السلام عليكم ورحمة الله وبركاته
كان يا مكان .. في حديث الزمان .. كان هناك غلام << براا :D
كيف حالكم يا شباب .. إن شاء الله تكونوا بأتم صحة وخير وعافية
--=== ملاحظة .. القصة طويلة جداً ===--
أود أن أبشركم بزوال الغُمة وإنتهاء الأزمة والضيقة النفسية
بشراء سيارة كنت أتمنى الحصول عليها ـ والحمدلله ـ
►► KIA Sorento 2007 Full Option ◄◄
وأخيراً وصلت لنهاية القصة ( قصة شراء سيارة )
بعد قراءة متواصلة لأكثر من 3 أشهر ( ما يُقارب الـ100 يوم.! )
بدأت قصتي مع المزاد الدولي (مزاد الدولي للسيارات) القابع في أول طريق الدمام بإتجاه الثمامة
ذكر لي أحد الشباب أنه شاهد الفريسة ( Kia Sorento ) هناك.!
فجهزة العدة وأخذت نفسي وطرت على بساط الريح إلى المزاد الدولي
- السلام عليكم
- وعليكم السلام
- ذكروا إن عندكم جيب كيا سورنتو بكم << واثق :D
- إيه هذا إلي وراي .!! ( فعلاً الجيب موقف خلف مكتب الرجال (واجهة زجاج)
- بس وصلت إي نعم هذا هو
- والله هذا فيه مشكلة رقم اللوحة والشاصي مكتوبة غلط في الإستمارة.!
- الحمدلله بس هذي كلها ربع ساعة وتخلص أجل أجيك بعد نص ساعة (هذي بهارات من عندي :))
- يا الحبيب الجيب هذا أصلاً دخل المزاد وتم بيعه لكنها ألغيت بسبب المشكلة.!
- زين إن البيع أُلغيت ولا كان ما شفته ، طيب متى تخلص المشكلة
- والله مشكلته بتطول من 3 إلى 6 شهور..! (ولاده ذي..:a120(24):)
- ليش يأخوي وش دعوة إذا المُعقب زول أنا أخصلها ما عندي مشكلة
- لا يأخوي هذي السيارة تبع البنك الأهلي (يملك 55 ألف سيارة.!) وعليها معقب واحد.!!!
- أيه أجل من جد الدعوة مطولة خلاص أجل .. بأجيك كل يومين وثلاثة أشوف وش صار عليه
- حياك الله في أي وقت << يحسبني أستهبل ما درى إني بصور عنده كل يومين :D
والله ويمر شهرين كل يوم والثاني وأنا مسير على المزاد أسلم على الموظفين وأدخل عليه
حتى من كثر ما جيت صار يجهز لي بيالة شاهي << بهارات :D
طبعاً صارت سواليف وشيل وحط منها أني قلت له حط ورقة عندك
بحيث أول ما تخلص أوراقه تتصل علي وفعلاً حط ورقة
وما شاء الله عليها الورقة طولت مرة جلست 3 أيام بس...:a120(55):
المهم بعد الشهرين جيت كالعادة من أول السيب أزعق عليه (بشر وش صار.!)
قال لحظه ..!!! ويتصل على واحد شوي ويقول خلاص بكرة إن شاء تنقل السيارة.!!
الحمدلله أخيراً تسهلت ، أجل بأجيك بكرة وأخلص الأوارق
( ما دريت إني بجلس شهرين بعد هالكلام.! )
ومن بكرة جيت طيران من الدوام على المزاد عشان أنقل الملكية
دخلت المزاد وأدور .. وأدور ..!!
- معليش أخوي وين فلان.؟
- أخذ إجازة ( ما قال إنها شهر.! )
- طيب وشلون أمس كلمني على موضوع السيارة.؟
- جيب كيا .؟ لا ما أنتهت مشكلته.!!!
- يالحبيب أمس قال خلاص الأوراق خلصت.!
- طيب بأكلم مندوب البنك الأهلي وبكرة أرد لك.!
* وعادت حليمة لعادتها القديمة .. :a120(89):
وأجلس أسبوع ، أسبوعين تردد على هالموظف
إلين جاء اليوم إلي يقولي خلاص بعد بكرة الجمعة بيجي المندوب
جهز أوراقك ودراهمك عشان ننقل المُلكية ( على طول وجهي صار كذا :smilie6: )
وأقوم وأعلن حالة طوارئ .. لازم أجهزة قيمة السيارة خلال يومين.!!
