الحقيقة لا تحجب بغربال يا تويوتا..!!

كلام لايضير عشاق تويوتا بشى......الشركه الافضل ويكفيك استخدام اليابانى وتويوتا بالذات

والناس هم شهود الله بارضه

لا احد ينكر جودة سيارات تيوتا ولكن لماذا اشتري سياره 4 سرندل ب 80-95 الف ريال ؟؟؟؟؟

هل السوق يخلو من المنافسين ؟؟؟ اعتقد ان السوق الان يزخر بالمنافسين ذوي الجوده العاليه

وانا من الناس الذين يحترمون صناعات تيوتا ولكني اتجهت الى شركات اخرى لأنها بمواصفات

جيده وبسعر معقول لكن زبدة كلامي انه من المفروض ان شركة تيوتا تزيد من جودة الديكورات

الداخليه والخارجيه ومواد التصنيع عموما لأنها لاتختلف كثيرا عن منافسيها اليابانيين

فأذا كانت تعتقد انها وصلت لمستوى المنافسين الأوربيين لتستحق هذه الاسعار الخياليه

فليشاركها عشاقها احلامها ولينعم الاخرون بالفخامه الاوربيه الحقيقيه بأسعار تيوتا وربما بأقل .

اخوي أبو LAMeS . . .

كل شركه لها اسلوبها في التسويق وهي حره بذلك
ومن الصعب ان لم يكن من المستحيل ان تشتمل صناعتها لسياره
معينه او مجموعة سيارات على المواصفات . . . الخ
يكفي ان تويوتا لكزس و هونداء اكثر السيارت مبيعاً في الولايات المتحده
وسيارات الفان الكوريه (هيونداي و كيا) اكثر مبيعاً من سيارات الفان الامريكيه
في امريكا ذاتها ........

ومثل ما قال اخوي مهندس جديد (المهم، انا ما ادري كيف انت ما تصدق الدعايات الي اتسويها تويوتا ومثل ماتقول مدفوعة الثمن، وبنفس الوقت تصدق دعاية سلبية على سيارات تويوتا والي اداها شركة فورد. يعني شي يحير والله)

انا مالي في تويوتا لا ناقه ولاجمل . . .

وبعدين تويوتا مااااااااااااااااااااااااااااااااااااااااااااااتحتاج مندوبين لان اسمها كالشمس
ما تحجب بغربال .....

تحياتي

ابو لميس... الي ما يطول العنب ........

المهم، انا ما ادري كيف انت ما تصدق الدعايات الي اتسويها تويوتا ومثل ماتقول مدفوعة الثمن، وبنفس الوقت تصدق دعاية سلبية على سيارات تويوتا والي اداها شركة فورد. يعني شي يحير والله

لكن هذا ان دل على شي انما يدل على تحيزك اخوي... وانا صريح وماعرف اجامل...


كل الاختبارات الي قاموا فيها اختبارات عمياء ومالها اي معيار معين،، سواء القيادة على الطريق الوعر والي بصراحه ما بين عندي اذا كانت الصورة حقيقية او صورة ثلاثية الابعاد، لان حركة الكيمرة غريبة وثابته بشكل يوحي لك ان الي اتشوفه انميشن وليس حقيقة.

ولو اتفرضنا ان التجربة كانت حقيقية، لا تستبعد ان يلعبون في جانبينات التويوتا وينشفونها حتى تتعرض السيارة لكبر هز ممكن.

وبالنسبة للفيديو الي فيه البرغي الكبير للفورد ويقارنونه بالبرغي الاصغر لتيوتا.. طيب ممكن فورد تستخدم 10 براغي كبار وتويتا تستخدم 20 برغي صغير، المحصلة نفس الشيء، لكن هم يركزون على اي شي في صالحهم وما يكشفون الحقيقة الكاملة.

بالنسبة لاختبار الوزن ، انت شايف صورة وارقام لكن ماتعرف كم الوزن الي طبقوع على كل شاصي.

والاختبارات الثانيه كانت عبارة عن تنكيت وتشويه سمعه، من تغريز غير حقيقي للسيارة، الى ربط حبل القلص بصدام السيارة وهالركات المصخره...

لعلمك ان تيوتا تندرا اكثر سيارة مبيعاً في امريكا، وانا مادري احصائياتهم مبنية على ايك، لكن بكل تأكيد ان شركة فورد على وشك الافلاس، وتستخدم سلاح رخيص في امريكا وهو سلاح الدعايات وسلاح الوطنية.

تحياتي أخوي فهد لا الشمس اللي قصدتها هي شمس رب العالمين لا شمس تويوتا ولا غيرها

الكلام سهل وأنا أخوك... الادلة واضحة لا يمكن لتويوتا حجبها مهما حاولت ...

