السلام عليكم ورحمة الله وبركاته
مساكم وصباحكم بخير لكل عضو وزائر لهذا الصرح الرائع وابدأ معكم بمعلومات عن السياره
نوع السيارة : هيونداي ازيرا فل كامل
موديل السيارة : 2006
لون السيارة : اسود ومن داخل بيج
عداد السيارة : 12000 كلم
============================
بداية قصتي قبل سنتين ... بعد تخرجي من الثانويه العامه ... ومعاناة في اختيار سيارة المستقبل من المنتديات الى مجلات السيارت .... وانا احاول اختار السيارة الي تريحني ... في البداية القلب مال الى الالتيما ثم المورانو مريت الوكاله " الحمراني" وشفت السيارتين ... بس صار لي تحقظ على الديكور الداخلي للثنتين ....صرفت النظر عن السيارتين ... وقلت عساء في ذالك خير ... شوي وانا مار من على طريق خميس مشيط وابها والتفت على وكالة الناغي الا وشوف سيارة لفتت نظري ..وهذا ما يسمونه الحب من اول نظر ه :e058::e058::e058: دخلت وكالة الناغي بالخميس وسئلت عن اسم السيارة وقالو اسمها "ازيرا" ... بصراحه السياره تحفه خاصه من برا ومن داخل .... وتجمع الميزه الشبابيه ... استشرت مجموعه من الاخوان والاصدقاء .... فقالو لي فكك منها كوري وتتهربد ويطيح سعرها وهلم جرا ... استخرت ربي ولايزال القلب متعلق بالسياره ... رحت الوكاله ...وكان سعر السياره ب82،000 تقريبا ... طلعت السيارة ...والحمدلله السيارة مرتاح لها لابعد درجه ... حتى ان الناس استغربو ان هذي السياره كوري .... وبعد مرور سنه وقع لي حادث على طريق الخميس ابها
والسياره راحت فيها خاصه الوجهيه .. وديتها الوكاله قالو شغل اليد ب 6000 ... سعر نار ... رغم مافيه الا تركيب قطع .... فريت ورش خميس مشيط كلها ... ولقيت سمكري ممتاز من توصيه واحد له باع طويل في الورش ....وفرق 3000 عن سعر الوكاله ... وبدت الحين المعاناة في قطع الغيار ... السيارة طبعا ما انتشرت واجد في المنطقه والاسعار مناسبه جدا جدا ولكن المشكله في الوكيل الحرامي "الناغي" تخيلو عشان يجيني شبك لوجهية السياره اقعد شهر لما يوصل ... غير المعامله الزفت حتى قدني بتضارب مع الهنود الي في الكونتر اكثر من مره من الملطعه الي اشوفها منهم
حتى تغيير الزيت وديتها مره عندهم وتبت ماعاد اودي سيارتي مره ثانيه ..تخيلو عشان تغيير زيت وتشييك سريع قعدت السيارة 4 ايام
والله لاهي سمكره يابوناغي .. المهم ما لكم في الطويله ..... طلعت السيارة من العناية المركزه :e058: بعد معاناة 6شهور بدون سيارة وعلى قولت المثل خربانه خربانه خلنا نعميها ... كرفت السيارة كرف غير طبيعي لدرجه ان مره كليت مطب وطارت الكفرات الاربع غير التطعيس بها .... والسرعه ..والمقاومات وحرق النمر الخ ...... وللحين ماشيه 120000 كلم .... وما طلبت مني بعد الحادث ... الا الزيت والسيفون وزيت الجربوكس وفلتر الهواء والاقمشه ...... ولمبات الكشافات ..... يعني الحاجات الاستهلاكيه ... والسيارة ماشيه معي مثل اللوز والسليلوز ولله الحمد وبلخص لكم اهم الملاحظات في السيارة بالاسطر التالية .......
من ملاحضاتي في السياره من ناحيه ايجابيه :-
1- السيارة كرفها غير طبيعي ماشالله ...
2- رساوة ممتازة جدا ...
3- الديكور الداخلي تصميمه ممتاز
4- السياره عزمها حلو حتى اني اجيبها للمية في 6،5 ثانيه وهذا على حسب النشاط والتمرين
5- السيارة راحبه من داخل والمقاعد مريحه
6- قطع غيار مناسبة بشكل عام سواء كانت القطع الاستهلاكيه او الاخرى
7- التكييف ممتاز
ومن ملاحضاتي في السياره السلبيه :-
1-اللون الاسود بيذبحك من كثرة الغسيل بس هو اللون الايق على السياره في نظري ...
2-اصوات في الطبلون ... خاصه وقت الضهر في الشمس ... اصوات طقطقه
3- لون انوار الطبلون غبي في نظري ... وهو اللون الاخضر
4- المسجل صوته منخفض مقارنته بمسجلات السيارت الاخرى
5- المسجل مافيه كاسيت ... سي دي فقط
--------------------------------------------------
هذا ما حبيت ان اشارككم فيه ... واعذروني على القصور ... والاطالة ... وارجو ان الموضوع عجبكم ...وبانتظار ردودكم ...... لكم اجمل التحايا
