بسم الله الرحمن الرحيم
السلام عليكم ورحمة الله وبركاتة
حبيت انقل لكم رأيي المتواضع وأنطباعي ( وقصتي بالمرة ) عن الفورد أكسبديشن 2008
وأحب اولاً ان اشكر الأداره على تفعيل عضويتي للمشاركة معكم في المنتدى الأكثر من رائع
والله يجزى ادارة هذا المنتدى كل خير ويعطيهم العافيه على جهودهم المبذولة
وأحب اشكر اخوي ابو لميس والله يجزاه كل خير لمساعدته لي من دون مايعلم عن تغير فكرتي من التاهو الى الأكسبديشن من تقاريرة عن هذي السيارة وارائه والله لايحرمنا منك وعساك عل القوة
بالنسبة لي انا كنت ناوي من قبل رمضان اخذ تاهو ومابعيني ولا براسي الا هو ماغيره شي ولا كان يخطر في بالي الفورد بجميع اشكاله لا اكسبديشن او غيرة والوالد الله يحفظة يقول لي شوف الأكسبكشن هههههه يسميه كذا عسى الله يخليه لنا ويحفظه بحكم انه راكبه وعاجبه مع ولد عمتي الجديد طبعا 2007 وانا اقوله مو عاجبني لأنه ماكان بخاطري ابدا شي غير التاهو
ورحت الوكاله من قبل رمضان وانا عندهم ابي التاهو وماعجبني استقبالهم ولا ردهم علي الي يقول مافيه واللي يعطيني سعر يروع وخاصه بعد مادروا اني بآخذه أقساط قاموا يصرفوني
ورحت الصالات ادور ولقيت يوكن دينالي 2005 عجبني والله شكله ومواصفاته وكان اهم شي عندي يكون فيه ديفي دي علشان عبود ولدي واخته صكوا راسي من اللعب فوق راسي وانا اسوق ومافيه الا اخذ سياره بدي في دي واريح راسي منهم مجرب
ومشيت بأجرائاته وقدمت اوراقي ومجهز الدفعة 30 الف وكان بسعر 85 وقبل لا أدفع الدفعه قلت اصلي صلاة استخارة واصبر اسبوع وعسى وقمت اقراكل شي عن اليوكن وبالصفه شفت تقرير ابو لميس وعجبني انطباعه عن الأكسبديشن وحطيته ببالي وخاصه ان ام العيال تبي الأكسبديشن تسمع عنه من مدح ابوي لذا السيارة علما ان سيارتة الله يحفظه gxr2008 قطري ويمدح الأكسبديشن اكثر !! ورحت اوكاله وشفته بالطبيعه وشدني بصراحه فخامته ورحابته ورفعه عن الأرض
وبالليل صليت استخارة وقمت ماباللي الا الأكسبديشن
ورحت لهم لقيت كل ترحيب وبشاشه من موظفينهم الله يجزاهم كل خير وامورهم ميسرة وقدمت عليه اول اسبوع من رمضان ماخذا اسبوع الى هو عند البيت
اكسبديشن اسود 2008 دبل وعلى طول خذيت اجازة وقلت لأم العيال جهزي نفسك انتي والعيال ابجرب السيارة خط وعلى الكويت ناخذ يومين ونرجع
وبصراحه الموتر لو امدح فيه من اليوم لبكرة ماراح اوفيه حقة ماقصروا الأخوان كفوا ووفوا من قبل ومابالغ اذا قلت افضل سيارة سقتها من سياراتي اللي قبل
من جيوب vxr ,gxr وتريل بليزر
ولا يزعلون مني اهل الجيوب التويوتا خاصه ( اني بشتري سيارة لي مو للشريطيه ))
والكلوزر زين بالطعوس اذا غيرتوا توايره ببوالين والسوالف الي يعرفونها زين
واليوكن تقوم حرارته بالتطعيس والدينالي مافيه دبل اوتو يجيك يغثك غث بالتطعيس بس شكل عل الفااضي
لذا يالي تستفسرون عن الأكسبديشن والتاهو او اليوكن او اي شي عليكم بالأستخاره فالخيرة ان شاء الله باللي يختاره لك رب العالمين وييسره
