الأحد 19 أبريل 2026
عاجل

الجبر ----------- الحمراني _>_>_> ومنافسة نيسان

نادي السيارات اليابانية
8 رد 3,117 مشاهدة 9 مشارك الأقدم أولاً
A
ARMADA_2008 @user_115581 · 23-09-2008
السلااااااااااااااااااااااااام عليكم

شخبااركم كوووووويسين ------------------ المهم ياشباب انتم عارفين ان الوكلين لنيساان بالسعوديه هم الجبر والحمرااني -------- بس من هم الافضل برائيكم بجميع النواحي -- الاسعار-- الخدمه بعد شراء وقبل اشراء ----- اسعار قطع الغيار----- والالتزام بضمان وصيانه



يالله ياشباب عاد همتكم >>>> وخبرتكم
ع
عــ حروف ــازف @user_122722 · 25-09-2008
السلام عليكم و رحمة الله وبركاته

أولا من وجهت نظري الحمراني أفضل

لأن الوالد قبل كم سنه شرا من الجبر سفاري
وسوا به حادث أليم أدا إلى قص الغماره الأماميه بالؤكسجين لستخراج البطل >>أبوي طبعا
المهم رحنا للوكاله على اساس شرط إستبدال السياره في حالة عدم مقدرة الوكاله تصليحها
الوكاله ما قصرو وافقو على الأستبدال لما شافو السياره
لكن لما جاء وقت الأستبدال عطونا ....
ددسن غمارتين ستاندر !!!!!
لييييييييييييه ؟
بدون اي إجابات
"تهرب Xتهرب"

ولما وصلت الدعوى محاكم قالو خذ 20000 وتنازل عن القضيه
طبعا الوالد كان طفشان من المحاكم والدعاوى قبل و حلف ما عاد يشري من هم


ولكن فيه معلومه مهمه جدا جدا جدا
إذا بتشتري نيسان حاول تاخذه من الوكيل الي في منطقتك

لأن واحد من الشباب خذا من معارض الرياض ددسن ولما راح للحمراني
قام يماطل به ويصرفه ويتملعنون عليه
المهم مسك واحد مصري عندهم وسأله ليش المماطله ؟
تدرون وش رد عليه ؟؟؟؟
قاله لأن سيارتكم من الجبر رح صلح عنده ليش ما شريت منا
طبعا أكيد فيه ناس موب مصدقه ... بتقول يمكن الموضوع كبير وصعب تصليحه!!
لكن لا السالفه وما فيها إن عصا القير لو يسحبها على فوق طلعت في يده
والحل مجرد ربط صواميل "بلوط"
لكنهم صرفوه بتصريفه بايخه بالنهايه
قالو له المهندس ما يعرف يفك التلبيسه حقت الأرضيه !!!

يعني وكيل كبير مثل الحمراني ما عنده أحد يعرف يفك الأرضيه !!!!!!!!!


د
دايم الشوق @user_18102 · 24-09-2008
شوف انا مره رحت للبازعي وقالوا لي انهم راح يمسكون وكالة نيسان كرديف للحمراني والجبر موزع معتمد 00 وبالنسبة للوكلاء الحال من بعضه دام حماية المستهلك نايمين في العسل هذا إذا موقفوا مع القوي ضد الضعيف







زوروا موضوعي الجديد تجدون مايسركم ترى فيه سحب على سيارة رموت كنترول زي هذي :emot30: ويصير العيد عيدين

صدقني بتخسر إذا مابتحضر >> يسمع بالاغراء خخخ


http://www.assayyarat.com/forums/showthread.php?p=1499026#post1499026
a
atlantis @user_32402 · 23-09-2008
اهم شي يفكون الناس من سالفة الاحتكار لشركه مثل نيسان ويخلون بدال الوكيل وكلاء يتنافسون للافضل
م
مربوش @user_12247 · 23-09-2008
الباازعي بدأ ينصب في تويوتا ترا

يجيب سيارات على اساس انها مواصفات عمانيه اويمينه

طبعا لانهم افضل الموجودين

وتطلع من البحرين او من قطر
ونفس مواصفات ابوجميل
w
waleed4w @user_18798 · 23-09-2008
Y
Yazeed10
يقال ان الحمراني في تطور في الفتره الاخيره ..
والجبر ليس وكيل .. وإنما موزع للحمراني في الشرقيه !

بس مين البازعي ياشباب ؟
وكيف خدماته ؟
ووين موقعه في الشرقيه ؟


كلامك صحيح ..

الحمراني هو الوكيل الوحيد لسيارات نيسان . الجبر مجرد موزع فقط ..

والبازعي موجود في الرياض على طريق خريص ..

اللي اعرفه انه يجيب سيارات تويوتا بمواصفات ممتازه وصناعه يابانيه باسعار معقوله جدا ..
Y
Yazeed10 @user_119550 · 23-09-2008
يقال ان الحمراني في تطور في الفتره الاخيره ..
والجبر ليس وكيل .. وإنما موزع للحمراني في الشرقيه !

بس مين البازعي ياشباب ؟
وكيف خدماته ؟
ووين موقعه في الشرقيه ؟
ع
عالم مشاعر @user_987 · 23-09-2008
الحمراني هو الوكيل الرئيسي في المملكة ، الجبر موزع معتمد للحمراني

اللي أسمعه ان الجبر أفضل من الحمراني في هدمات ما بعد البيع

الآن البازعي راح ينافس الحمراني بافتتاح فروع خاصة بنيسان وانفنيتي ذات مواصفات خليجية ، وهذا الشيء طبعا راح يكون في صالح المستهلك
ا
ابو حكيم @user_4861 · 23-09-2008
والآن دخل البازعي في المنافسة
بسيارات خليجية
سجّل دخول للرد...