أنطباعي عن الأكسبديشن 2008 بعد التجربة

والله يابو هذال ماجاك الا الصدق وبعني شايفه انا كتبت رقم 90 95 لأني مو متأكد بس الوكاد انها فوق النص واذا جرت على الموتر بتوصل الخط الأحمر وعن تجربة للتريل بليزر 2004 ماادري عن اليوكن بس نسيبي عنده يوكن يمدح رساوته فقط عل الخط ويشكي من حرارته وانا وياه ماخذين مواترنا بيوم واحد واذا رحنا للأمارات سوا بالصيف اشوف حرارته وحرارتي ترتفع ماتنزل عن النص الا باليل خاصه مع الوقفات الطويله والمكيف شغال
=======================
وانطباعي عن الأكسبديشن الى الآن مرضي
وبعلمك بالسلبيات خل الأيجابيات :

1- تنسيم بالهوا على السرعات (شوي مو واجد ) بباب السواق وهذي بروح الوكاله بالأووف وبعلمهم عنها
2- اول ماخذته من باب الوكاله ولعت لمبة السنسر لضغط هواء التواير \ ونسمت توايره كانت 50 خليتها 35 وماراحت علما سويت رست وماراحت ورجعت الوكاله ثاني يوم وسولها رست والى الآن لله الحمد والمنه مارجعت--- لها شهرين وماشي 3550
3- ماادري عنه بالتطعيس لين الحين لأني ماجربته -- وهذي ابشر باللي يعطيك العلم عنها بعدين ان شاء الله وبصدق وحياديه وربي
4- مافيه دي في دي لأنه XLT وهذي مؤقتا مركب اللي ورا السناده لين اركبله ( وطبعا هذا اهم من السيارة كلها لأن عيالي الله يصلحهم صكوا راسي من اللعب ومايهجدهم الى هو )

5- ؟؟!! وربي ابي اتذكر شي ثاني والشهاده لله ماااااالقيت ( الموتر جديد ) مايمديه الله يعطينا خيرة ويكافينا شره

يشرفني والله معرفة الناس الطيبه امثالكم
اخوك ابو عبدالله

ألف مبروك أخوي

يازين ما اخترت

ربي يعطيك خيره ويكفيك شره

يا اخي الكريم حرارة اليوكون وكل الجموس الطبيعيه شتاء صيف واقف ماشي المكيف شغال او طافي محمل اوفاضي هي بالضبط 96 درجة مئوية من المصنع الا اذا موديله 2003 و تحت فممكن (لان 2004 وطالع مراوح كهربا بالكامل و مستحيل ترتفع الحراره بكل ما تعنيه كلمة مستحيل من معنى)

ولا تنسى انطباعك عن الاكسبديشن بعد تجربته

تحياتي

على البركة السيارة

مبروك وما شاء الله تبارك الله
وان شاء الله اختيار جيد والسيارة احس انها عائلية وعملية
وتحياتي

تسلمون يااخوان والله يبارك فيكم ويرزقكم ان شاء الله بأحسن منه

وعساكم عل القوة

هههههههههه أكسبكشن على قولة الوالد الله يحفظه

وعارف والله انها مو تجربة لكنه انطباع اكثر من كونه تجربة وخاصه اني ماارفقت لكم صور

لكن ان شاء الله ابشروا بس ماابغى الصور تكون عادية ( ابسويله ان شاء الله بأقرب فرصه تقرير (( حيادي )) بالبر وان شاء الله اتوفق فيه

شكرا لك
عن التجربة

ماشاء الله تبارك الله

أحسنت الاختيار..والله يعطيك خيره ويكفيك شره

تقبل مروري

مبروك الاكسبيكبيسششكنن

بارك الله لك فيه

وكفاك شره

تحاياي

اخوي الهامور نعم يجي يوكنLTاو LTZ وهذا دبل وممتاز تقدر تتحكم فيه يعني خفيف + ثقيل اما اليوكن الدينالي ماتقدر تتحكم فيه يقولون لين الثمانين ويفصل يعني دفع رباعي اوتو مستمر وهذا بشهادة ناس اعرفهم زين وعندهم ومجربينه يحتر بالتطعيس فوق النص توصل 90+95

والشهاده لله ماجربت الأكسبديشن لين الحين والله يستر لا تصير نفس المشكله بعد ماادري بصراحه !!
====================

اخوي الناصر شرفتي بمرورك ويعطيك العافيه شفت شلون وكالاتنا لكن شتقول مااقول الى حسبي الله ونعم الوكيل عليهم
ومن أمن العقوبه أساء الأدب

ماعندك حماية لمستهلك علشان كذا ماتهمهم لا سمعة الوكاله ولا ذا السوالف
والله يعين يابن الحلال لكن الأمل بالله ثم بحكومتنا الرشيدة تزين الأوضاع بالمستقبل

( تفائلوا بالخير تجدوة ) بأذن الله

ياخوي ابو عزام مااسب بالمواتر الثانية بالعكس انا عندي كل المواتر زينة وربي وكل موتر فيه الي ينقصه وفيه اللي يميزة ومافيه شي يجيك كامل ماكامل الا سبحانه تعالى