طبعاً ما يمديني أخذ قرض من البنك
وكلم فلان وعلان يالله دبرت الفلوس وقلت لهم كلها شهر راجع لكم إن شاء الله
(والحين بأكمل الشهرين بسبب هالمزاد الله لا يعيده )
المهم جيت الجمعة ومعي الفلوس وجاهز مرة
- السلام عليكم .. جبت الفلوس وش الإجراءات النقل عندكم.؟
- شوي ويجي المندوب عشان نأخذ منه الموافقة ويوقع على إتفاقية الشراء
جاء المندوب .. وأسئلة كم تأخذ إجراءات النقل قال إسبوع.!
- طيب اخوي الحين وش المطلوب.؟
- سدد قيمة السيارة الحين وبكرة أجيب الموافقة عشان النقل
وأسدد وأوقع ما بقي إلا موافقة البنك عشان ننقل السيارة في المرور
وتسحيب يومين ثلاثة إلى أسبوع وتطلع النتيجة في النهاية.!!!
* الأوراق إلي خلصت حق سيارة ثانية لوحتها شبيهة بلوحة جيب كيا *
:emot18:
ما عرفت وش أسوي أدعسه أعضه .. وش أسوي له الحين.!!
وإلي زاد الطين بله الفلوس ما رجعت لي.!! يقولون يبيلك 3 شهور عشان ترجع
:a120(55)::a120(55)::a120(55):
وأجلس أنا وأياهم طقاق كل يوم .. وشيل وحط وترفيس وكفلكس خلفي مدري وش يسمونه
إلى أن طحت بمدير المزاد وأقوله المشكلة طلع من جنبها ما يفهم
بعدها بإسبوع إكتشفت أنه ماهو مدير بل جاي نائب عن المدير الفعلي لأنه في إجازة.!!
كل شيء ضرب عندي السكر والضغط والملح والطمام ما بقي شيء ما ضرب
** وسبحان الله .. فلما أشتدت حلقاتها فُرجت وظننت أنها لا تُفرجُ **
يوم جاء المدير الفعلي ويطلع ذيب وشقردني ويقدر الدقيقة والثانية
والله يشب في مندوب البنك والموظف ـ التراب ـ إلي معطلني
طبعاً طلعت مشكلة جديدة وهي إن الإستمارة ضاعت يعني
يبيلها بدل فاقد .. هذي إلي ما لها دواء أبد ( في منظور البنك الأهلي )
والله ويشب فيهم وأنا ما غير أكب البنزين عليه كل اليوم إتصالات
بعد إسبوع يقول أنه كلم مندوب البنك الأهلي وقاله المندوب
بكرة بتجي سطحه (ناقلة سيارات) فيها 30 سيارة منها 4 جيوب كيا
* طبعاً لا تسأل عن جهل هالمندوب .. زين إني طلعت بواحد كيا (الأربعة باترول وباجيرو سياحي.!!!)
وأجلس أعد الدقائق والثواني .. لأني الآن مصيري بهالجيب إلي جاي
إن طلع زين فالموضوع راح يخلص في إسبوع إسبوعين
وإن طلع دمار فمالي إلا هالجيب إلي ألحاقه من 3 شهور.!!
والله والحمدلله طلع أحسن من إلي جالس أطحن عليه
الأول .. ذهبي ماشي 35 ألف تقريباً
الثاني .. أسود ماشي 12 ألف ـ ما شاء الله تبارك الله ـ
قالي المدير خلاص كلمت المندوب والبنك الأهلي
على أن يتم تبديل البيعة بين الذهبي والأسود بنفس السعر.!
