الميدان مفتوح رغم أن سوق هذه السيارات في الوقت الحالي مضروب بسبب أرتفاع أسعار الوقود ... وبالنسبة لسيارات اللكزس يبدو أنك تعتمد على التقرير المدفوعة الآجر ... وين راحت سيارات الكاديلات بجميع فئاته واللنكولن وحتى الانفنتي والسيارات الأوربية الفخمة
استشهادك بمقطع المبيعات غريب كيف تحكم على التندرا وهي مالها الا سنتين تنافس
الموديل السابق لا يعتبر منافس من وجهة نظري لانه لا يرتقي للمنافسه
من قال لك أنها منافس لا القديم ولا الجديد هذه الفئة تحت السيطرة المطلقة للسيارات الأمريكية ولن تستطيع تويوتا المنافسة إلا إذا أعلنت الشركات الأمريكية أفلاسها وتسكير مصانعها ... والدليل على طريقة أعلان تويوتا عن سيارتها في المقطع الأول ... تحس أن حركة واحد يقول لعل وعسى!!!
اما الحالي فصبرا صبرا محبي الامريكي
كل دفاعي عن تويوتا من واقع تجربه وللرد والتوضيح فقط يعني مايجي مني الا ردة فعل ام الفعل دائما من الطرف الاخر
ما شاء الله عليك ما تجي إلا من ردت فعل.... وردة الفعل وأحيانا تكون ردة الفعل دون دراسة وتروي .. فقط لمجرد أثبات رأي بأي طريقة كانت
نحن نحب جميع السيارات لأنها نعمة من نعم الله لكن لا نحب الضحك على الدقون وتضليل الناس...
على فكرة ونفس السؤال أعيده يوم إنك ترد أنت مجرب التويوتا تندرا؟
يابو لماس انت وشلتك الطيبه من محبي الامريكي
لابد من الايمان بعظمة تويوتا ومثل ماقال ابو تركي لبى قلبه واللي اتمنى من الجميع انه يتعلم من ردود ابو تركي
اقول مثل ماقال تويوتا تعتبر معجزه في صناعة السيارات
أسمي أو لقبي أو كنيتي أبو لميس .... وبالنسبة لشلتي الطيبة من محبي الأمريكي يسلمون عليك أنت وشلتك الطيبة من محبي التويوتا ويقولون ما عليك زود...
وأنا وشلتي الطيبة نؤمن بعظمة الله وحده لا شريك له ... يا أبو تركي الله يسلمه قال أن تويوتا معجزة ردينا عليها بأن جميع شركة السيارات معجزة لأنها بدأت من الصفر وأخذت بالأنتشار شيئا فشيئا حتى غطت الكرة الأرضية حتى سيارات تاتا الهندية تعبر معجزة وحتى السيارة الايرانية السورية تعتبر معجزة رغم تحفظي على كلمة معجزة لآن المعجزات لا تكون إلا للأنبياء..
انا مايهمني لا تويوتا ولا جي ام اللي يهمني بالدرجه الاولى انه الشركة تجيب لي سياره ماتسبب لي وجع راس وادفع فيها مبلغ وقدره وانا مرتاح بالي لا خرابات ولاهم يحزنون
رغم حبي لتويوتا اليابانيه
انا مادري ليش محرق رزكم الياباني بسعره العالي هماكم تحبون الامريكي وتكرهون التايوت
[/CENTER]
وش عليكم اجل من اسعارهن اللي بيشتري بيدفع من جيبه ماهو دافع من جيوبكم
وأنت وش محرق رزك إذا مدحنا في الأمريكي وقلنا أسعاره مقبولة بمقابل وجودته ... ولي الحق وللجميع أن أقول رأيي ولا يستطيع مصادرة رأيي وخصوصا بوجود الإدلة والبراهين... مثل هالمنتديات ما وضعت إلا لتوعية الناس من خلال تجاربنا ... وبعدين لم أتكلم بموضوعي هذا عن أسعار التويوتا ولم أجيب طاريها ... أرجوك أرجع لأخر موضوعي وأستوعب مقصودي... ومرة أخرى نحن لا نحب الأمريكي ولا نكره التويوتا نكره تضليل الناس بتقارير ودعايات من أبو ريالين.. وأنا ما منعت أحد يشتري تويوتا أو أي سيارة أخرى ... والله يهنئي الجميع بسياراتهم أيا كان نوعها..