وعسى الله يحفظكم ويبارك لكل بموتره ويجعله مركوب الهنا للجميع
تقبلوا تحياتي
اخوكم ابو عبدالله
والله يجزى ادارة هذا المنتدى كل خير ويعطيهم العافيه على جهودهم المبذولة
وأحب اشكر اخوي ابو لميس والله يجزاه كل خير لمساعدته لي من دون مايعلم عن تغير فكرتي من التاهو الى الأكسبديشن من تقاريرة عن هذي السيارة وارائه والله لايحرمنا منك وعساك عل القوة
بالنسبة لي انا كنت ناوي من قبل رمضان اخذ تاهو ومابعيني ولا براسي الا هو ماغيره شي ولا كان يخطر في بالي الفورد بجميع اشكاله لا اكسبديشن او غيرة والوالد الله يحفظة يقول لي شوف الأكسبكشن هههههه يسميه كذا عسى الله يخليه لنا ويحفظه بحكم انه راكبه وعاجبه مع ولد عمتي الجديد طبعا 2007 وانا اقوله مو عاجبني لأنه ماكان بخاطري ابدا شي غير التاهو
ورحت الوكاله من قبل رمضان وانا عندهم ابي التاهو وماعجبني استقبالهم ولا ردهم علي الي يقول مافيه واللي يعطيني سعر يروع وخاصه بعد مادروا اني بآخذه أقساط قاموا يصرفوني
ورحت الصالات ادور ولقيت يوكن دينالي 2005 عجبني والله شكله ومواصفاته وكان اهم شي عندي يكون فيه ديفي دي علشان عبود ولدي واخته صكوا راسي من اللعب فوق راسي وانا اسوق ومافيه الا اخذ سياره بدي في دي واريح راسي منهم مجرب
ومشيت بأجرائاته وقدمت اوراقي ومجهز الدفعة 30 الف وكان بسعر 85 وقبل لا أدفع الدفعه قلت اصلي صلاة استخارة واصبر اسبوع وعسى وقمت اقراكل شي عن اليوكن وبالصفه شفت تقرير ابو لميس وعجبني انطباعه عن الأكسبديشن وحطيته ببالي وخاصه ان ام العيال تبي الأكسبديشن تسمع عنه من مدح ابوي لذا السيارة علما ان سيارتة الله يحفظه gxr2008 قطري ويمدح الأكسبديشن اكثر !! ورحت اوكاله وشفته بالطبيعه وشدني بصراحه فخامته ورحابته ورفعه عن الأرض
وبالليل صليت استخارة وقمت ماباللي الا الأكسبديشن
ورحت لهم لقيت كل ترحيب وبشاشه من موظفينهم الله يجزاهم كل خير وامورهم ميسرة وقدمت عليه اول اسبوع من رمضان ماخذا اسبوع الى هو عند البيت
اكسبديشن اسود 2008 دبل وعلى طول خذيت اجازة وقلت لأم العيال جهزي نفسك انتي والعيال ابجرب السيارة خط وعلى الكويت ناخذ يومين ونرجع
وبصراحه الموتر لو امدح فيه من اليوم لبكرة ماراح اوفيه حقة ماقصروا الأخوان كفوا ووفوا من قبل ومابالغ اذا قلت افضل سيارة سقتها من سياراتي اللي قبل
من جيوب vxr ,gxr وتريل بليزر
ولا يزعلون مني اهل الجيوب التويوتا خاصه ( اني بشتري سيارة لي مو للشريطيه ))
والكلوزر زين بالطعوس اذا غيرتوا توايره ببوالين والسوالف الي يعرفونها زين
واليوكن تقوم حرارته بالتطعيس والدينالي مافيه دبل اوتو يجيك يغثك غث بالتطعيس بس شكل عل الفااضي
لذا يالي تستفسرون عن الأكسبديشن والتاهو او اليوكن او اي شي عليكم بالأستخاره فالخيرة ان شاء الله باللي يختاره لك رب العالمين وييسره
وعسى الله يحفظكم ويبارك لكل بموتره ويجعله مركوب الهنا للجميع
تقبلوا تحياتي
اخوكم ابو عبدالله