* بغيت أحب رأسه من الفرح من جد والله يستاهل كل خير هالرجال
ووالله ما كمل إسبوعين إلا والسيارة معي بإسمي والحمدلله
وسبب التأخير هو إسترجاع قيمة الجيب الأول من إدارة المزاد
وهنا أقول .. أخيراً زالت الغُمة وإنتهت الأزمة والضيقة النفسية
* والحمدلله رب العالمين *
خاص: مع العلم إن القصة مختصرة جداً.! :)
كان يا مكان .. في حديث الزمان .. كان هناك غلام << براا :D
كيف حالكم يا شباب .. إن شاء الله تكونوا بأتم صحة وخير وعافية
--=== ملاحظة .. القصة طويلة جداً ===--
أود أن أبشركم بزوال الغُمة وإنتهاء الأزمة والضيقة النفسية
بشراء سيارة كنت أتمنى الحصول عليها ـ والحمدلله ـ
►► KIA Sorento 2007 Full Option ◄◄
وأخيراً وصلت لنهاية القصة ( قصة شراء سيارة )
بعد قراءة متواصلة لأكثر من 3 أشهر ( ما يُقارب الـ100 يوم.! )
بدأت قصتي مع المزاد الدولي (مزاد الدولي للسيارات) القابع في أول طريق الدمام بإتجاه الثمامة
ذكر لي أحد الشباب أنه شاهد الفريسة ( Kia Sorento ) هناك.!
فجهزة العدة وأخذت نفسي وطرت على بساط الريح إلى المزاد الدولي
- السلام عليكم
- وعليكم السلام
- ذكروا إن عندكم جيب كيا سورنتو بكم << واثق :D
- إيه هذا إلي وراي .!! ( فعلاً الجيب موقف خلف مكتب الرجال (واجهة زجاج)
- بس وصلت إي نعم هذا هو
- والله هذا فيه مشكلة رقم اللوحة والشاصي مكتوبة غلط في الإستمارة.!
- الحمدلله بس هذي كلها ربع ساعة وتخلص أجل أجيك بعد نص ساعة (هذي بهارات من عندي :))
- يا الحبيب الجيب هذا أصلاً دخل المزاد وتم بيعه لكنها ألغيت بسبب المشكلة.!
- زين إن البيع أُلغيت ولا كان ما شفته ، طيب متى تخلص المشكلة
- والله مشكلته بتطول من 3 إلى 6 شهور..! (ولاده ذي..:a120(24):)
- ليش يأخوي وش دعوة إذا المُعقب زول أنا أخصلها ما عندي مشكلة
- لا يأخوي هذي السيارة تبع البنك الأهلي (يملك 55 ألف سيارة.!) وعليها معقب واحد.!!!
- أيه أجل من جد الدعوة مطولة خلاص أجل .. بأجيك كل يومين وثلاثة أشوف وش صار عليه
- حياك الله في أي وقت << يحسبني أستهبل ما درى إني بصور عنده كل يومين :D
والله ويمر شهرين كل يوم والثاني وأنا مسير على المزاد أسلم على الموظفين وأدخل عليه
حتى من كثر ما جيت صار يجهز لي بيالة شاهي << بهارات :D
طبعاً صارت سواليف وشيل وحط منها أني قلت له حط ورقة عندك
بحيث أول ما تخلص أوراقه تتصل علي وفعلاً حط ورقة
وما شاء الله عليها الورقة طولت مرة جلست 3 أيام بس...:a120(55):
المهم بعد الشهرين جيت كالعادة من أول السيب أزعق عليه (بشر وش صار.!)
قال لحظه ..!!! ويتصل على واحد شوي ويقول خلاص بكرة إن شاء تنقل السيارة.!!
الحمدلله أخيراً تسهلت ، أجل بأجيك بكرة وأخلص الأوارق
( ما دريت إني بجلس شهرين بعد هالكلام.! )
ومن بكرة جيت طيران من الدوام على المزاد عشان أنقل الملكية
دخلت المزاد وأدور .. وأدور ..!!
- معليش أخوي وين فلان.؟
- أخذ إجازة ( ما قال إنها شهر.! )
- طيب وشلون أمس كلمني على موضوع السيارة.؟
- جيب كيا .؟ لا ما أنتهت مشكلته.!!!
- يالحبيب أمس قال خلاص الأوراق خلصت.!
- طيب بأكلم مندوب البنك الأهلي وبكرة أرد لك.!
* وعادت حليمة لعادتها القديمة .. :a120(89):
وأجلس أسبوع ، أسبوعين تردد على هالموظف
إلين جاء اليوم إلي يقولي خلاص بعد بكرة الجمعة بيجي المندوب
جهز أوراقك ودراهمك عشان ننقل المُلكية ( على طول وجهي صار كذا :smilie6: )
وأقوم وأعلن حالة طوارئ .. لازم أجهزة قيمة السيارة خلال يومين.!!
