قومة الأكسبلورير

اللي يبي المطارح بفور ويل ياخذ اكستيرا قير عادي

واذا على ثقل القومة للاكسبلورر فاقترح حتى تجرب صح انك تفصل فيوز الABS وشف كيف يفحط بالقومة

والميدان ياحميدان

سرعته ك SUV ممتازة جدا وهذا بعد ما جربته بالوكالة، موتر جميل وقوي والسيفتي حقه قوي جدا :)

عن تجربة للاكسبلورر تغيرت وجهة نظري بالنسبة لقومته وقوته..السيارة ماشاء الله من أبدع مايكون

قارنتها بالجراند ماركيز 2003 الاكسبلورر يقوم على الماركيز وبعدها يجيبه الماركيز خط علما بأن الاكسبلورر المجرب 2006

وسرعة استجابته في الخطوط المفتوحه رائع جدا.

ولاأريد أن يحكم الشخص على السيارة حتى يجرب.

بالتوفيق

تراة ماتصدق كلام الناس
اتذكر اول يقولوا الامريكي مايعيش ولمكيف مايبرد
ولما جربنا والله انه يعزك
والسرعة نهايتها الهلاك
والله يعطيك خيرها ويكفيك شرها

الأفضل انه يجرب الموتر بنفسه. بالنسبة لى الموتر قومته من ابدع مايكون بالنسبة لسيارة دفع رباعى وخصوصا إنى مانى راعى قومات وفزات قوية بالمواتر بس لين احتجت انى اتعدى سيارة بالخط الموتر يجاوب معاى

بصراحة ما ادرى ليس الأخوان يركزون على موضوع القومة. الناس ماتاخذ دفع رباعى للمطارح الى يبى المطارح ياخذ سيارة سبورت. الجيوب مصممة لأمور مختلفة والواحد أخر مايفكر فيه بالجيوب هو قومتها

انا عندي6 سلندر تمام خفيفة وفي التطعيس خفيفة تقول كبسولة


اذا اخوك بياخذه بيرتاح الموتر ممتاز

الحين 8 سلندر وثقيل بالقومه :a120(89):

اجل الــ 6 سلندر كيف اكيد انه مايستاهل قيمته !!!!!


ياخوان احد جرب السته سلندر ؟؟

كيف قومته لان اخوي يبي اكسبلورر وانا اقول له لاتتوهق ترا السياره ماش عزم ابد

السلام عليكم:

الموضوع الي طرحته يتكلم عن السيارة كثقل بالقومة، ليس كسباق وللمعلومية الموتر دست فيه لين ال 180، حتى خط من أبدع ما يكون وان شاء الله إذا الله كتبلي وخذيته رايح خط مكة :)

يمكن الأكسبلورر نسى يعشق في الثالث :smilie6:


اخوي ترا هذا فورويل ست سلندر قير أوتو

والماكسيما اللي تقول عليها ستة سلندر ( نوعاً ما رياضية ) قير مانويل


من تتوقع بيطلع على الثاني ؟؟

:)

السلام عليكم
انا عندي أكسبلورا 8 سلندر بصرااحة إنطلاقة ثقيل لان السيارة دفع رباعي مستمر وهذا سبب كره بعض الناس له.

والله انا عن تجربه كانت عندي مكسيما 99 قير عادي استاندر والله ما كنت اسوي حق الاكسبلورر سالفه

اخليه يدعس وامر عليه كانه واقف

ساقول معلومة

مثلا قيادة الكابرس في المدينه تحسسك انك تجر ورائك تريله بينما الكامري كمثال ولا اخف منها

لكن اذا عملنا مطارحه ممكن يروح الكابرس بالريوس

فرق بين خفة القيادة و قوة التسارع مثلا الى 100

تحياتي