وش رايكم

اخواني الاعزاء السلام عليكم

انا ناوي من زمان اشتري سيارة وكل يوم لي راي لاني محتد على التاجير المنتهي بالتمليك عشان كذا الواحد يوسوس مليون مره
كنت احب السيارات الجيوب او SUV لكن الجيوب في الغالب تكون غاليه وبترهقني شوي من ناحية الاقساط مثل الفورتشنر او الاكسبلور او الفيراكوز او جيب المازدا لكن فكرت بحل وسط :
1/ هونداي سانتافي بسعر 80 الف موديل 2009 ويمكن القى 2008 بأقل . لكن السؤال هل يستحق هذا السعر وعملي ام لا؟
2/ جيب توسان بسعر 60 الف . برضه هل هو عملي ويبيض الوجه
مع ملاحظة ان استخدامي بصفة عامة يكون داخل المدينة فقط وانا عزوبي يعني ماعندي عايله ومو راعي خطوط كل استخدامي فقط فقط داخل المدينة وعلى الاسفلت بس حتى الثمامة ماراح اطبها .
وش رايكم دام فضلكم؟