كل شركة لها طريقتها في التسويق اجل ريدبول يعطيك جوانح :e058:
واليوتيوب مليان مقاطع بدون دعايات تبين لك وش التندرا من موتر بس كلف عمرك واترك التعصب وتبي تشوف اللي يسرك
بس رد بول ما قال أنا أفضل من البيبسي أو باور هورس ... مثل طريقة شركة تويوتا مع الشركات الثانية... نعم شفت التندرا ولا أخفي أعجابي به لأني أنا أصل أحب النوع من السيارات أيا كانت ماركتها ... لكنه ليس الأفضل بلغة الارقام... وحتى لو كان الأفضل يجب أحترام الخصوم ...
تبي ياباني عندك المعارض مليانه ولها وكلاء اليحيى والبازعي
[SIZE=4][COLOR=black]وابو جميل اللي زعلان منه انت لو شريت خليجي يضمنه لك داخل السعوديه يعني مايحتاج يجيب وهي ماليه السوق [/COLOR][/SIZE]
أولا / هذا أقتراح وأجتهاد من أبو لميس لأبو جميل ... حتى الأقتراح ما تبونا نقترح ... طبعا بحكم أنتشار أبو جميل في كل مكان يجيب الياباني الأصلي مثل العماني البريمي ويقول للناس هذا سعره كذا ويجيب حقه الخاص فيه ويقول هذا سعره كذا مثل الحركة اللي سواها يوم طلع اللاندكروزر الفاشل J وقال للناس عندي نوعين من اللاندكرزور قص ولزق في هذا النوع اللي هو J وهو خاص وفيه النوع الثاني العادي...
[CENTER]ثانيا / هل البازعي منتشر بكل مكان يعني تخيل واحد من جيزان يشتري من البازعي أتوقع صعبة شوي أو من أي منطقة لا يوجد فيها البازعي ... واليحي لا يعطيك ضمان على سيارته تخيل سيارات بأكثر من نص مليون ما عليها ضمان إذا طلع مبوش مين يجيب لي حقي ؟
ثالثا / يا ليت تشرح لنا كيفية أدخال أبو جميل سيارات التويوتا تحت ضمانه من اللي تباع عند غيره مثل اليحي ؟ فقط علشان يستفيد الجميع يمكن يكون أحد غافل عن هذا الشيء..
اخيرا ماهو ذنب تويوتا انها غطت على شركاتكم المفضله وماهي ذنبها انها تستغل اي فرصه لغباء الصناع الامريكان
وين خبرة الامريكان من قرن يصنعون مواتر وبالاخير غلق مصانع وطرد عمال وخسائر وديون توازي ديون دول العالم الثالث
ومن قال أنها غطت المسألة وما فيها كر وفر وإعادة ترتيب أوراق وحسابات بالنسبة لقطاع السيارات السيدان الصغيرة... وأما غيرها من القطاعات مثل سيارات SUV سواء كبيرة الحجم أو الصغيرة وأيضا سيارات البيك أب الكبير منها والصغير ما زالت هذه في قبضة الصانع الأمريكي على الأقل في الأسواق الأمريكية بدليل المقطع المصورعن نسبة المبيعات ...
وبالنسبة لغباء الامريكان هؤلاء الاغبياء هم المسيطرون على العالم برا وبحرا وجوا وهم الذين يصنعون لك وأنت تستهلك ... وأما غلق المصانع جميع شركات تصنيع السيارات تغلق مصانع وتسرح عمال الأمر لم يقتصر على الصانع الأمريكي ... والخسائر اللي تتكلم عنا هذه تسمى خسائر إعادة ترتيب الأوراق وأنت تعتقد أن الشركات الامريكية فقط تعتمد على صناعة السيارات في مداخيلها وارباحها عندهم أشياء غير صناعة السيارات إذا كان هذه الغبي فعل ما فعل... وأحمد الله وأشكره الذي سخر لنا هؤلاء الأغبياء بنظرك يصنعون لنا ويسهلون علينا أمور حياتنا ..