وبالنسبة لسالفة العنب ... إذا كان الله منعم عليك وتقدر تطول العنب على قولتك فأحمد ربك وأشكره ... ولا تسخر من غيرك بفقره
والحمدلله والشكر قادر أطول جميع عنب الشركات وبلح الشام

السوق الامريكي سوق حر وكبير والعمليه مش مقصوره علي تويوتا وجمس وفورد علي كل الشركات ماكدونالز سب واي برجركنج كوكا كولا بيبسي كل شي ممكن انك تطلع مقارنه بين اي منتج كان وتطلع عيوب وايجابيات اي منتج وطبعا هذا راجع الي انظمه البلد والقوانين حتي لما تدخل مثلا وكاله لجي ام راح تلقا سياره من تويوتا او هوندا او فورد بنفس الوكاله وراح يشرحون لك مميزات السياره مقابل السياره الثانيه سوا هوندا او تويوتا او فورد لكن هذا مايعني ان السياره الثانيه ماتسوي او عديمه النفعلان هئيه الطرق والمواصلات الاكريكيه قبل ان تدخل اي سياره اي التسويق تعمل عليها اختبارات كثيره ودقيقه جدا يعني انها مانزلت السوق الا بعد انها اجتازت المتطلبات اللي مخصصتها هذي الهئيه وهذا اللي تشوفه اسلوب دعائي ليس الا وهذا اسلوب السوق الامريكي ولو ماكان هناك نجاح للسياره هذي ماراح يتم ولا يكون هناك مقارنه وبسب انها اخذت حصه كبيره من السوق وفه تمثل لهم خطر الان وفي المستقبل ومن هنا تتم المقارنه بالشكل هذا وهذا سبب لازم يؤخذ بالحسبان ومش معناته ان السيارات الامريكيه خصوصا في البك اب او الدفع الرباعي طلعت قبل تويوتا انها افضل من التويوتا وخلاص هي الافضل العلم تطور والطموح وصل تويوتا الي اكبر منتج في العالم بعد ماكانت السيارات الامريكيه هي المتسيده في العالم وممكن اذكر شي بسيط سياره مثل اللاند روفر القديمه من الستينات الي بدايه الثمينات كانت وحش السفاري وكانت السياره الاولي في اكتشاف مناطق وعره وخطره في افريقيا وغيرها لكن الان وين هي ماسارت اليسياره لا يستخدمها الا االجيش البريطاني وقلت شعبيتها ويمكن خلاص راحت هذي الاسطورة ومع العلم انها كانت مضرب المثل والناس الان تشكي من كثره خراباتها وحرارتها وقطع غيارها الشي الاكيد ان تويوتا سارت كابوس مرعب لكل منتجي السيارات وصدقوني لو انها مااخذت نسبه كبيره من السوق الامريكي ماكان شفت هذي المقارنه والا ليش ماجابو مثلا بيك اب من نيسان والاميستوبيشي والا دودج والاغيرها وش معني دائما وفي الغالب النقارنه مع تويوتا مع العلم ان سيارات فورد والاجمس خصوصا البك اب من افضل السيارت ولها سنوات طويله في السوق الا ان الناس والمستخدم توجه الي تويوتا لانهم لقو اشياء افضل من الغير وابعطع شي بسيط وهذي حقيقه كانت فورد تصنع قيور سياره من سياراتها عند شركه يابانيه واصبح علي السياره هذي اقبال غير طبيعي من الناس سالو فورد الزباين عن السياره قالو هذي السياره في الموديلات السابقه كان القير دائما يوجد به مشاكل لا تنهي والان السياره 7 سنوات واكثر مااحد يشكي منها لما شيكو شركه فورد علي القير لقو ان الشركه اليابانيه صنعت القير بافضل من الموصفات المطلوبه في الاساس من فورد وافضل من صناعتهم الاساسيه . الصناعه اليابنيه صناعه جباره ولها ثقه عاليه عند الناس بكل العالم مش الخليج ومع العلم ان سيارات امريكا تجي هنا بمواصفات غير المعده للسوق الامريكي وهذا شي واضح وحتي الاوربيه واليابنيه وارجع واقول ان العيب من الوكلاء وانضمه التجاره بكل بلد .في النهليه السيارت الامريكيه واليابنه والاروبيه كلها سيارت ذا جوده لكن مع الاختلاف في الميول وطريقه التصنيع

والله فعلاً الشمس لا تحجب بغربال

بس الشمس هنا تويوتا والياباني بشكل عام ...

وش جاب فورد لـ لتويوتا !!!!!!!!!!!!!!!!

ما راح اطول لان كثرة الكلام مااااااااااااااااااااااااااااالها داعي لان القضيه محسومه

وعلى قولة المثل :

الي ما يطول العنب حامض عنه يقول ..

