كراون فـكـتـوريـا تحـقـق التـــســـارع فــي 6 ثـــوانــــي فـــقـــط...!!(يوجد مقطع)

ياساتر اصحاب الفكتوريا بالقوة يبون يجيبون المية في 6 ثواني
الفكتوريا النشيط جدا يجيبها في 8 ثواني
واصلا الفورد سواء فكتوريا او ماركيز لم يصنع للسباقات والمقاومات
اذا تبي تجاكر خذلك شفر او التيما اوريون
يسوي داعية لسياراته هو ووجهه
هههههههههههههههههههههههه
ترى امزح
بس هذي الحقيقة

تصوير التسارع مو شرط ياخوان !!
انا مستعد بالفكتوريا اصور لكم تسارع في 5 ثواني !!!!!!!!!! وشلون
ادحدر مع دحديره فرضا دحديره السويدي وازر الموتر زررررر
شرط ان يخرط الطبلون في 10 ثواني لاني في نزله
بس تبون اثبات يجمد ع الشارب هات الموتر طبيعه وعلى حلبه معروفه زي تجارب الحلبات وقتها تشوف الفضايح صح
والحين كل واحد يصور تسارعه مع نزله ويقول شوفو العزم والفضل للدحديره مو لموتره !!

كلامك علمي ورائع جداً

لكن المارودر 302 حصان , والفكتوريا يقولون 269 حصان والأغلبية 239 حصان , والبعض 224 :D

صحيح كارونه البوليسي اقوى , لكن فرق الأحصنه مو هينه بين المارودر والفكتوريا وأتوقع انها تأثر أكثر من تأثير الكارونه

تحياتي...

تسارع جبار والله

يأخوان افهمو شوي الفكتوريا p70 , p72,p73, p74 تجي كرونة 2.73 وتكون مريحة وتلاحظونها قومتها هادية مرة وماتصرف بنزين لأن لو تلاحظون مثلا تمشي 180 على الفصلة والظغط عند 2وفوق النص بشوي وأقوى تسارع لها ستوك مع تنزيل القير من الوكالة هو 8 ثواني سواء كان قير أرضي ولا علاق من غير برمجة ستوك

أما P71 تجي حق الدوريات كرونة 3.72وسألت عنها بالوكالة وهي أرخص من اللي فوق لاكنها حاشرة يعني تعطيك فزة قوية بالقومة لكن طبلونها أقل من الكرونة 2.73 بقليل يعني بالخط الكرونة المريحة تقدم على كرونة البوليسي بمسافة سيارة هذا لوانهم مبرمجين وفاتحين السرعة على سرعات عالية

ويا شباب لاحد يستغرب لان الماروردر كرونته 3.55 ويجيب 6.9 تقريبا وهو ستوك وهذا بوليسي جابها في ست ثواني والكرونة 3.72

وشكرا

الموضوع قديم شويه لكن بما انه انرفع مافيه مانع من التعليق مجدداً :D

بالنسبة لي اشوف ان التسارع الحقيقي للـP71 هو هذا

[YOUTUBE]VpTC64C4hdE&feature=related[/YOUTUBE]
http://www.youtube.com/watch?v=VpTC64C4hdE&feature=related

حوالي 7.5 ثانيه جميل جداً

لكن 6 , للحين ماخش راسي انه ستوك !

مشكور جذاب مره ثانيه :c005:

ماشاء الله تسارع جبار بالنسبة للفيكتوريا

الله يعطيك العافيه يالغالي

مشالله تبارك الله

تسارع ممتاز

اخوي فاهم عليك بالنسبه لترس السرعه في القير وهذا مووضوع منزله بالمنتدى

http://www.assayyarat.com/forums/showthread.php?t=143885

اما بالنسبه لموديل السياره مبين عندك من بياناتي انها موديل 94 وماظن تحتاج كمبيوتر ... الخ

بالنسبه اخوي تراك ربكتني شوي بالنسبه للوزنيه مافهمت عليك انا الي اعرفهم الورشه فاهمين

وقالي لازم اغير معاه اربع تروس داخل الكارونه مادري وش هي بس الوزنيه ياليت توضح لي

حتى لو برساله خاصه

أخوكـ

انا اجيبه لك من الوكاله 900 ريال تقريبا 3,27


والترس اللي اقصده ترس السرعه اللي بالقير وكل كرونه لها ترس سرعه ومعروف بالالوان

احمر وازرق وابيض

عموما تركيب كرونه مستعمله افضل من الكرونه الجديده لان الجديده لازم وزن وقليل جدا اللي

يعرفون يوزوننها والوكالة توزنها ولكن المشكله الوكاله مايركبون الا نفس الكرونه الشد بلد

الاساسية الموجوده بالسياره وياخذون سعر مبالغ فيه لكن الكرونه المستعمله تجي جاهزه...فقط

تركبها وتركب ترس السرعه بالقير وتركب كمبيوتر متوافق مع الكرونه وهذا تحصله بالتشليح

واذا انت جازم اعرف واحد يمكن يدبر لك الكرونه والترس والكمبيوتر

وقبل كل شي كم موديل سيارتك ؟؟

والله الموفق

يعطيك العافيه اخوي انا محصل كارونه 3.08 بـ 850 طبعا تجي بس الكارونه والبنيون قطعتين فقط

وانا ناوي من اول ماكتشفت ان الكارونه عندي 2.73 ناول على 3.27 على طول

بدون اي تاخير بس للاسف السعر الى الان ماجاني من المحل الي اعرفه ولازم طلبيه وانا بكره

الصباح رايح اشوف وش السالفه بس الحين مافهمت عليك بالنسبه لترس السرعه في الكارونه ؟؟!

أخوكـ

ياشباب ال P71 موجودة عندنا بس تلقى اغلبها ياموظب صاحبها الدفرنس ومركب خليجي ياموظب الجربوكس وانا معاي واحدة P71

هلا امير بكلمتي

ركب كرونه 3,27 وشف الفرق كيف يطلع معك ولكن يجب تغيير ترس السرعه المتوافق مع

الكرونه كذلك كي يتوافق

نسبة القير مع الدفرنس حيث سيكون هناك خلل في التعشيقات لان الترس القديم سيعطي الكمبيوتر

قراءه غير صحيحه للسرعه ويجعله يبدل النمر في غير توقيته الصحيح


قيمة الكرونه وكاله : 1060 قبل الخصم بعد الخصم اقل طبعا وعلى حسب الخصم المعطى


والله الموفق

اخوي هذي p71 والي معنا p72

فيه فرق في المكينه

وللأسف امس تم اكتشاف ضعف عزم سيارتي وهو ان الكارونه الي راكبه عندي طلعت 2.73

وليست 3.27 وذلك دليل على انه تم تغير الكارونه عندي والله يعين شاكر لك اخوي فيصل

على توضيح كارونة البوليسي

أخوكـ

ماشاء الله تسارع جدا حلو من الكلاسيكية الكراون فيكتوريا