ابي اعدل سيارتي وش افضل المحلات بالرياض؟

مااااااااكسيماا @user_36763 · 30-08-2008

اسعد الله صباحكم / مسائكم

بكل الخيررررررررر

وكل عام وانتم بخير وشهر مبارك علينا وعليكم ان شاء الله

ويالله يارب انك تجعلنا من صوامه وقوامه

ما اطول عليكم حبايبي

ياليت اللي عنده خبره في تضبيط السيارات ابي محل حلووو وسعره معقول لاني ابي اقلب سيارتي من كابرس ال اس الى رويال وابي محل القى عنده كل شئ من شمعات واصطبات خلفيه وجنوط وغيره

ويكون اصلي بس لحد يقولي وكاله لان الوكاله نااااااااااار

شاكر لكم مقدما ياجعل عيني ماتبكيكم

zoom_833 @user_85677 Banned · 21-09-2008

^^^^^^^^^^^^^^^^^^^

يصبحك بالخير اخوي ;)

الغرابي تراه حي مو محل يا بعدي :)

--------------------------------------------

بالنسبه للاسطبات بـ2000 غاليه جدااا .

الجنوط بـ2000 لو هي نظيفه تراهي لقطه ..

بس تاكد انها اصليه .

بالتوفيق

بن قمره @user_121560 · 21-09-2008

عليك في الغرابي احسن محل في الرياض

Sonata GLS 2006 @user_54588 · 03-09-2008

هلا والله اخوي...

أنا أعرف واحد معه كابريس اس اس 2008 مركب له اصطبات LED شاريها من الوكالة بـ1500ريال (أو أقل ) وركبها عند محل بـ50 ريال....مع انه رايح للغرابي وحصلها هناك بـ2200...

الوكالة ارخص في بعض القطع من محلات الزينة...

بس اتوقع انه شاريها من قطع غيار ترايستار...

والجنوط..اذا كانت نظيفه جدا اظن ان سعرها مناسب....مادام ان سعر جنوط السوناتا 17 بوصه مستعمله بـ 2000 ريال..

ان شاء الله اكون افدتك....واي خدمه حاضرين للغاليين..

أبـــوبـــدران @user_19528 · 03-09-2008

الله يعافيه ويخليك .

بغيت اسألك سؤال / وش الأشياء اللي تتغير بالكابرس ال اس لتكون رويال (القطع الخارجيه ؟؟

وكم موديل سيارتك ؟؟

اللي اعرفه ان اللي يتغير (شبك + اصطبات + جنوط + زيق نيكل بالشنطه + بس ) وش الناقص ؟؟

.
.

دمتم بـود

stun @user_2575 · 03-09-2008

بالتوفيق يالغالي

لكن حاول تاخذ ضمان على الاسطبات الـ LED. عشان يمكن تطفى و لا شي خصوصا إذا ما كان وكالة.

و الرويال نادر نلقاه في الشوارع, فما بالك بالتشاليح؟

:)

مااااااااكسيماا @user_36763 صاحب الموضوع · 03-09-2008

تسلم يامشرفنا العزيز وربي انك طيب وعلى طول ماشاء الله عليك ترد

وان شاء الله نروح بكره ونشوف وانالقيت عند محل واحد في الغرابي الاسطبات وقال لي الاثنين بـ2200 ريال بس عاد نطمع بالاقل ^_^...ماقصرت وربي يعطيك الصحه والعافيه

ابو بدران

تشليح الحاير مكلم واحد هناك يقول مافيه رويال ابد

بس تشليح الصناعيه مارحت له وشكلي ابمره بكره واشوف وبصراحه كان غايب عن بالي مره مره

لكن شكرا لك وماقصرت وربي يعطيك الصحه والعافيه

أبـــوبـــدران @user_19528 · 02-09-2008

وش رايك بالتشليح !!

تراه بيعجبك , وقبل ماتروح لهم .. مر على تشاليح الصناعيه القديمه (في وسط الصناعيه)

عندهم كل شي وافضل اسعار من الحاير ,

والله يكتب اللي فيه الخير

:)

stun @user_2575 · 02-09-2008

انا لقيت مستعمل بـ2000 ريال بدون كفرات وش رايك سعره زين ؟؟

إذا كان نظيف و ما فيه ضربات توكل على الله و خذه. رخيص و سعره سعر تجاري.

وبعدين ماقلتوا لي وين القى اسطبات رويال 2007 اصليه بس تكون ارخص من الوكاله ؟؟

محلات قطع الغيار حقت شفروليه برا الوكالة, و ترا بعض المحلات في الغرابي تجيبها. مر عليهم يمكن تلقاها. (مثل محل التمران و غيره).

مااااااااكسيماا @user_36763 صاحب الموضوع · 02-09-2008

تسلم اخوي بس التجاري يتكسر على طول ومايصلح للخطوط

والوكاله مثل ماقلت نااااااااار

انا لقيت مستعمل بـ2000 ريال بدون كفرات وش رايك سعره زين ؟؟

وبعدين ماقلتوا لي وين القى اسطبات رويال 2007 اصليه بس تكون ارخص من الوكاله ؟؟

stun @user_2575 · 31-08-2008

- شمعات و اسطبات و شبك في محلات قطع الغيار برا الوكالة, فيه محلات قطع غيار في الصناعية القديمة و صناعية أم الحمام. بس يمكن صعب تلاقي برا الوكالة لأنها كابرس جديد.

- جنوط في الغرابي (تجاري) و عندك الوكالة (أصلي).