السلام عليكم ورحمة الله وبركاتهـ
بقولكم على سالفه سارت معي بالمركيز
ومن فتره طويله السياره فيها رجه تروح وتجي والله ارتفع ضغطي منهااا
اسويلهااا وزن اذرعه وترصيص ولافيه فايده
واكشف على عمود الدوران وكل شئ
ولاطلع شئ
وقالو غير الكفرات البعض محبله وهي جديده مالها 8 اشهر
وأغير الكفرات جديده من برجستون مع ترصيص ووزن
ولاراحت موجوده
الي خلاص قرفت وكل واحد يفتي علي من المهندسين:c004:
وأطب بوااحد من المهندسين ومكتوب على الوحة المحل
تخصص فوردااات
واروحلهـ
واقوله المشكله الي عندي واقوله السالفه كلهااا والغيرات وكل شئ
وقال غير زيت الجربكس الرجه منهاا
ووأستغرب من كلامهـ :emot70:
اقول بنفسي اشدخل زيت الجربكس بالرجه شكله يبي ينصب علي
وأطنشه قلت ماعنده سالفهـ
والمهم بعد فتره الا اغير زيت المكينه واكشف على زيت الجربكس الاهو ناقص
قلت خليني اغيره جديد مع الفلتر ومن الوكاله الزيت
واغيره جديد
وقسم بالله ان الرجه رااحت من السياره على طوووول
ولاكأن فيه شئ
وعلى طوول اروح كل ما أعلم واحد بسالفتي يقول اشدخل الزيت بالرجه
والله ان الرجه رااحت على طول بعد تغيير زيت الجربكس مع الفلتر ( وكاله اصلي)
وأفكر بالمصري الي قالي عليها وطنشته وقلت نصااب وطلع كلامه صدق
وحبيت ان انقل لكم تجربتي وللفأيده لكم
ولبد ان نغير الزيت الجربكس بحدود 40 الف كيلو او 30 الف على حسب كلام الوكاله
والي عنده رجه بالسياره وسوى كل شئ وكفرات جديده ولاراحت على طول شوف زيت الجربكس
وللمعلوميه سيارتي فورد مركيز موديل 2000 استخدام امريكي
ودعواتكم لي أماااااااااااااانهـ
وأسف على الاطاااله