طبعاً ما يمديني أخذ قرض من البنك
وكلم فلان وعلان يالله دبرت الفلوس وقلت لهم كلها شهر راجع لكم إن شاء الله
(والحين بأكمل الشهرين بسبب هالمزاد الله لا يعيده )
المهم جيت الجمعة ومعي الفلوس وجاهز مرة
- السلام عليكم .. جبت الفلوس وش الإجراءات النقل عندكم.؟
- شوي ويجي المندوب عشان نأخذ منه الموافقة ويوقع على إتفاقية الشراء
جاء المندوب .. وأسئلة كم تأخذ إجراءات النقل قال إسبوع.!
- طيب اخوي الحين وش المطلوب.؟
- سدد قيمة السيارة الحين وبكرة أجيب الموافقة عشان النقل
وأسدد وأوقع ما بقي إلا موافقة البنك عشان ننقل السيارة في المرور
وتسحيب يومين ثلاثة إلى أسبوع وتطلع النتيجة في النهاية.!!!
* الأوراق إلي خلصت حق سيارة ثانية لوحتها شبيهة بلوحة جيب كيا *
:emot18:
ما عرفت وش أسوي أدعسه أعضه .. وش أسوي له الحين.!!
وإلي زاد الطين بله الفلوس ما رجعت لي.!! يقولون يبيلك 3 شهور عشان ترجع
:a120(55)::a120(55)::a120(55):
وأجلس أنا وأياهم طقاق كل يوم .. وشيل وحط وترفيس وكفلكس خلفي مدري وش يسمونه
إلى أن طحت بمدير المزاد وأقوله المشكلة طلع من جنبها ما يفهم
بعدها بإسبوع إكتشفت أنه ماهو مدير بل جاي نائب عن المدير الفعلي لأنه في إجازة.!!
كل شيء ضرب عندي السكر والضغط والملح والطمام ما بقي شيء ما ضرب
** وسبحان الله .. فلما أشتدت حلقاتها فُرجت وظننت أنها لا تُفرجُ **
يوم جاء المدير الفعلي ويطلع ذيب وشقردني ويقدر الدقيقة والثانية
والله يشب في مندوب البنك والموظف ـ التراب ـ إلي معطلني
طبعاً طلعت مشكلة جديدة وهي إن الإستمارة ضاعت يعني
يبيلها بدل فاقد .. هذي إلي ما لها دواء أبد ( في منظور البنك الأهلي )
والله ويشب فيهم وأنا ما غير أكب البنزين عليه كل اليوم إتصالات
بعد إسبوع يقول أنه كلم مندوب البنك الأهلي وقاله المندوب
بكرة بتجي سطحه (ناقلة سيارات) فيها 30 سيارة منها 4 جيوب كيا
* طبعاً لا تسأل عن جهل هالمندوب .. زين إني طلعت بواحد كيا (الأربعة باترول وباجيرو سياحي.!!!)
وأجلس أعد الدقائق والثواني .. لأني الآن مصيري بهالجيب إلي جاي
إن طلع زين فالموضوع راح يخلص في إسبوع إسبوعين
وإن طلع دمار فمالي إلا هالجيب إلي ألحاقه من 3 شهور.!!
والله والحمدلله طلع أحسن من إلي جالس أطحن عليه
الأول .. ذهبي ماشي 35 ألف تقريباً
الثاني .. أسود ماشي 12 ألف ـ ما شاء الله تبارك الله ـ
قالي المدير خلاص كلمت المندوب والبنك الأهلي
على أن يتم تبديل البيعة بين الذهبي والأسود بنفس السعر.!
* بغيت أحب رأسه من الفرح من جد والله يستاهل كل خير هالرجال
ووالله ما كمل إسبوعين إلا والسيارة معي بإسمي والحمدلله
وسبب التأخير هو إسترجاع قيمة الجيب الأول من إدارة المزاد
وهنا أقول .. أخيراً زالت الغُمة وإنتهت الأزمة والضيقة النفسية
* والحمدلله رب العالمين *
خاص: مع العلم إن القصة مختصرة جداً.! :)
