السلام عليكم ورحمة الله وبركاته
حبيت أضيف اللي عندي ومع أني عارف وش يبي ميكروسوفت
أنواع الدفرنسات كثيره :
فيه منها واللي كان منتشر في السابق الدفرنس المفتوح وهو اللي مايوازن بين سرعة دوران الكفرات
فتشوف الكوابرس والبيوك والكدالك القديمه وسيارات الدفع الخلفي إذا دعس بقوه على دواسة البنزين يدور كفر بسرعه عاليه والكفر الثاني يدور طبيعي مع ممشى وسرعة السياره فتشوف على الزفلت خط أسود واحد .
----------------------------------------------------------------------------------------------------------------------------------
وفيه الدفرنس المحدود الإنزلاق أو ال LSD وهذا موجود في سيارات الدفع الخلفي القويه القديمه وفي الجديده بعد و في كثير من الوانيتات والجيوب
وهذا النوع فيه نوعين رئيسيين من حيث طريقة حساسيتها لدوران الكفر
الحساسه بالسرعه والحساسه بالعزم
1 - الحساسه بالسرعه :
ومنها نوع الفسكوزي ( طريقة عملها أريح وأنعم من طريقة الحساسه بالعزم ولاكنها أضعف منها ) وهذا موجود في الدفرنس الوسطي لكثير من السيارات الخفيفه و متعددة الإستخدامات مثل الهيونداي توسان والسانتافيه والفيراكروز و التويوتا راف فور والنيسان قشقاي واكس ترايل والهوندا سي أر في والأم أر في أو البايلوت وتختلف في مكان الجرم ياإما في الوسط أو الخلف . مثلاً ( التوسان والسانتافيه والفيراكروز موجوده في الخلف أمام الدفرنس الخلفي لأنه يوجد في هذه السيارات ميزه قويه وهي القفل بتحكم السائق إلكترونياً للدفرنس الوسطي وهذا سيتم التحدث عنه لاحقاً )
------------------------------------------------------------------------------------------------------------------------------------
2 - الحساسه بالعزم :
وتجي بنوعين : - أ- بنضام الكلتشات , ب - نضام الترس
أ - بنضام الكلتشات ( لايتحكم به السائق يعمل بشكل أوتوماتيكي ) وهذا النوع في وسطه كلتشات وزيت خاص بها ( مع زيت الدفرنس العادي ) فإذا دار أحد الكفرين بسرعه فإن هذا الزيت تتغير لزوجته ويثقل بسرعه وبقوه وبهذه الطريقه يكون مثل المتحجر بين المسارات الصغيره بين الكلتشات وبهذا تمسك في بعض ويدور الكفر الثاني ( مثل لو تقوم بتدوير ملعقه في كأس عسل بخفيف تدويره بيكون سهل وكلما أسرعت صعب وثقل إلى أن يدور معك الكاس ) وهذا هو الموجود في أغلب الدفرنسات الخلفيه للجيوب وبشكل أساسي مثل الاندكروزر والسورنتو والباجيرو والجالوبر وغيرها وتختلف فيها القوه بين بعضها البعض مثلاً الهايلوكس فيه هذا النضام لاكنه خفيف بحيث نشوفه على الرمل إذا دعس يدور الكفرين لاكن إذا كان أحد الكفرات متعلق ماتقوى الكلتشات أنها تدوره فتفوت ومع الوقت ومع كثرة التفويت والعمر فإن هذي الكلتشات ينتهي عمرها ويصير الدفرنس تقريباً مفتوح .
ملاحضه ( الزيت الخاص المذكور يجي في علبه صغيره 250 مل تقريباً ومكتوب عليه LIMITED SLIP DIFFIRNTIAL يعني خاص فقط بالدفرنسات بهذا النضام وإذا تم تغيير زيت الدفرنس لازم ينقص 250 مل ل تصب معه هذي العلبه , وأذكر أني شريتها من قطع غيار GM وعلبتها زرقاء بحوالي 25 ريال .
ب - بنضام الترس أو مايسمى أيضاً بحكم طريقته لأنها كالقفل LOCK وهو أقوى طريقه ( ومنه نوع يعمل أوتوماتيكياً وبشكل دائم مثل بعض سيارات الدفع الرباعي من الجموس والفرود دائماً يجي فيها بشكل إختياري ---
ونوع يتحكم بتشغيله وإطفائه السائق بشكل إلكتروني للدفرنسات الخلفيه بشكل زر مثل الدفلوك للباجيرو والاندكروزر والباترول أو للدفرنس الوسطي ويسمى السنترلوك بطريقه يدويه مثل الباجيرو مع عصا الدبل أو بشكل إلكتروني بزر مثل الاندكروزر والتوسان والسنتافيه والفيراكروز .
وأشهر الشركات في صناعتها هي ال EATON و شركة ( TORSEN وهو إختصار لكلمة TORQUE SENSITIVE وبالعربي حساسه بالعزم )
وهذا النضام بإختصار يوجد فيه بداخل الدفرنس ترس يدخل بين ترس الكفر اليمين وترس الكفر اليسار بحيث يحول القوه الواصله إلى ترسي الكفرين بشكل قوه واحده وكأن الكفرين ملحمه مع بعض بحيث إذا وقف أحد الكفرات عن الدوران لتعلقه الشديد فإن الكفر الثاني يتوقف معه , يعني ياإما يمشون مع بعض أو يوقفون مع بعض .
وفيه ملاحضه بخصوص القفل الأوتوماتيكي وهو أنه في الحالات العاديه يكون طافي لأنه بيكون من الصعب أن تلف السياره أو تديور وهو شغال , ولهذا عمله يتم إذا صار فيه فرق بين سرعة الكفر والكفر المقابل له ويستمر في عمله إلى أن تتعادل سرعتهم مع بعض أو توصل السياره إلى سرعة 35 كيلو .
وملاضحة أخرى مهمه لأصحاب الديفلوك , لاتقم بتشغيل النضام أبداً وهو على أرضيه الإحتكاك فيها صعب مثل الزفلت وغيره لأنه إحتمال أنه يكسر ترس القفل ويعطب الدفرنس , يفضل أنه يشغل فقط على الرمال وفي الضروره أو على مناطق شبه صخريه وعند الضروره القصوى .
( لاتحاول مافيه أمل يستمر يفحط السورنتو :smilie6: وهو في دفرنسه الخلفي LSD حتى ولو طفيت ال ESP ) لأن عمل ال LSD وهي إختصار ل الدفرنس محدود الإنزلاق وطبعاً هذا أحسن مافيه في الطعوس البسيطه يغنيك عن الدبل وحتى مع الدبل يساعده كثير .
بإختصار , ليش مايدور ويفحط السورنتو وهو لأنه إذا قام كفر من الكفرات الخلفيه بالدوران بسرعه أكثر من الكفر الثاني بسبب الدعس القوي على دواسة البنزين فإنه تلقائياً يشبك معه الكفر الثاني فيدور معه ويصير الإحتكاك مع الأرض صعب فما يقدر السورنتو بثقل وزنه فوق الطنين بشوي وبقيره الأوتوماتيك حتى ولو أن قوة مكينته 266 حصان أن يجعلها تدور مع بعض لفتره طويله .
وهذا اللي يخلي الجيوب وبقيرو أوتوماتيك مثل الاندكروزر و الباجيرو وغيرها بهذا النضام في دفرنسها ماتقدر أن تستمر في التفحيط إلى مسافات طويله وعلى خط مستقيم .
إن شاء الله تكون الإضافه مفيده . :)