لولاالله ثم الحرب العالميه الاولى وتحجيم الصناعه اليابانيه بعد هالحرب كان ماشفنا امريكي يتفاخر بصناعته
كان الحين اليابان اختصروا علينا امور كثيره وتلقاهم قد سكنوا المريخ لكن للاسف الاغبياء استخدموا القوه
أيضا لولا الله ثم الظروف في وقتها والتي أدت لمقاطعة الشركات الأمريكية كان شركة فورد الآن مسيطرة على منطقة الشركة الآوسط ويا ليت ترجع للروابط في أول موضوعي وكيف كانوا الناس يقدرون شيء أسمه فورد ...
بعدين أحب أنبهك إلى أن اليابان كانت حليفة لمانيا زمن هتلر والذي يحاول أبادت العالم أرجع للتاريخ وذاكر زين ...
المريخ صالح للسكن ؟
الصناعات اليابانيه في الطريق للسيطره على العالم ويقود المسيره صنااع السيارات نيسان تويوتا
[CENTER]
نشوف ... إن غدا لناظره قريب ... نيسان تستاهل على الأقل ما سوقت سياراتها بنفس طريقة تسويق التويوتا تويوتا عمر قصير ونتائج كبيره
تويوتا لا تنافس الا نفسها بالوقت الحالي كل سنه تحطم رقم السنه اللي قبلها بالمبيعات
تويوتا لن تخسر اي رهان الا بيدها وهي اللي بتكون السبب الاول والاخير في خسارتها هذا لو خسرت
ما شاء الله عليك لا واضح إنك ما تهمك التويوتا ... وهذا وأنت ما لك دخل لا من بعيد ولا من قريب بالشركة ....
الكلام سهل لكن الواقع خلاف ما تقول ... الجميع يقول ويدعي بأرتفاع نسبة مبيعاته والكل يركض للمجلة الفلانية والقناة الفلانية علشان يذكرون بأن سيارات شركتهم عليها أقبال ... وكل شهر يطلع لنا تقرير عدة جهات وكل جهة تتكلم على حسب الدفع ...
والربح والخسارة ليست بيد تويوتا ... الربح والخسارة والتوفيق من عدمه بيد رب العالمين...
سعر الريال السعودي مقترن مع الدولار ومع ذلك نشوف اسعار السيارات الامريكيه مبالغ فيها
[CENTER]كلنا نعرف انه ولا سياره بالسوق تستحق سعرها
تويوتا اتجهت لاستراليا واندونيسا وتايلند علشان تخفيض أسعار سياراتها لكن الاسعار دبلت مع قلة الجودة
تخيل كامري 80 ألف وفورد أكسبلورر 80 ألف أيهما أفضل ؟
اللاندكروزر تغيير فحمات اماميه وخلفيه وصاينه مكينه وتغيير زيت مع فلتر وتشييك كامل للسياره
كلفني 750 ريال
[CENTER]تغيير فحمات أمامي وخلفي وتغيير زيت وفلتر وفهمناها لكن صيانة المكينة هاذي مهوب واضحة يعني وش صلحوا بالمكينة؟ وهل الكلفة شغل يد فقط ؟ يا ليتك توضح ؟
عموما كل ينام على الجنب اللي يريحه ودامك مكلف عمرك تبي تبين للناس الحقيقه والمصداقيه
[/CENTER]
نتمنى منك مواصله هالدرب بعيدا عن التعصب وان تكون ذمتك ضيقه
وتشوف لنا السلبيات في اي شركة كانت
[CENTER]سر ونحن من ورائك بس لا تطير بالعجه
[/CENTER]
يعني مكلف عمرك ... ورحت ورجعت بعد ما مخمخت وبالاخير تقول كلن ينام على الجنب اللي يريحه كان من زمان قلت هالعبارة وريحتنا وريحت جنوبنا ... وإن شاء راح أواصل بفضح أي كان يحاول خداع خلق الله وتضليلهم والأجر على الله...
من هو المتعصب الآن بعد كل هالكلام ؟ والحمدلله الأخوان لهم عقول يحكمون بها بين موضوعي وردك على موضوعي...
[CENTER]ولا تخاف على الأمريكي ثقيل وراسي ما يطير بالعجة مهوب مثل حبيبك...!!!
وأخيرا يمدحون المخمخة على الريق...
الله يرزقك على قدر نيتك
[/CENTER]
[/CENTER]
[/CENTER]
[/CENTER]
[/CENTER]