وذها مو نقص ولا تقليل من المواتر الثانيه بالعكس فيه اشياء كثيرة موجوده بالجيب تيوتا ( كني حاس انهم بيزعلون علي ) مو موجوده بالفورد وعن تجربة مو مهايط علا مايقولن يكفيك اني اكيد من بعد الله ثقتي بالتيوتا في البر مثلاً اكثر من الفورد يعني لي قلب اقطع به واغامر ادخل بالعميق في البرنا والطعوس ولو معي عيالي لاكن الأمريكي عامة مالي قلب ولا افكر يعني عل الخفيف وهذا مو عيب طبعا بالأمريكي عامه لكن شكلك ولا يهونون الأخوان عارف ان اقدر اجهز مثلا الجيب بالتجهيزات الازمة ( بوالين + تشيل الدعاسات وترفع الموتر والسوالف ذي ) وسهله بالتيوتا والنيسان غير الأمريكي والله يهني كل المسلمين بحلالهم


لكن بيني وبينك عاجبك عزم التيوتا ال gxr مو ال vxr التوماتيك مو العادي بالطعوس واهم شي يكون شد بلد يعني بدون الزيادات الثانيه ( لا هدرز او بوالين ) انا عن تجربة اشوفه مايشد حيله
وثاني شي مبالغ بسعره ال جي اكس 154 الف مافيه مثبت سرعه ومو مريح عل الخط حتى الفي اك ار عند اخوي 2005 مو مريح عل الخط ( الموتر يابس ) هذي ميزه وعيب بنفس الوقت صح ولا انا غلطان
وتكفى لاتزعل مني بالأول والأخير هذا رأيي انا ( ورأيي صواب يحتمل الخطأ ورأي غيري خطأ يحتمل الصواب ) وانطباع شخصي بحت

لذا اقولها للأخوان كذلك لاحد ياخذ بكلامي عليهم بلأستخارة من رب العالمين

يا أخوي أمدح موترك لكن لا تسب المواتر الثانية

وألف مبروك على سيارة الوالد اللاندكروزر القطري

وسبحان الله لازم كفرات بالون عشان البر والطعوس :)

أما بالنسبة للوكالات في السعودية فوكل الله كلهم ما عندك أحد مهما مدحناهم

عموماً ألف مبروك عليك السيارة الله يحرسك من الحسد والشر

سلام

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماشاء الله وإختيار موفق جدا
والله يطرح البركة
في الموتر ويبارك لك بعيالك ويحفظلك الوالدين
وبودي لو أعلق ع استقبال الوكيل يأخي الى متى والموظف تجي تشتري سيارة وكأنك تطرها منه؟؟؟
كأنه بيعطيك اياها ببلاش؟؟؟؟!!
بس وكيل فورد عندنا ماقول الا عسى كل الوكلاء مثلة!!
وبالتوفيق....

تعجبني والله سالفه غسيل السياره بالبيت لو عندي بايكه كان ماعتبت على المغاسل

زمان اول ايام ماقبل الزواج والعيال كنت ما اغسل الا برا عند الباب :emot96:


والشامبو اللي شريته من ساكو ممتاز مع اني مدري اي نوعيه لكن اعرف ان ساكو منتجاتهم

ممتازه وعندهم بعد ملمع للديكور الداخلي ممتاز خاصة ان العيال مثل منت عارف يوسخون

الديكورات بعد فتره بالشكولاته والحلاو والعصيرات واسال مجرب ولاتسال طبيب

والله ييسر امرك

الله يبارك فيك اخوي فيصل

واما من ناحية وسيع فهو ماشاء الله ديره
سدحت لك الأسيات الي بالوسط ( وهذي من ميزات الأكسبديشن ) وخليتهم في الصف الأخير لجل يتعبون مايجوني من طول المسافه وابركب ديفي دي لهم بالسنادات اللي ورا

ومن ناحية الغسيل فهو سبحان الله انا من زمان وماداني لا مغاسل ولا هنود اغسل سيارتي في بيتي ماخذها هوايه ولو انه ساعات اتكيسل وتغبر السيارة بس تكسر خاطري بلأخير وأغسلها

من فوائد المنتدى توني ادري ان الفيري بالغسيل مايصلح وانا حارقلك سيارتي الي قبل بالفيري من اول (( أشوفها شوهبت وماعاد فيها لمعه )) والأكسبديشن هاه صاده الفيري مرة وحده وبعدين غيرت بشامبو غسيل للسيارات من ساكو الله يستر منه هو الثاني والله ماادري عنه شي اللي يدري يعلمني لونه اصفر واسمه من منتوجات فورميلا

لكم فائق احترامي

الله يبارك لنا بصحتنا وياكم اخواني

الله يجزاكم خير ويحفظكم ربي انشاء الله يشرفني وربي مروركم

مبروك الف مبروك والله يعطيك خيره ويكفيك شره والعيال يبون ينبسطون كثير خاصة انه

وسيع وياخذون راحتهم

عندي ملاحظة بسيطه على اللون :: لاتخلي اي عامل من العمال اللي بالشوارع يغسلون السياره

وغسل السياره في المغاسل العامه ولاتكثر غسيل ....بالاسبوع مره يكفي لان اللون الاسود

يبيله عناية

ولاتنسى كذلك تظلله تظليله عازل حراري عشان حراره الشمس

والله الموفق