تحياتي

طيب صل على النبي اتذكر واحنا صغار كان عندنا مدرس تربية اسلامية جزاه الله خير وكثر الله من امثاله
علق ورقه في اخر مسجد المدرسة وقال اي واحد عندهم هايلكس موديلها 89 الى 93 يشيل النسافات لانه مكتوب عليها لفظ الجلالة وفعلا جايب واحد من العيال وحده حتى الشدة الي فوق لفظ الجلاله موجودة
وانتو بالكرامه في نفس الورقة حاط نوعية جزم كورية فعلت نفس الشئ
وروح دور لهايلكس شد بلد ماغيرت وراح تتاكد بنفسك من هذا الشئ

اندهشت من المقطع الاول للبيك اب ..تويوتا اكبر من جذي


ليش يسون هالحركه الصراحه مالها داعي مبين انها تلفيق


بكل الاختبارات يطلع البيك اب التويوتا الاول ولا جمبه احد


بالذات بالبريك مبييين حيل انها تلفيق وعدم المصداقيه ...


صحيح تويوتا هي علامة الجوده وتويوتا من افضل الشركات


لكن الحق ينقال انه تويوتا وصلت الى الاعلى ولكنها بدت بالسقوط


ان لم تتمكن من نفسها ستهوي الى اسفل ولا مجال لعودتها ...


والدليل لاند كروزر الجديد وجودة سيارتها بدت تقل والمواد المستخدمه


وهذا ماصرح به رئيس شركة تويوتا ..وطبعاً معه السعر الغاااالي ...


مثال : الفتك اعلى فئة فلللل اوبشن بـ 13 الف دينار والاند كرورز


اقل فئة 12 الف ..اسعااار خيااااليه الصراحه والعااالم تشتري


لكن تشتري على اساس العلامه...هذه العلامه التي على مقدمة الكرسيدا والاند والكامري والكورلا


ماقبل 2005 اما بعد فسمحولي يا اصحاب وعشاق التويوتا هذه سيارات تلفيق عليها علامة تويوتا


نأمل ان تتخطى تويوتا هذه المشاكل وتبتعد عن التزوير وتلفيق الاختبارات والدعايات


او تكون دعايات حقيقه وواقعيه


مع التحيه اخوكم عاشق العباره

معذرة تسب التويوتا وتقول ان المتعصبين لها كثير نعم المتعصبون كثيرون في العالم كله وهذا لقوتها وميزاتها ويكفي انك مدحتها بذلك
ثانيا كل واحد يعرف ان الامريكي اول سنة او سنتين ثم لا يساوي عشر قيمته ولماذا لانه تظهر فيها الخراب والتعطيل من المعلوم ان التويوتا اكثر سيارة انتشارا عندنا ومع ذلك هي الاقل في الورش التصليح
تجد كرسيدا قديمة قبل ثلاثين سنة او اكثر وكذلك تجد الاند كروزر القديم جدا وبكثرة ولكن يصعب ان تجد الامريكي الا في النادر مع العلم ان قديما كانت السيارت الامريكي اكثر لكن اين ذهبت تلك الاعداد الكبيرة

عن نفسي مايهمني إلا شي واحد
ان سيارتي ماتغثني وترفع ضغطي وكل يوم طالعه لي بمشكله
سواءا كانت تويوتا او بي أم او تاتا :)
أما من الأفضل ومن الأقدم ومن الأجدر ومن ومن ومن ...
فهذا يهم المساهمين وأصحاب رؤوس الأموال هناك
تحيتي لك

حياك اخوي ابولميس ابغى اقول بس ان مقوله(من يأتي متاخرا فهو يستحق العقاب) لاتنطبق على مجال صناعه السيارات والدليل نجاح الارمادا في فئه اول مره يدخلها الصانع الياباني
تحيااتي

مشكور اخونا على الموضوع

بس المقاطع اللي انت حاطها احس ان فيها استهزاء كثير لتويوتا مودفاع عنها

لكن مو بهذي الطريقة تقنعون المستهلك بشراء منتجاتكم

في اي طريقة وطريقة

انا ماتكلم عنك اخوي ابو لميس ان اتكلم عن الناس الأمريكان أللي يكرهون شي اسمة ياباني

تصدقون ان امريكا تدرس قرار عن وضع ضرائب لشراء المنتجات اليابانية

طيب ليش اليابانية ليش مو كل منتج غير امريكي يضعون عليه ضرائب

هذا بسبب الحقد على الانتشار الياباني الكبير بأمريكا

واللي يقهرك في افلامهم دائما يستخدمون سيارات امريكية وتكون قوية وزي كذا

والمجرم تلقاه معاه اوروبي او ياباني صراحة مصخرة

يلعبون كأنهم بزران

انا اكره الأمركيان نفسهم وعشان كذا كرهت منتجاتهم

وإلا منتجاتهم بالأساس مسكته وحلوة مررررررررة لكن لو ما تكون صناعة امريكية

كان تمام

مشكور اخوي

وإلا اعجبني المقطع الاول وفيه التفوق الياباني بالتسارع المركز الاول للتندرا والثاني لتايتان